2 Timothee 4:10 - Nouveau Testament en Gulay 2004

¹⁰ Démas sure’m inye’m tede unde nyange ke dè nang nè dann kumn’t ngain. E ɔte aw kem̂ ɓee-bò ke Thessalonique. Crescens ɔte aw kum’n ke ɓeekon ke Galatie a, Tite aw kem̂ ɓeekon ke Dalmatie a tɔ.

2 Timothee 4:10 ပူးပေါင်းရင်းမြစ်များ

Matthieu 12:32

Ke nè á doo karé tam tà ke majelé se’m man Ngonn doo ɓaa, d’a kade kêm de tin mbit dè’t ɓai. Nè ke nè á doo karé tam tà ke majelé se Ndil-Kêmnda ɓaa, d’a d’ade kêm de tin mbit dènn’t kêm ɓalge’t ke ɗarinè éké kêm ɓalge’t ke à reei nga lé a tɔ.

Matthieu 26:56

Nè nyan nè nga, è titeke bè le kade tà ke njéribe-dè-tàge ke tà Nube’t tami nga aw’n loon’t deĵ. Njékuwe gir-Jésuge malang inyei nin ɔti an-in nan karé-karé.

Tà ke Maje ke Luc ndang 14:33

Jésu tɔl ngang tà nè nga ede nè: – Sei géa è titeke bè tɔ. Ke nè á doo karé dann si’t inye go nyankingege le’n lé ɓaa, è asekum k’ee njèkunn dè nja’m têr-têr lé.

Tà ke Maje ke Luc ndang 16:13

Ngonn njèndi karé asekum ra kule kade kuwenge joo kêm kurloo ke karé’t lé. E à ɔr è ke karé njêt, nè è à unde è ke karé dann kumn’t. E à ile koje dè è ke karé’t, nè à an njè ke karé ke rang ke nyan lé. Sei asikum ra ɓer le Nube se ra ɓer le nar kade nan’t joo mbak lé.

Tà ke Maje ke Luc ndang 17:32

Adi kêm si olé dè nyan ke tee dè dinye’t le Lot.

Nyanra Njekawkulege 13:13

Paul se njémade-loo-kawge le’n in-in kêm ɓee ke Paphos ali kêm bato’t awi kêm ɓee ke Perge ɓeekon ke Pamphylie. Nè Jean-Marc inye de ɔse wan tel ree kêm ɓee-bò ke Jérusalem.

Nyanra Njekawkulege 15:38

Kule ke ndɔ ke Jean-Marc aw le ra se Barnabas se Paul kêm ɓee-bò ke Pamphilie nga, è ra ɔrgir son’n lé ɓai kuwe ɓaa, è inye de tà’t ɔte aw loo le’n. Gir’n ke nè á Paul ndige le kade Jean-Marc tel aw’n se de lé ta.

Nyanra Njekawkulege 16:6

Paul se Silas undei kêm ɓeekonge ke Phrygie se Galatie gangi se nja de dɔ tede Ndil-Kêmnda ɔge de kile mber tà le Nube kêm ɓeekon ke Asie.

Nyanra Njekawkulege 17:1

Paul se Silas undei kêm ɓee-bò ke Amphipolis se Appolonie gangi reei kêm ɓee-bò ke Thessalonique. Kei kebe nan le Juipge tò kêm ɓee-bò ke Thessalonique.

Nyanra Njekawkulege 17:11

Juipge ke Bérée nga uwei Paul se Silas ke ra de’t maje dum njé ke kêm ɓee-bò ke Thessalonique. Dé taa Tà ke Maje kalang, nè se ndɔ karé-karé dé nder gir tà ke kêm magtubge’t le Nube le kan, ké tàge ke Paul ede nga è titeke bè kuwe wa?

Nyanra Njekawkulege 17:13

Nè loo ke Juipge ke Thessalonique ooi tite ke Paul ile mber tà le Nube kêm ɓee ke Bérée tɔ ɓaa, ei reei sulei dooge. Juipge rai titeke bè adi kos dookêmɓeege awi dè nan’t kutri taɓai.

Nyanra Njekawkulege 18:23

Paul ndi kêm ɓee-bò ke Antioche mbɔr ɓita in aw se loo-loo kêm ɓeekonge ke Galatie se Phrygie, è ule dingem kêm njétaakêm-Kristge’t malang.

2 Nje Ke Corinthe 2:13

Nè né è bè géa kêm’m tò lom lé, tede m’inge ngokon’m Tite kêm ɓee-bò’t nè nga lé. Gir’n ke nè á m’sure’n njétaakêm-Kristge ke kêm ɓee ke Troas m’inye de, m’ɔte m’aw’n kêm ɓeekon ke Macédoine.

2 Nje Ke Corinthe 7:6

Nè Nube ke njè sɔl kêm dooge ke ulei dè de sɔl kêm jé takul ree le Tite.

2 Nje Ke Corinthe 8:16

Ra Tite olé pêl-pêl dè ra se si’t titeke m’ra’n se si bè tɔ. Nube ke njè kade ra’n ɔlé pêl-pêl nga, m’ra’n oiyo ngain.

2 Nje Ke Corinthe 8:23

Tite ɓaa, è made-loo-kaw le’m. E made-kule le’m ke ra se’m kule nan’t-nan’t tede le si. Ngakon jéige ke dannii nga, è njékebe nange le Nube á ulei de. Dé ndi d’ade ra kule tede riɓar le Kuwe-ɓee.

2 Nje Ke Corinthe 8:6

Jè ndeje Tite le kade ra se si ade i tɔli tà kule tann nyan-noje ke ndɔ ke è unn gir ra dann si’t kété nga mbas.

Nje Ke Galatie 1:2

Man se ngakonmge malang, jè ndang magtub nè j’ule’n j’ade sei njékebe nange le Nube ke i ndii kem̂ ɓeekon ke Galatie.

Nje Ke Philippes 2:21

Dooge malang sangi nyange ke ɔje dè de ei kuwe m sangi nyange ke ɔje dè Jésu-Krist nga lé.

1 Timothee 6:10

Mwei-yo-nar è ngire nyange ke majelé malang. Njé ke nange ke an-in ngɔde go nar’t nga ndemi osoi kɔke heb dè kundekem̂’t le de, uwei nyantosowurge gai-gai ɓuki dè de ei’t kuwe adi wur de ndir’n njàk-njàk.

1 Timothee 6:17

I ndeje bawge ke ndii dè nang nè ɗarinè le kade tii ra de lé a, le kade undei kem̂ de tchên dè nyanbaw ke à tò mbɔr lé nga lé a tɔ. I ndeje de le kade undei kem̂ de tchên ke dè Nube’t. Nube á è njè kade jèi nyange malang kade tooi ra jéi’t ndàj-ndàj tede kade jè ndii dann ranel’t.

2 Timothee 1:15

I ger mbak titeke njé ke ndii kem̂ ɓeekon ke Asie malang turi gide de adi man. Phygèle se Hermogène ei dann njé tur gide kadi man nga tɔ.

2 Timothee 4:16

Tà ke desêin ke ndɔ ke m’ɔr dè ram’t loo gangtà’t nga, doo karé bè géa nda se’m tutu lé. Dé malang dé sure’m d’inye’m tutu. Maje kade Nube ade tà’n uwe dè de lé.

Tite 1:4

I ngonn’m Tite ke m’oji gir kundekem̂’t le jéi nga, maje kade kem̂noje se kem̂lom ke in ra Bɔ jéi Nube’t se ra Jésu-Krist ke njèkaje jèi nain sei.

Philemon 1:24

Njé made kulege le’m, Marc, Aristarque, Démas se Luc rai nin lapya ngain.

2 Pierre 2:15

Dé njé njé tête tà kunde tà Nube’t nè nga, dé ndem tede d’inye go rebe le de ke danné sêw, dé ndolè’n go Balaam, ngonn le Béor. Balaam nga ndɔ ke d’ade’n nar tede ra’n nyan ke majelé.