3 Jean 1:7 - Nouveau Testament en Gulay 2004

⁷ E tede ri Jésu-Krist á dé tee d’aw’n anje kinge nyan ji njé ke geri Nube’t lé.

3 Jean 1:7 ပူးပေါင်းရင်းမြစ်များ

Jean 15:21

Nè dooge à rai se si nyange nè malang tede ri’m man a, tede ger ke ei geri njèkule’m nga lé a tɔ.

Nyanra Njekawkulege 20:33

M’aw ndoo nar-nda éké nar-ɔr éké kubu le doo karé lé.

Nyanra Njekawkulege 20:35

M’ndó sei titeke bè ɔje dè nyan malang, kade ulei ra si ndibe loo ra kule’t gar-gar tede le ra’n se njétɔg gotoge. Adi kêm si olé dè tàge’t ke Kuwe-ɓee Jésu kuwe tam ede nè: «Kunn nyan kade è ranel ngain dum taa nyan.»

Nyanra Njekawkulege 5:41

Njékawkulege undei loo teei loo gangtà’t se ranel tede Nube an de ke dooge ke asikum kade d’ile rasɔl dè de’t tede ri Kuwe-ɓee Jésu.

Nyanra Njekawkulege 8:4

Njétaakêm-Kristge ke dé yal de karé-karé nga awi se loo-loo ilei mber Tà ke Maje.

Nyanra Njekawkulege 9:16

Doo nè nga, man kuwe m’a m’tɔje’n nyankêmkonge malang ke à inge tede ri’m gar-gar.

1 Nje Ke Corinthe 9:18

A ɓaa, ké ri á è nar kuge dè jii’m wa? Kile mber Tà ke Maje anje taa nyan á è nar kuge dè jii’m. Man m’ee njèkile mber Tà ke Maje kerɔte kuwe. Nè né è bè géa, m’ɔge ra’m dè taa nyange ji dooge’t ɔje dè Tà ke Maje ke m’ile mber’n m’ade de nga.

2 Nje Ke Corinthe 12:13

Ké ri á njékebe nange le Nube ke rang ingei jim’t dumi sei wa? Kwɔi ke ndɔ ke m’wɔi dè si’t lé nga, ke nè á an-in titeke è majelé á m’ra se si géa adi kêm si tin mbit dèm’t ɗarinè.

2 Nje Ke Corinthe 4:5

Mber ke j’ile nga, j’ile j’ɔje’n dè ra jé jè kuwe lé. Nè j’ile mber j’ɔje’n dè Kuwe-ɓee Jésu-Krist. Jè ɓaa, jè ɓer kulege le si tede tà le Jésu.

Nje Ke Philippes 2:9

Gir’n ke nè á, Nube unn’n unde’n dɔ ɗang ile’n riɓar ke dum dè riɓarge ke rang malang dènn’t.

Nje Ke Colosses 1:24

Ɗarinè, m’ra ranel dè nyankem̂konge ke m’inge tede le si. Titeke bè á m’oré’n se Krist nan dè nyantosowurge ke ndɔ ke ra’n, se ndɔ’m-ndɔ’m tede le danra’n ke è njékebe nange le Nube nga.

3 Jean 1:8

Dooge ke titeke bè nga, gar-gar adi j’ɔsi gir de loo kile mber ngarankum tà’t nga. Ke nè á jè rai titeke bè ɓaa, jèi njémade kulege le de kerɔte kuwe.

Lookilera’n 2:3

M’ger titeke i nda dè njai’t njáng a, oré tài njak dè nyankem̂konge ke ndɔ ke rai tede tà le’m a tɔ. Nè kem̂i tête mann lé.