2 Timothee 4:8 - Nouveau Testament en Gulay 2004

⁸ Unn gir’n ɗarinè, jɔkɔ kunn banga le nyanra ke se dè naje’n tò ngine’m. Kuwe-ɓee ke njègangtà se dè naje’n à ade’m kem̂ ndɔn’t nè nga. Kuwe-ɓee à ade’m man á se kar’m lé. Nè dooge malang ke undei kem̂ de tchên dè ndɔ tel kunde loo tee pan’t le’n nga, è à ade jɔkɔ kunn banga nè nga tɔ.

2 Timothee 4:8 ပူးပေါင်းရင်းမြစ်များ

Matthieu 24:36

Tà ke ɔje dè ndɔ’n éké kàde’n nga, doo karé bè géa ger lé. Dooge ke danrán éké man ke m’ee Ngonn doo nga géa jè ger lé a tɔ. Nè Bɔ’m kuwe se kar’n bere á ger.

Matthieu 7:22

Ndɔ gangtà’t ɓaa, dooge bule à deji man kedi nè: «Ngar, Ngar, ké ndɔ ke j’ile mber se rii lé wa? Ké ndɔ ke jè rɔ ndilge ke majelé kɔke se rii lé wa? Ké ndɔ ke j’unn rii jè ra’n nyankɔbege lé wa?»

Tà ke Maje ke Luc ndang 10:12

Kerɔte kuwe, man m’ede sei ndàt, titeke kêm ndɔn’t nè nga, tà ke d’a gang dè dooge ke kêm ɓee’t nè à tur ngain dum tà ke ndɔ ke Nube à gang dè dooge ke kêm ɓee-bò ke Sodome nga ɓai.

Nje Ke Rome 2:5

Nè se go kêmnder lei a, se dum nan lei nga a tɔ nga, i uwe’n bò wong le Nube i ɓuku’n dèi’t i ngine’n ndɔ gangtà. Ndɔ nè nga, Nube à gangtà dè dooge’t se dè naje’n,

Nje Ke Rome 8:23

E nyankundege le Nube á se kar de á ton-in ra de lé: jèi ke j’ingei Ndil-Kêmnda ke è tàpitem nyan-nojege le Nube nga géa, jè ton-in kêm jéi’t tɔ. Jè ndii jè nginei ndɔ ke Nube à taa’n jèi kinye’n jèi dɔ kade jè teli ngannenge.

1 Nje Ke Corinthe 2:9

Dé ndang kêm Magtub’t le Nube d’ede nè: «Kumkunju ke Nube uwe dè nja unde konn tede le njé ke tári nga, è nyan ke kum doo an lé a, mbi doo oo lé a, è nyan ke doo gir dè ɓengrenn’t lé a tɔ.»

1 Nje Ke Corinthe 3:13

ndɔ tel ree le Kuwe-ɓee à kuje gir kule ra nanan géa ke nata ndái-ndái ɓai. Ndɔ tel ree le Kuwe-ɓee Jésu nga tò asenan se por ke à nan kule ra nanan géa le kan.

1 Nje Ke Corinthe 9:25

Njè kan-in ngɔde ke rara géa ɔge ra’n dè nyange gai-gai. Njé naje nan ngɔde nga rai titeke bè le kingei jɔkɔ kunn banga ke à ndis ɓai. Nè jè ɓaa, j’ɔge ra jé dè nyange gai-gai tede kinge’n jɔkɔ kunn banga ke à ndis lé.

2 Nje Ke Corinthe 5:2

Kei ndi jéi ke dè nang nè nga, jè ton-in kêmé ɓir-ɓir ade ngur kin kur lêbêt kaw kêm kei ke danrán ra jèi pênn-pênn.

Nje Ke Philippes 3:11

Titeke bè á, man kuwe géa m’a m’ase’n kunde’n loo tee’n dann njé ke koo’t.

Nje Ke Colosses 1:5

Sei undei kem̂ si tchên dè nyan ke Nube uwe nja tede le si kem̂ ɓeekon ke danrán. Mber ngarankum Tà ke Maje ke ndɔ ke d’ile d’ade sei nga á è gir kundekem̂ tchên le si kuwe.

1 Nje Ke Thessalonique 1:10

Ɗarinè sei nginei Ngonn le Nube ke à in danran. Ngonn nè nga, è Jésu ke ndɔ ke Nube ade unde loo tee dann njé ke koo’t. Jésu à in danrán tel ree le kɔr jèi tà wong ke ndi à ree.

1 Nje Ke Thessalonique 5:4

Nè sei ngakon jége ɓaa, i ndii dann tilkus’t á ndɔ nè à ube’n sei nang tite njèɓog lé.

2 Nje Ke Thessalonique 2:8

Njèkem̂yêr ke njè kɔse tà mbeng à unde loo tee ɓaa, ke loon’t nè kuwe, kundu tà Kuwe-ɓee Jésu à unde’n tɔl’n soin. Kuwe-ɓee Jésu à gudu’n ngoin-ngoin ndɔ tel ree’t le’n se ra’n ke ndoin kein-kein dann ndubra’t.

1 Timothee 6:19

I ndeje de titeke bè le kade dé kebe nyanbawge d’unde konn loo ke maje’t ke ngiring ngiring-ngiring tede kade ndɔ ke rang d’inge’n ndikumgajer ke get a tɔ.

2 Timothee 1:10

Noje nè nga, ɗarinè tò nata ndái-ndái ndɔ ke njèkaje jéi Jésu-Krist ree’n dè nang nè. Jésu-Krist tuju tɔgmong le yo kɔti-kɔti ade loo gang ɗeng dè ndikumgajer ke se non se go Tà ke Maje nè nga.

2 Timothee 1:12

E tede è ke nè á m’ndii’n dann kem̂konge’t nè nga. Nè m’ade ra’m sɔl’m lé; m’nda kem̂’m káng tede m’ger Jésu ke m’unde kem̂’m dènn’t nga mbak; m’ger kem̂’t mbak tite è asekum le ngonm nyan ke um jim’t nga sár ndɔ ke ngeinn’t.

2 Timothee 1:18

Maje kade Kuwe-ɓee Nube ade inge kem̂kanm ra Kuwe-ɓee Jésu’t kem̂ ndɔ ke ngeinn’t. Kulege ngain ke è ra ade’m kem̂ ɓee-bò ke Ephèse nga, i ɓaa, i ger maje dum dooge ke rang.

2 Timothee 2:5

Njè kan-in ngɔde géa è titeke bè tɔ. Ke nè á an-in ngɔde ndá-loo kan-in ngɔde’t se go gute-ndu sêw lé ɓaa, è asekum kinge jɔkɔ kunn banga nga ndan lé.

2 Timothee 4:1

M’ndeji non Nube’t se non Jésu-Krist ke à tel ree le gangtà dè njé ke ndii kumgajer se njé ke weii. Kerɔte kuwe, Krist à unde loo tee pan le kon ɓee. Gir’n ke nè á m’ndeji se tà nè:

Tite 2:13

Gar-gar, j’à rai titeke bè le nginei ndɔ tel kunde loo tee pan le Kuwe jéi Jésu-Krist. Ndɔ nè nga, j’undei kem̂ jéi dè’t tchên. Ndɔ nè nga, ndubra le Nube le jéi ke bò, se ndubra le Njèkaje jèi Jésu-Krist à kile ra’n ke nata ndái-ndái.

Hebreuge 12:11

Kɔje doo kumkunju ke rara nga, kété ɓaa è kumndoo m è ranel lé. Nè go’t gugu ɓita njé ke dé tɔje de kumkunju à teli ndii se kem̂lom, tede nyanra de ke se dè naje’n ke unni gir rai nga.

Hebreuge 9:28

Krist inye ra’n ade ke nyankuje-mese nja karé bere luk-luk ke ngang’n tede kɔr’n majelé le dooge bule. E à tel le ree ke njèkon’t joo ɓaa, è tede kɔr majelé le dooge tɔ lé ta, nè tede kaje njé ke ndii nginei nin tchên ta.

Jacques 1:12

Doo ke oré tà’n njak dè nyange ke nann’t ɓaa, ra’n à nel’n. Doo ke orè tà’n njak dè nyange ke nan-in nin ɓaa à inge jɔkɔ kunn banga le ndii’n kumgajer. Jɔkɔ kunn banga nga, ndɔ ke Nube unn’n ndu’n le kade njé ke tárii.

1 Pierre 1:4

Jè ndii jè nginei nyan-majege ke Nube uwe dè nja unde konn tede njé ke le’n. E nyan-majege ke à jɔri lé a, à mite lé a, a ndolè lé a tɔ. Nyan-majege nè nga Nube uwe dè nja unde konn tede le si kem̂ Konɓee ke danrán nú.

1 Pierre 5:4

Titeke bè á loo ke ndɔn’t maw njèkul bate kosge à tel kunde loo tee pan ɓaa, à ingei jɔkɔ kunn banga le riɓar ke à ndis ndan lé.

Lookilera’n 1:7

An-in! Jésu-Krist nga à ree dann kil’t le ndi; dooge karé-karé malang à an-in nin a, njé tɔse’n tɔlnge géa à an-in nin se kum de a tɔ. Kosdooge malang dè nang nè à non-in kundei kàde de dai-dai tede tà le’n. Oiyo, maje kade è titeke bè kuwe.

Lookilera’n 19:11

Go’t gugu, m’an danrán teen tà’n. An! ke loon’t nè kuwe, sinde-gaglam unde loo tee pitring se doo gidenn’t. Doo ke al dènn’t nga, dé ɓar’n Ngarankum Maje kule. E gangtà a, rɔ se dè naje’n a tɔ.

Lookilera’n 2:10

I ɓel nyankumndoo ke à rai nga lé. An! njè kem̂ majelé à tile dooge ke nange dann si’t dangai’t tede nan’n sei. Nyantosowur à ra sei ndɔ dɔg. Um kem̂i dèm’t i nda njang sár ndɔ kwei’t ɓaa, m’a m’adi jɔkɔ kunn banga ke ndikumgajer nga tɔ.

Lookilera’n 22:20

Jésu ke njèkɔrgo tà nyange nè nga tam ede nè: «Oiyo, m’a tel ree ngɔr.» Maje kade è titeke bè kuwe, Kuwe-ɓee Jésu, i ree.

Lookilera’n 4:10

Ngatɔgege ke kɔr-joo-gidé-sɔ nè nga ɔsi keje de nang non è ke ndi dè kutu-ngar’t. Ngatɔgege nè nga ulei dè de nang ɗɔyi njèndi kumgajer sár se non nga. Dé tɔr jɔkɔ tête rɔ le de d’um nang non kutu-ngar’t d’ede nè:

Lookilera’n 4:4

Dé tunde kutu-ngarge ke rang kɔr-joo-gidé-sɔ d’an-in’n dè kutu-ngar ke karé nè nga d’ule nan’t wàk. Ngatɔgege kɔr-joo-gidé-sɔ tulei kubuge ke nda káng-káng a, tulei jɔkɔ tête rɔ ke dé ra se nar-ɔr dè de’t ndii dè kutu-ngarge’t nè nga tɔ.