Hebreuge 3:3 - Nouveau Testament en Gulay 2004

³ Doo ke njè kunde kei nga, d’ile riɓar dènn’t dum danra kei ɓai. Jésu nga géa d’ile riɓar dènn’t dum le Moise ɓai.

Hebreuge 3:3 ပူးပေါင်းရင်းမြစ်များ

Matthieu 16:18

Nè man m’edi titeke i i Pierre, dè kuberi her ke m’an m’unde njékebe nange le’m dè’t. Tɔgmong le yo ase ra se de nyan karé lé.

1 Nje Ke Corinthe 3:9

Jè jè njémade kulege le Nube, nè sei sei ndɔr le Nube a, kei le Nube a tɔ.

2 Nje Ke Corinthe 3:7

Tàge ke tooi kêm magtub gute-ndu ke dé ndang dè begre herge’t nga aw se doo ile’n tà yo’t. Nè né è bè géa, d’unde gir’n dann ndubra’t ade ngann Israelge asikum kan-in tàkum Moise lé. Ndubra ke Moise aw’n kêm ndɔn’t nga è ndubra ke tò ɓel, nè kò’n tò mbɔr lé karè.

Nje Ke Colosses 1:18

E doo dè njékebe nange le Nube. Njékebe nange le Nube ei danra’n. Krist è ngire ndikumgajer se non. E doo ke desêin ke unde loo tee dann njé ke koo’t tede le dum’n dè nyange malang se loo malang.

Hebreuge 2:9

Nè jè tɔse kum jé dè nyan ke nè’t: Jésu, è ke dé tel se’n d’ade tɔgmong le’n nain go le dooge ke danrán ndêin bè, ɓita go’t gugu dé tel d’ule ndubra se riɓar dènn’t tede nyankem̂konge ke inge ji yo’t. Takul kem̂noje le Nube, è á Jésu inge’n yo weii’n tede dooge malang.

Hebreuge 3:4

Kei ke ra ra géa, njè kunde’n ndi non. Nè njè kunde nyange malang nga è Nube.

Hebreuge 3:6

Nè Krist ɓaa, è Ngonn ke ase; è á Nube ɔr’n unde’n ke njèkan dè loo kem̂ kei le’n. E ra kule le’n se ngonn koje. Ke nè á jè ndai kem̂ jéi káng dè kundekem̂ tchên ke jè ndii jè pitii ra jéi’t nga ɓaa, j’à jè kei le Nube kuwe.