Hebreuge 7:3 - Nouveau Testament en Gulay 2004

³ Melkisédec nga, Magtub ke tò se ninn’n tam tà ɔje’n dè bɔ’n se kon’n éké girkà le’n ade j’ooi lé. Jè geri ndɔ koje’n éké ndɔ kwei’n lé a tɔ. E tò asenan se Ngonn le Nube. E njèkuje nyan-mese se ndɔge malang a, se ɓal-ɓal a tɔ.

Hebreuge 7:3 ပူးပေါင်းရင်းမြစ်များ

Matthieu 4:3

E á njèkule kêm dooge age meen-meen ke rann’t ede nè: – Ke nè á i Ngonn le Nube kerɔte ɓaa, ade kuberi herge nè nga teli mapa ade use.

Hebreuge 4:14

Ade j’uwei kundekem̂ ke j’ilei mber’n nga mong tede j’awi se njèkuje nyan-mese ke bò. Njèkuje nyan-mese ke bò nè nga è Jésu Ngonn le Nube ke unde kem̂ danran ndàt gang aw sár ra Nube’t nú.

Hebreuge 7:1

Melkisédec nè nga, ndɔ ke è ngar ke kem̂ ɓee ke Salem. E njèkuje nyan-mese le Nube ke njè dum dè nyange malang. Loo ke ndɔ ke Abraham tête rɔ ngarge tel à ree ke ɓéee ɓaa, Melkisédec tile non’n se rebe tɔr ndu’n dènn’t.

Hebreuge 7:17

E njèkuje nyan-mese ke dé tam tà d’ɔje’n dè’n kem̂ Magtub ke tò se ninn’n d’ede nè: «I i njèkuje nyan-mese sár se non se go ra’n le Melkisédec bè.»

Hebreuge 7:2

Nyan malang ke Abraham in’n loo rɔ’t nga, ke nè á è dɔg ɓaa è ɔr tà karé-karé ade Melkisédec. Melkisédec nga tel se tà koje jéi è «ngar ke njè ra nyan se dè naje’n». Melkisédec è ngar ke kem̂ ɓee ke Salem. Salem nga, kɔr gir’n se tà koje jéi ɓaa è «ngar ke njè kade dooge kem̂lom».

Hebreuge 7:6

Melkisédec nga è girkà le Lévi lé. Nè né è bè géa, ke nè á nyan è dɔg ji Abraham’t ɓaa, è unn tà karé ade’n. Abraham è doo ke ndɔ ke Nube unn ndu’n ade’n ɓá. Nè né è bè géa, Melkisédec tɔr ndu’n dènn’t.