3 Jean 1:6 - Nouveau Testament en Gulay 2004

⁶ Dé nè nga, d’ɔrgo ser tár ke i tár de non njékebe nange’t le Nube. I ra se de dé mbage ke d’a d’aw, tede kade ile riɓar dè Nube’t.

3 Jean 1:6 ပူးပေါင်းရင်းမြစ်များ

Nyanra Njekawkulege 15:29

Maje kade ɔgi ra si dè dange ke dé tɔl dé gugu’n magege se dè mese dange’t a, se dè nyange ke d’uje de ke mese d’ade magege a, se dè dange ke dé mbir kɔbe de a, se dè tò se nan ke kaiya’t a tɔ. Ke nè á an-in go ra si sêw-sêw dè nyange’t nè ɓaa, sei i rai nyanra ke maje. I ndii lapya ta.»

Nyanra Njekawkulege 15:3

Njékebe nange le Nube adi de nyan ke ɔje de kaw mba nè nga ji de’t. Paul se Barnabas se njé ke ei se de undei kêm ɓeekonge ke Phénicie se Samarie gangi. Ei ɔri ser tur ke dooge ke ei Juipge lé teli turi hal de undei kêm de dè Kuwe-ɓee’t adi dooge se loo malang. Ser nyan malang ke ei ɔri go nga ade njétaakêm-Kristge ranel ke bò.

Nyanra Njekawkulege 21:5

Nè loo ke jè ra se de ndɔge nè nga jè tɔl mbas ɓá ɓaa, j’in j’aw. D’in malang se neen dege a, se ngann dege a tɔ, dé dann jé sár d’aw se jé gide ɓee-bò’t nata. J’ɔse keje jé nang tà ba-bò’t j’ɔje tà se Nube.

Nje Ke Rome 15:24

Loo ke ndɔn’t m’a maw ke kêm ɓeekon ke Espagne ɓaa, m’ɔje kêm’m tchên le gang dè si’t kan sei. Loo ke m’an sei ase’m ɓá ɓaa, m’ɔje kêm’m dè si’t le kade undei man rebe adi m’aw.

2 Nje Ke Corinthe 1:16

M’a tee se rebe ke ra si’t kaw kêm ɓeekon ke Macédoine. Taɓai m’a m’in Macédoine le tel ree ra si’t tá a i danni man kawi se’m ɓeekon ke Judée’t ɓai.

Nje Ke Philippes 4:14

Nè né è bè géa, sei oréi se’m nan dè nyantosowur’t le’m. E maje ke i rai se’m.

Nje Ke Colosses 1:10

Titeke bè á pa njiye si à uwe’n made nan se le Kuwe-ɓee kade i rai nyan ke kem̂’n ndige. Sei a i rai nyange ke se ri de-ri de a, ger gel Nube le si à in dè made’t ke kété-kété a tɔ.

1 Nje Ke Thessalonique 2:12

Jè ndeje sei a, j’ule dingem kem̂ si’t a, le kade pa njiye si ile riɓar dè Nube ke njè ɓar sei kade on-in ɓee se’n a, ingeii ndubra le’n nga a tɔ.

Tite 3:13

I ra se Apollos se Zénas njèndó dooge gute-ndu dè kaw mba’t le de. I tɔse kumi dè de’t le kade nyan karé nal de lé.

1 Pierre 2:20

Doo ke orè tà’n njak dè kunde ke d’unde’n ɔje dè nyanra majelé le’n nga, ké d’a kile riɓar dènn’t titeke bain wa? Nè ke nè á doo orè tà’n njak dè nyankem̂kon ke ra’n ɔje dè ra maje le’n ɓaa, è nonkar ke Nube kuwe ade’n.

3 Jean 1:12

Dooge malang ɔri go tà le Démétrius ke maje. Ngarankum tà nga kuwe géa ɔrgo tà le’n ke maje a tɔ. Nè jè géa, j’ɔrgo tà le Démétrius ke maje tɔ. I Gaius, i ger mbak titeke tà ke jè tam nga è ngarankum tà kuwe.