Hebreuge 7:9 - Nouveau Testament en Gulay 2004

⁹ Titeke Abraham ra’n, nyan è dɔg ɓaa è unn tà karé ade. Lévi kuwe géa ra titeke bè tɔ. Tede ngannkànnge géa, ke nè á nyan è dɔg ji kosdooge ke Israel ɓaa, ei unni tà karé-karé adi de.

Hebreuge 7:9 ပူးပေါင်းရင်းမြစ်များ

Nje Ke Rome 5:12

Majelé ree dè nang se go rebe ke ra doo karé’t. Doo nè nga è Adam. Yo ree dè nang nè se go rebe ke ra majelé’t. Titeke bè á yo ree on’n ɓee dè dooge’t malang tede dooge malang ei njé ra majelége.

Hebreuge 7:4

An-in! Melkisédec nga è doo ke bò. Kà jéi Abraham ndɔ ke tɔr tà nyange ke maje-maje ke in’n loo rɔ’t karé-karé ade’n. Ke nè á nyan è dɔg ɓaa, è ɔr tà karé ade Melkisédec.

Matthieu 7:8

Nanan ke kɔ nyan ke aw ndoo’n ɓaa, d’a d’ade’n. Nanan ke sang nyan ke aw ndoo’n ɓaa, d’a d’ade’n. Nanan ke unde tàbit kei ɓaa, d’a d’ɔr kade’n a tɔ.

Hebreuge 7:8

Ngannkà Lévige ke ei girkà njékuje nyan-mesege nga, ke nè á nyan è dɔg ɓaa d’unn tà karé d’ade de. Ei dooge ke yo ra ɓee kem̂ de’t kade à gotoi ndɔ karé ɓai. Melkisédec géa, ke nè á nyan è dɔg ɓaa d’unn tà’n karé d’ade’n tɔ. Nè Melkisédec ɓaa è doo ke njèndi kumgajer sár se non titeke Magtub ke tò se ninn’n tam’n nga.

Hebreuge 7:10

Loo ke ndɔ ke Melkisédec an-in ngɔde tile kum Abraham nga, d’oje Lévi lé ɓai. Abraham è kà dɔg Lévi.