Hebreuge 2:3 - Nouveau Testament en Gulay 2004

³ Kaje ke bò nè nga, ke nè á j’an-in ke nyan lé ɓaa, ké tà à uwe dè jéi lé titeke bain wa? Kaje ke bò nè nga, Kuwe-ɓee kuwe unn gir kile mber’n kété ɓita njé ke ooi tà’n tànn’t se mbi de edi jèi ade aw go lenn’t deĵ ɓai.

Hebreuge 2:3 ပူးပေါင်းရင်းမြစ်များ

Matthieu 23:33

Sei i tooi asinan se li jênênnge, tà ke d’a gang dè si’t dann loo ke tur’t nga, ké à nal sei titeke bain wa?

Matthieu 4:17

Unn gir kêm ndɔn’t nè, Jésu ile mber ede nè: – I turi hal si tede konɓee ke danrán nain ngɔr ta.

Marc 1:14

Loo ke d’uwe Jean d’ile’n dangai’t ɓá ɓaa, Jésu in ree ɓeekon ke Galilée, è ile mber Tà ke Maje le Nube, ede nè:

Tà ke Maje ke Luc ndang 1:2

se gonan-gonan titeke njé ke an-in se kum de ɔri adi jéi. Njé ke kété an-in nyange nè se kum de nga, ɓila teli ei njékile mber Tà ke Maje le Nube.

Tà ke Maje ke Luc ndang 1:69

E ade njètaa dè dooge ɔse nang in dann girkà’t le David ke kété è ngonn njèndi le’n nga.

Tà ke Maje ke Luc ndang 24:19

Jésu tel deje de ede nè: – Ké nyan rige á teei wa? Dé tel d’ile’n dè’t d’ede nè: – E nyange ke ɔje dè Jésu ke Nazareth, ke è njèribe-dè-tà ke tà Nube’t. Nube se kosdooge malang geri titeke è ra nyange a, tam tàge se tɔgmong a tɔ.

Jean 15:27

Sei géa a k’ei njékɔrgo tàge le’m tede sei se’m nan’t kété mari loo kunn gir kule’t le’m.

Nyanra Njekawkulege 1:22

Doo nè nga, gar-gar maje kade è doo ke ndɔ ke è se jéi nan’t, unn gir ndɔ ke Jean ule’n Jésu manné njonm sár tee’n ndɔ ke Nube unn’n dann jéi’t seen aw’n se’n danrán.

Nyanra Njekawkulege 2:22

– Sei dooge ke Israel, i neli mbi si maje ooi tà ke m’a m’ede sei: Jésu ke Nazareth nga sei geri nin ɓá. E doo ke ndɔ ke Nube kuwe ule ji’n njung dènn’t ɔr’n unde’n se ninn’n gai. Nube ade ra nyankɔbege se nyange ke dum kum a, se nyan-tɔjege dann si’t ade i geri ɓá a tɔ.

Nyanra Njekawkulege 4:12

Doo karé ke rang ke kaje à in rann’t goto. Gar-gar ri doo karé ke rang dann dooge ke danrán éké ke dè nang nè ke j’asekum kinge kaje se takul’n goto.

Nje Ke Rome 11:14

M’unn tà kule le’m titeke bè tá bainléa jang à ra’n ngakonmge ke ei Juipge kade maje’n njé ke nange dann de’t.

Nje Ke Rome 2:3

I ndi i gangtà dè njé ra nyange ke majelé. Nyange ke rai á i ndi a i gang’n tà dè de’t nga, i géa i njè ra nyange nè nga tɔ. Ké i gir kêmi’t ede nè tà ke Nube à gang dè de’t nga, ké à nali wa?

1 Nje Ke Corinthe 1:21

Loo ke Nube tɔje ra’n dè gos nyanger’t le’n tutu nga, dooge asi geri nin se go nyanger le de ke dè nang nè lé. Gir’n ke nè á Nube ɔje njáng le kaje dooge ke undei kêm de dè Tà ke Maje’t ke j’ile mber’n. Tà ke Maje ke j’ile mber’n nga, njégos nyangerge ke ndii à tuji ooi ke tà mbe.

1 Nje Ke Thessalonique 5:3

Loo ke dooge à ndii tami kedi nè: «Loo tò lom ɓai, loo tò maje ɓai» ɓaa, ke loon’t nè kuwe tuju à ube de nang bus. Tuju à ube de nang bus kade loo kan-in à goto tite ndo ke ɔse dinye ke ndann ngonn nang kekel bè.

1 Timothee 1:15

Tà nè nga è tà kerɔte ke le kade nanan géa taa um kem̂’n dè’t bɔk-bɔk: Jésu-Krist ree dè nang nè le kaje njé ra majelége. Man nga kuwe m’ee ke desêin sàk-sàk le njé ra majelége.

Tite 2:11

Nube njèkaje jèi ade kem̂noje le’n kile ra’n ke nata tede kade dooge malang ingei kaje.

Hebreuge 1:1

Kété mari, Nube ade njéribe-dè-tàge ke tànn’t edi kà jéige tà se rebege gai-gai nja bule.

Hebreuge 1:14

Dooge ke danrán malang nga, ké ei nel nyange ke ei ngann njékulege le Nube kuwe lé wa? Ké è Nube á ule de kade dé ra se njé ke à ingei kaje nga lé wa?

Hebreuge 1:2

Nè kem̂ ndɔge ke ngeinn’t ɗarinè ɓaa, Nube ade Ngonn kem̂’n kuwe ree ede jèi tàge le’n ade j’ooi. Nube ɔr’n unde’n ke njè kɔi nyan-ndubege malang. E unde nyange se dooge malang takul Ngonn’n nè nga.

Hebreuge 12:25

Kem̂ si dè ra si’t nè bainléa a kin-in mbati kooi tà tà Nube ke ndi ede sei tà’t nga. Kosdooge ke Israel ke ndɔ ke mbati kooi tà tà Moise’t ke njè kede de tà dè nang nè nga, ndɔ ke d’ade kure nyan ra de ɔde kum de. Jèi ɓaa, Nube ndi danrán nú á ede’n jèi tà. Jèi géa, ke nè á jè mbati kooi tà tànn’t ɓaa, kure nyan ra jéi à ɔde kum jéi dum le de ei nè ɓai m loo naje’n goto.

Hebreuge 4:1

Ndɔ ke Nube unn ndu’n ede nè j’à j’awi loo taa kebe’t le’n. Ndukunn le’n nè nga tò njáng ɓai. Bè ɓaa, ade j’undei kumkunju dè ra jéi’t le kade doo karé dann si’t ɔse loo taa kebe nè nga pat nal lé.

Hebreuge 4:11

Ade jè pabrai loo par-par tede kile nja jéi loo taa kebe’t nè nga. Maje kade doo karé tel è njè dum nan tite kosdooge ke Israel ɔse’n loo taa kebe ke get nè nga pat nal lé.

Hebreuge 5:9

Nube tel’n ke doo ke maje ɔr njêt. Krist tel è njè kade dooge malang ke ilei koje dènn’t ndii kumgajer sár se non.

Hebreuge 9:28

Krist inye ra’n ade ke nyankuje-mese nja karé bere luk-luk ke ngang’n tede kɔr’n majelé le dooge bule. E à tel le ree ke njèkon’t joo ɓaa, è tede kɔr majelé le dooge tɔ lé ta, nè tede kaje njé ke ndii nginei nin tchên ta.

1 Jean 1:1

Jè ndang magtub j’ede’n sei tà ke ɔje dè ndikumgajer ke ndi tutu kété mari ke desêin. Tà ke ɔje dè ndikumgajer nè nga, ndɔ ke kété j’oo tà le’n a, j’an’n se kum jé a tɔ. Tà nè nga, ndɔ ke kété jè jè ter’n j’an’n mbiri-mbiri a, jè manm’n se ji jé j’an a tɔ.

Jude 1:17

Nè sei kotárge le’m ɓaa, adi kem̂ si olé dè tàge ke ndɔ ke njékawkulege le Jésu-Krist Kuwe-ɓee le jéi ede sei kété ɓá nga.

Lookilera’n 7:10

Dé tam tà se ndu de ke bòi beng d’ede nè: «Nube le jéi ke ndi kutu-ngar’t a, Ngonn bate a, á ei njékaje jèige.»