2 Timothee 4:11 - Nouveau Testament en Gulay 2004

¹¹ Luc kuwe se kar’n luk-luk á nain se’m ɗarinè. Loo ke a i ree ɓaa, ade Marc ree sei nan’t tede è ra se’m ngain dè kule’t.

2 Timothee 4:11 ပူးပေါင်းရင်းမြစ်များ

Matthieu 19:30

Dooge ngain ke ei ngawtà made dege ɗarinè nga, à teli k’ei njékutu go made dege. Dooge ke ei njékutu go made dege ɗarinè à teli k’ei ngawtà made dege a tɔ.

Matthieu 20:16

Titeke bè á njé ke gugu à teli k’ei njé ke kété a, njé ke kété à teli k’ei njé ke gugu a tɔ.

Tà ke Maje ke Luc ndang 13:30

An-in maje, njé ke gugu à teli k’ei ngawtà made dege a, njé ke ei ngawtà made dege à teli k’ei njé kutu go made dege a tɔ.

Nyanra Njekawkulege 12:12

Pierre ger nyan ke tee dènn’t nga njai. E ɔte aw kêm kei le Marie kon Jean d’ile ri tɔyi’n nè Marc. Njétaakêm-Kristge bule kebi nan kêm kei le Marie ndii à ɔji tà se Nube.

Nyanra Njekawkulege 12:25

Loo ke Barnabas se Saul ɔri son kule le de kêm ɓee-bò ke Jérusalem ɓá ɓaa, ei teli reei kêm ɓee ke Antioche, ɓeekon ke Syrie gugu. Jean ke ri tɔyi’n nè Marc nga, Barnabas se Saul reei se’n ji de’t.

Nyanra Njekawkulege 15:37

Barnabas ndige le kade Jean ke dé ɓar’n Marc aw se de nan’t.

Nyanra Njekawkulege 15:39

Wong ra de dè nan’t ade nanan géa unn rebe ke le’n-le’n. Barnabas ɔr Marc ile’n goon’t ali kêm bato’t awi kum de ke ɓee le’n ke Chypre.

Nyanra Njekawkulege 16:10

Go nyanpinde’t nè nga, j’in ke loon’t nè kuwe jè sang le kaw Macédoine. Jè j’an titeke è Nube kuwe á ɓar jè kade j’aw j’ile mber Tà ke Maje j’ade dooge ke kêm ɓeekon ke Macédoine nè nga.

Nje Ke Colosses 4:10

Aristarque njèmade dangai le’m ei se Marc ngonn le ngokon Barnabas rai sei lapya tɔ. Marc nga ndɔ ke m’ede sei tàge ke ɔje dè’n kété ɓá. Ke nè á aw tee ra si’t ɓaa, uwei nin ke ra si’t se maje’n.

Nje Ke Colosses 4:14

Njèkuge-kaje, Luc, kotár le’m ei se Démas rai sei lapya tɔ.

2 Timothee 1:15

I ger mbak titeke njé ke ndii kem̂ ɓeekon ke Asie malang turi gide de adi man. Phygèle se Hermogène ei dann njé tur gide kadi man nga tɔ.

2 Timothee 2:21

Ke nè á doo karé an go ra’n sêw-sêw ɔje dè nyange ke m’tam tà’n nè nga ɓaa, à tò kasenan se jó ra ngar kule ke tò se ninn’n gai ke rara ke kuwe’n uwe dè nja unde konn le ra’n kule ke maje.

Philemon 1:24

Njé made kulege le’m, Marc, Aristarque, Démas se Luc rai nin lapya ngain.

1 Pierre 5:13

Njé ke tooi se ninn de ke kem̂ ɓee-bò ke Babylone rai sei lapya. Dé nga, Nube ɓar de titeke ɓar’n sei bè tɔ. Ngonn’m Marc géa ra sei lapya tɔ.