3 Jean 1:8 - Nouveau Testament en Gulay 2004

⁸ Dooge ke titeke bè nga, gar-gar adi j’ɔsi gir de loo kile mber ngarankum tà’t nga. Ke nè á jè rai titeke bè ɓaa, jèi njémade kulege le de kerɔte kuwe.

3 Jean 1:8 ပူးပေါင်းရင်းမြစ်များ

Matthieu 10:14

Ke nè á dooge ke kêm ɓee karé éké kêm ɓee-bò karé d’uwe sei ke ra de’t lé a, d’oo tàge le si lé a tɔ ɓaa, undei loo i teei. I geki bubur ke nja si’t gák-gák kɔke.

Matthieu 10:40

Doo ke rara ke uwe sei ke rann’t ɓaa, è man kuwe á uwe’m ke rann’t. Doo ke rara ke uwe’m ke rann’t ɓaa, è njèkule’m kuwe á uwe’n ke rann’t.

Tà ke Maje ke Luc ndang 11:7

Bainléa made’n ke tò kêm kei nga à kile’n dè’t kede nè: «I ndɔje’m lé tede jè se ngann’m j’utu tàbit kei dè jé’t a, jè tò nang ɓá, m’asekum kin dɔ kadi mur ke i deje’m lé.»

2 Nje Ke Corinthe 6:1

Jè jè njémade kulege le Nube. Gir’n ke nè á jè ndeje’n sei le kade nyan-noje le Nube ke ingei nga, i telii ke nyan ke raikarè lé.

2 Nje Ke Corinthe 8:23

Tite ɓaa, è made-loo-kaw le’m. E made-kule le’m ke ra se’m kule nan’t-nan’t tede le si. Ngakon jéige ke dannii nga, è njékebe nange le Nube á ulei de. Dé ndi d’ade ra kule tede riɓar le Kuwe-ɓee.

Nje Ke Philippes 4:3

I njèmade loo kaw le’m ke get nga géa, man m’deji le kade i ra se Evodie se Syntyche tede ei nga ndɔ ke ilei ra de kɔke se’m nan’t loo kile mber Tà ke Maje’t. Clément se njémade kulege le’m ke rang ke ri de tò kem̂ Magtub ndikumgajer’t nga géa Evodie se Syntyche rai se de loo kile mber Tà ke Maje’t tɔ.

Nje Ke Colosses 4:11

Jésu ke dé ɓar’n Justus nga géa ra sei lapya tɔ. Dé ke mute nè nga kuwe se kar de á dé Juipge ke njétaakem̂-Krist ke dé ra se’m kule ke ɔje dè konɓee le Nube. E dé nè á dé njé sɔl kem̂’mge.

1 Nje Ke Thessalonique 3:2

Gir’n ke nè á jè j’ule’n ngokon jéi Timothée ra si’t. Timothée nga è njè njèkule le Nube made jé ke ile mber Tà ke Maje le Krist. Jè j’ule’n le kade ule dingem kem̂ si’t a, le kade ndeje sei a tɔ, tede kade kundekem̂ dè Nube’t le si ɓeɓere’n.

Philemon 1:2

Magtub nè nga m’ndang m’ade kon nann jé Appia se ngokon jé Archippe ke njè made rɔ le jé a, se njékebe nange le Nube ke kebi nan kem̂ kei lei a tɔ.

Philemon 1:24

Njé made kulege le’m, Marc, Aristarque, Démas se Luc rai nin lapya ngain.

3 Jean 1:10

Gir’n ke nè á loo ke ndɔn’t m’a m’aw ɓaa, m’a m’ede’n nyange ke majelé ke ra nga ndàt. Taɓai, m’a m’ede’n tàge ke majelé ke è tam ɔje’n dè jé. E ke nè kuwe ase’n lé ɓai, è mbate kuwe njétaakem̂-Kristge ke rann’t. Dooge ke ndigi kuwei de ke ra de’t géa, ɔge de dè’t a, rɔ de kɔke dann njékebe nange’t le Nube a tɔ.

3 Jean 1:7

E tede ri Jésu-Krist á dé tee d’aw’n anje kinge nyan ji njé ke geri Nube’t lé.

3 Jean 1:9

M’ndang tà karè bè ke ase loon’t m’ade njékebe nange le Nube. Diotrèphe ke ndige k’ee ngawtà de nga ute tà le jé mbeng.