Hebreuge 4:3 - Nouveau Testament en Gulay 2004

³ Jèi nga, ke nè á j’umi kem̂ jéi dè tà’t nè nga ɓaa, j’à j’ilei nja jéi loo taa kebe’t le Nube nga. Loo nè nga, ndɔ ke Nube tam tà ɔje’n dè kété ede nè: «Wong ra’m ngain ade m’unn ndu’m m’ede nè: D’a d’ile nja de loo taa kebe’t le’m nè nga ndan lé.» Nube tam tà nè nga titeke bè kété mari ɓita unde nyange malang ke dè nang nè tɔl mbas ɓai.

Hebreuge 4:3 ပူးပေါင်းရင်းမြစ်များ

Matthieu 13:35

E ra titeke bè le kade tà ke njèribe-dè-tà ke tà Nube’t tam kété mari ede nè: «M’a m’ede de tà se gostàge, m’a m’ɔr gir nyange ke tooi loo ɓɔyɔn’t mari loo kunde gir nang’t.» Tà nè nga aw loon’t deĵ.

Matthieu 25:34

Ngar à ede njé ke ndai dè jikonn’t kede nè: «Sei njénonkarge ke ingei ndutɔr le Bɔ’m nga, i reei on-in ɓee ke d’uwe dè nja d’ɔje’n dè si kété mari loo kunde gir nang’t.

Nje Ke Ephese 1:4

Nube tɔr jéi takul Jésu-Krist kété mari ɓita è unde nang nè ɓai. E tɔr jéi le kade jèi dooge le’n ke jè tooi se ninn jéi gai tàkumn’t a, le kade tà karé bè uwe dè jéi nonn’t dè tár ke è tár jèi’t nga lé a tɔ.

Hebreuge 3:11

Kerɔte kuwe, wong ra’m ngain ade m’unn ndu’m m’ede nè: D’a d’ile nja de bè géa loo taa kebe’t le’m nga ndan lé.»

Hebreuge 3:14

Ke nè á jè ndai njáng dè kundekem̂’t le jéi ke desêin sár ndɔ ke ngeinn’t ɓaa, j’à j’oréi nan se Krist dè nyanbawge’t le’n kerɔte kuwe.

Hebreuge 9:26

Ke nè á è inye ra’n ade ke nyankuje-mese nja bule ɓaa, né ndɔ ke nyankem̂konge à rai nin nja bule unn gir’n mari loo ke Nube unde’n gir nang nè. Nè ɗarinè Krist tɔje ra’n nata ndái-ndái ke nyankuje-mese nja karé bere luk-luk ke ngang’n kem̂ ndɔge ke ngeinn’t nè tede kudu’n kum majelé le dooge.

1 Pierre 1:20

Krist nga Nube ɔr’n ke njè kuge dè dooge kété mari ke desêin ɓita unde nyange malang ke dè nang nè ɓai. Nè ɗarinè è kile ra’n ke nata kem̂ ndɔge ke ngeinn’t nè tede tà le si.