2 Timothee 4:16 - Nouveau Testament en Gulay 2004

¹⁶ Tà ke desêin ke ndɔ ke m’ɔr dè ram’t loo gangtà’t nga, doo karé bè géa nda se’m tutu lé. Dé malang dé sure’m d’inye’m tutu. Maje kade Nube ade tà’n uwe dè de lé.

2 Timothee 4:16 ပူးပေါင်းရင်းမြစ်များ

Marc 14:50

Njékuwe-gir-Jésuge malang inyei nin an-in nan.

Tà ke Maje ke Luc ndang 12:11

Loo ke d’ade kali sei kaw se si gangtà dè si’t kêm kei kebe nange’t éké non ngar ɓeege’t, éké non njékonɓeege’t géa, adi kêm si tò kekek dè gos ke a ɔri tà le taai dè si, éké dè tà ke kum tam’t nga lé a tɔ.

Jean 16:32

An! kàde’n à ree, è ree ɓá a tɔ. D’ade sanrin sei karé- karé. Nanan géa à aw loo le’n-le’n, a inyei man se kar’m bere. Man se kar’m lé nè Bɔ’m è der-gir’m.

Nyanra Njekawkulege 22:1

– Ngakonmge se bɔmge, uri mbi si ooi tà le’m ke m’a m’tam dè ram’t ɗarinè nga.

Nyanra Njekawkulege 25:16

M’tel m’ile de dè’t m’ede nè: Kile doo dangai’t nal kade tam tà dè rann’t tàkum njé sêkennge’t nga, è kule ra girkoje dooge ke Rome lé sár.

Nyanra Njekawkulege 7:60

E ɔse keje’n nang tam tà se ndu’n ke bòi ede nè: – Kuwe-ɓee, inye go ra majelé le de nè nga kɔke. Loo ke Etienne tam tà nè nga titeke bè ɓaa, tà’n tête nyonk.

1 Nje Ke Corinthe 13:5

Doo ke tár nan tò kêmn’t à kin ra nyan rasɔl lé a, à sang nyan ke ɔje dè’n è se kar’n lé a, à k’ee njè ra wong lé a, à k’ee njè tute go majelé ke doo ra se’n lé a tɔ.

1 Nje Ke Corinthe 9:3

E ke nè á è tà ke m’tam dè ram’t non njé kile tà dèm’tge.

2 Nje Ke Corinthe 7:11

Kumndoo ke se go kêmndige le Nube nga oje nyange nè malang dann si’t ade an-in ɓá. Kumndoo nè nga á ade in-in kalang ɔri tà i taai dè’m. E ade kum si gang dè majelé’t ade i turi hal si a, i ɓeli Ndil Nube a tɔ. Kumndoo nè nga ade ngur kan’m ra sei pênn-pênn. Kumndoo nè nga ade ilei kêm si dè njé ra majelége’t. E tel sei ke njé ra nyan ke se dè najennge. Nyanra si malang tɔje jè titeke tà karé géa uwe dè si lé.

Nje Ke Philippes 1:17

Njé ke ilei mber le Krist se ra jang nga ilei mber se kem̂nda káng lé. Ndii’m se sulge jim’t nè nga, d’an ke nyantosowur lé ɓai á dé gir le kile made dè’t kade’m.

Nje Ke Philippes 1:7

Gir ke m’gir dè si’t malang bè nga, è loon’t kuwe. M’ndige sei dè ɓengrem’t. Kété ndɔ ke m’nain se si ɓai nga, m’an-in ngang Tà ke Maje gar-gar m’ade tò loo toon’t njáng. Ɗarinè ke m’tò dangai’t nè nga géa, sei malang oréi se’m nan dè noje ke Nube uwe sem’t nga.

2 Timothee 1:15

I ger mbak titeke njé ke ndii kem̂ ɓeekon ke Asie malang turi gide de adi man. Phygèle se Hermogène ei dann njé tur gide kadi man nga tɔ.

2 Timothee 4:10

Démas sure’m inye’m tede unde nyange ke dè nang nè dann kumn’t ngain. E ɔte aw kem̂ ɓee-bò ke Thessalonique. Crescens ɔte aw kum’n ke ɓeekon ke Galatie a, Tite aw kem̂ ɓeekon ke Dalmatie a tɔ.

2 Timothee 4:15

I géa, an’n maje tede è ute tàge le jéi mbeng-mbeng kɔke.

1 Pierre 3:15

Krist kuwe karé bere á è Kuwe-ɓee le si. Undei nin se ninn’n dè ɓengre si’t. Uwei dè nja ra si le kade nanan ke deje sei tà ɔje dè kundekem̂ tchên’t le si ɓaa, ɔri gir adi nin.