3 Jean 1:11 - Nouveau Testament en Gulay 2004

¹¹ Kotár le’m, i ndaje nyanra ke majelé lé, nè i ndaje nyanra ke maje tá. Doo ke ra nyan ke maje nga è le Nube. Doo ke ra nyan ke majelé nga an Nube lé.

3 Jean 1:11 ပူးပေါင်းရင်းမြစ်များ

Jean 10:27

Batege le’m nga uri mbi de ooi ndu’m. Man m’ger de mbak, à umi nan goom’t a tɔ.

Jean 12:26

Ke nè á doo karé ndige ra nyan kade’m ɓaa, gar-gar à unn rebe goom’t. Loo ke m’ndi tutu nga, ngonn njèndi le’m géa à ndi se’m tutu tɔ. Ke nè á doo karé ra nyan ade’m ɓaa, Bɔ’m à uge dè ji’n.

Jean 3:20

Nanan ke nyan rannge majelé se ndɔge malang ɓaa, è ɔr lookar nè nga njêt mbate ree tutu, nè bainléa lookar à kuje gir nyan rannge ke nata.

1 Nje Ke Corinthe 11:1

I ndaji kum’m man titeke man géa m’ndaje’n kum Krist bè tɔ.

1 Nje Ke Corinthe 4:16

M’ra ndoo ra si’t kade i ndaji kum’m man titeke man géa m’ndaje kum Krist bè tɔ.

Nje Ke Ephese 5:1

Sei sei ngannge le Nube. Nube tár sei ngain. Bè ɓaa, i ndaji nyanra’n.

Nje Ke Philippes 3:17

Ngakonmge, sei malang i ndaji kum’m. Oréi kum si dè njé ke njiyei se go nyan ke ndɔ ke jè tɔje sei nga.

1 Nje Ke Thessalonique 1:6

Sei i ndaji nyanra jé jè se nyanra Kuwe-ɓee. Sei taai Tà ke Maje se ranel le Ndil-Kem̂nda dann nyantosowurge gai-gai ke ndɔ ke ra sei.

1 Nje Ke Thessalonique 2:14

Ngakon jége, ndɔ ke nyankem̂kon ra njékebe nange le Nube ke ndii kem̂ ɓeekon ke Judée ke umi nan’t bɔk se Jésu-Krist. Nyankem̂kon ke dooge ke ɓee le si rai se si nè nga, è gar è ke ndɔ ke Juipge rai se se de dé njékebe nange le Nube ke ndii kem̂ ɓeekon ke Judée nga tɔ.

2 Timothee 3:10

Nè i ɓaa, i unn go nyan ndó le’m, pa njiye’m, nyan ke m’ɔje le ra, kundekem̂ le’m, kilekem̂ le’m, tár le’m, se korè tà njak le’m nga têr-têr.

Hebreuge 6:12

I teli njérakatege lé ta. I ndaji kum dooge ke orèi tà de nják-nják dè kundekem̂’t le de á ingei nyan-ndube ke Nube unn ndu’n ade de nga.

1 Pierre 3:11

Maje kade ute ra’n mbeng dè nyanrage ke majelé’t, tel ra nyan ke maje se ndɔ’n-ndɔ’n. Maje kade sang kem̂lom a, ɔr dè nja’n têr-têr a tɔ.

1 Pierre 3:13

Ke nè á ra si ɔlé pêl-pêl dè nyanra ke maje’t ɓaa, ké nan à in ra se si nyan ke majelé wa?

1 Jean 2:29

Sei geri mbak titeke Krist è Njè ra nyan se dè naje’n. Nanan ke ra nyan ke se dè naje’n se ndɔ karé-karé ɓaa, è ngonn Nube ke Nube kuwe oje’n.

1 Jean 3:10

E ke nè á d’a ger’n ngann Nube se ngann le njè kem̂ majelé nga njai-njai. Nanan ke ra nyan ke se dè naje’n lé se ndɔ’n-ndɔ’n ɓaa, è le Nube ndan lé. Nanan ke tár ngokon’n lé ɓaa, è le Nube ndan lé tɔ.

1 Jean 4:1

Kotárge le’m, umi kem̂ si dè ndil tà’t le dooge ke tami edi nè n’awi se Ndil-Kem̂nda nga lé. Nè i nan-in dooge nè nga an-in ké awi se Ndil-Kem̂nda le Nube nga kerɔte kuwe wa? Tede njé tête tà kunde tà Nube’t undei loo teei ngain dè nang nè ɗarinè ta.