2 Timothee 4:18 - Nouveau Testament en Gulay 2004

¹⁸ Kuwe-ɓee à ɔr’m dann nyan ke majelé’t malang, è à aje’m le kade m’aw sár kem̂ konɓee’t le’n ke danrán se ra’m ke mong maj-maj. Maje kade riɓar è le’n è kuwe sár se non. Maje kade è titeke bè kuwe.

2 Timothee 4:18 ပူးပေါင်းရင်းမြစ်များ

Matthieu 13:43

Nè njé ra nyan se dè najennge à ndubi ra de tite kàde bè kêm Konɓee’t le Bɔ de. Nanan ke ka mbi’n tò le koo’n tà ɓaa, gar gar è tà le kade ur mbi’n maje oo’n tàge ke m’ndi m’tam nè nga.

Matthieu 25:34

Ngar à ede njé ke ndai dè jikonn’t kede nè: «Sei njénonkarge ke ingei ndutɔr le Bɔ’m nga, i reei on-in ɓee ke d’uwe dè nja d’ɔje’n dè si kété mari loo kunde gir nang’t.

Matthieu 6:13

Maje kade inye loo ade nyan sú nan jè lé, nè ɔr jè dann nyan ke majelé’t kɔke.

Tà ke Maje ke Luc ndang 11:4

Ade kêmi tin mbit dè kaiyage’t le jé, titeke jè kuwe géa j’ade kêm jé tin mbit dè dooge malang ke rai se jé majelé. Inye jè ade j’oso dann nyan su’t lé.»

Tà ke Maje ke Luc ndang 12:32

– Sei ke i tooi asinan se nyankulge le’m ke tchɔp bè nga, ebi’t ɓel; tede Bɔ jéi ade sei Konɓee le’n.

Tà ke Maje ke Luc ndang 22:29

Gir’n ke nè á m’uwe’n dè nja Konɓee m’ɔje’n dè si titeke Bɔ’m uwe’n dè nja Konɓee ɔje’n dè’m man nga tɔ.

Jean 17:15

M’deji tede kade i tɔr de kɔke dann dooge ke dè nang nè lé, nè le kade ai-in ngang de garar-garar ade Sú ke njèkêmyêr ɔde ra de lé.

Nje Ke Rome 11:36

Oiyo, Kuwe-ɓee Nube kuwe á nyan malang in rann’t a, tò takul’n a, tò tede le’n a tɔ. Maje kade riɓar è le’n sár se non! Maje kade è titeke bè kuwe.

Nje Ke Rome 16:27

Nube ke Njèkumkunju karé bere nga, maje kade riɓar è le’n sár se non takul Jésu-Krist! Maje kade è titeke bè kuwe.

1 Nje Ke Corinthe 1:21

Loo ke Nube tɔje ra’n dè gos nyanger’t le’n tutu nga, dooge asi geri nin se go nyanger le de ke dè nang nè lé. Gir’n ke nè á Nube ɔje njáng le kaje dooge ke undei kêm de dè Tà ke Maje’t ke j’ile mber’n. Tà ke Maje ke j’ile mber’n nga, njégos nyangerge ke ndii à tuji ooi ke tà mbe.

1 Nje Ke Corinthe 10:13

Nyan ke nan sei nga, è gàr nyan ke nan doo-ndul madesige kuwe tɔ. Nube è njèkinye go kunn-nduge le’n lé. Ke nè á nyan nan sei ɓaa, Nube à inye sei kade nyan nan al dè tɔge si lé. Nube à ade sei gos korè tà njak kade undei loo i teei dann nyan nan’t nè nga.

1 Nje Ke Corinthe 15:50

Ngakonmge, man m’ede sei tà nè ndàt titeke danra se mese asikum kingei i konɓee le Nube lé. Nyan ke à ndum se nyan ke à ndum lé asi koréi nan loo karé lé tɔ.

2 Nje Ke Corinthe 1:10

E Nube ke ndɔ ke uwe jè wont ɔr jè tà yo ke tò ɓel’t nè nga, à uwe jè wont kɔr jè tà’t ɓai. Kerɔte kuwe, jè j’unde kêm jé tchên dènn’t le kade ndɔ ke rang uwe jè wont ɔr jè tà yo’t titeke bè ɓai.

Nje Ke Galatie 1:5

Bɔ jéi Nube nga, maje kade ndubra è le’n sár se non. Maje kade è titeke bè kuwe.

1 Nje Ke Thessalonique 5:23

Maje kade Nube ke kem̂lom in ra’n è’t kuwe tel sei ke dooge le’n ke i tooi se ninn si gai. Maje kade Nube ngonm ra si bere mbak, ngonm ndil si se nganrankum ra si a, ngonm danra ra si a tɔ, le kade tà karé géa uwe dè si ndɔ tel ree’t le Kuwe-ɓee le jéi Jésu-Krist nga lé.

2 Nje Ke Thessalonique 3:3

Kuwe-ɓee è njègel goto: è à ade a i ndai dè nja si’t njáng a, à an dè si sêw-sêw le kade njè kem̂ majelé gang kɔte si’t lé.

1 Timothee 1:17

Ngar ke njèndi se non, ngar ke njè kwei lé, ngar ke doo asekum kan’n lé, Nube karé bere luk-luk nga, maje kade riɓar se ndubra ei le’n sár se non. Maje kade è titeke bè kuwe.

1 Timothee 6:16

Nube kuwe se kar’n bere luk-luk á è njè kwei ndan lé. E ndi dann lookar’t ke doo karé bè géa ase gang kɔté lé. Doo ndul karé bè ke ndɔ ke an Nube goto. Doo ndul karé bè ke ɓila asekum kan Nube géa goto a tɔ. Maje kade riɓar ke à tò sár se non è le’n è kuwe. Maje kade è titeke bè kuwe.

2 Timothee 1:12

E tede è ke nè á m’ndii’n dann kem̂konge’t nè nga. Nè m’ade ra’m sɔl’m lé; m’nda kem̂’m káng tede m’ger Jésu ke m’unde kem̂’m dènn’t nga mbak; m’ger kem̂’t mbak tite è asekum le ngonm nyan ke um jim’t nga sár ndɔ ke ngeinn’t.

2 Timothee 4:1

M’ndeji non Nube’t se non Jésu-Krist ke à tel ree le gangtà dè njé ke ndii kumgajer se njé ke weii. Kerɔte kuwe, Krist à unde loo tee pan le kon ɓee. Gir’n ke nè á m’ndeji se tà nè:

Hebreuge 11:16

Nè ɓeekon ke maje ngain dum dè madege ke ngur’n ra de pênn-pênn ɗarinè nga, è ɓeekon ke danrán. Gir’n ke nè á ra Nube sɔl’n dè ɓar ke dé ɓar’n Nube le de nga lé. Kerɔte kuwe, è uwe dè nja ɓee-bò karé tede tà le de ɓá.

Hebreuge 12:22

Nè sei ɓaa, i reei ngɔr ke dè mbal ke ri’n nè Sion, ɓee-bò le Nube ke njèndi kumgajer. Ɓee-bò nè nga è Jérusalem. E loo ke dooge ke danrán ke kɔr de dum mbɔje ɔsi nja de nan’t ndai rai ranel.

Hebreuge 13:21

Maje kade Nube ke njè kade jèi kem̂lom ade sei tɔg si ade i rai nyange ke maje ke se ri de-ri de. Maje kade ade sei tɔg si kade i rai nyan ke kem̂’n ndige. Maje kade Nube ade jè rai nyange ke taai kum’n takul Jésu-Krist. Maje kade ndubra è le Krist sár se non. Maje kade è titeke bè kuwe.

Jacques 2:5

Ngakonm ke m’tár sei ooi maje. Ké è Nube kuwe á tɔr njé ke d’an de ke njéndooge ke dè nang nè le kade ei baw kundekem̂ge lé wa? Ké è Nube kuwe á tɔr de kade on-in se’n ɓee le’n titeke unn’n ndu’n ade njé ke tári nin nga lé wa?

1 Pierre 1:5

Sei nga tɔgmong le Nube an-in ngang si garar-garar takul kundekem̂ le si. E an-in ngang si titeke bè tede kaje ke è uwe dè nja tede le si nga, nain ngɔr ɓaa à kile ra’n ke nata ndɔ ke ngeinn’t.

1 Pierre 5:11

Maje kade tɔgmong è le’n kuwe sár se non. Maje kade è titeke bè kuwe.

2 Pierre 1:11

Titeke bè á Nube à ɔr’n tà rebe kaw kem̂ konɓee ke à tò sár se non le Jésu-Krist Kuwe-ɓee le jéi ke njèkaje jèi kinye wei bendeng kade jèi.

2 Pierre 3:18

Awi kum si ke kété-kété dè noje’t a, se dè ger Jésu-Krist Kuwe-ɓee le jéi ke njèkaje jèi nga a tɔ. Maje kade riɓar è le’n ɗarinè sár se non. Maje kade è titeke bè kuwe.

Jude 1:1

Man Jude, ɓer kule le Jésu-Krist, man ngokon Jacques. M’ndang magtub nè m’ade njé ke Bɔ jéi Nube ɓar de. Njé ke Bɔ jéi Nube ɓar de nga, ei lennge. E an dè de sêw-sêw takul Jésu-Krist.