2 Timothee 4:1 - Nouveau Testament en Gulay 2004

¹ M’ndeji non Nube’t se non Jésu-Krist ke à tel ree le gangtà dè njé ke ndii kumgajer se njé ke weii. Kerɔte kuwe, Krist à unde loo tee pan le kon ɓee. Gir’n ke nè á m’ndeji se tà nè:

2 Timothee 4:1 ပူးပေါင်းရင်းမြစ်များ

Matthieu 16:27

Ndɔ karé ke man ke m’ee Ngonn doo nga, m’a tel ree se dooge le’m ke danran dann ndubra’t le Bɔ’m ɓaa, kêm ndɔn’t nè nga m’a m’uge nanan géa se goo nyan ra’n ra’n.

Tà ke Maje ke Luc ndang 19:12

E ede de ede nè: – Doo karé bè girkoje le’n è ngar. E ndi dè njann’t tchên le kin kaw kêm ɓeekon ke heb’t le kade ngar karé ke bò unde’n ngar nú ɓita à tel ree ɓai.

Tà ke Maje ke Luc ndang 19:15

Loo ke d’unde’n ngar ɓá ɓaa, è tel ree ɓéee. E ade dé ɓar ngann njéndige le’n ke è ade de nar nga. E ndige le ger gir nyan ke dé ra se nar nè nga tɔ.

Tà ke Maje ke Luc ndang 23:42

E ke njè kin se made’n nga tel tur tà’n ede Jésu ede nè: – Kuwe-ɓee, ade kêmi olé dèm’t loo ke ndɔn’t a i tel ree kon ɓee dè dooge’t.

Nyanra Njekawkulege 10:42

E Jésu nè nga kuwe á unn ndu’n ade jè le kade j’ile mber j’ade kosdooge. Taɓai è unn ndu’n le kade j’ede kosdooge ndàt titeke è nè nga kuwe á Nube ɔr’n unde’n ke njègangtà le dooge ke ndii kumgajer se njé ke wei ɓá a tɔ.

Nyanra Njekawkulege 17:31

E ɔje ndɔ karé ke le gang’n tà se dè naje’n dè dooge malang ke ndii dè nang nè. Nube ɔr doo karé unde’n ke njègangtà ɓá. Doo nè nga, Nube ade unde loo tee dann njé ke koo’t tede kade dooge malang undei kêm de dènn’t.

Nje Ke Rome 2:16

Nyange malang à tooi nata ndái-ndái kêm ndɔ ke Nube à ade Jésu-Krist à gang’n tà dè nyange ke majelé ke dooge rai se go ngein. Tà ke Maje ke m’ile mber’n nga tam bè kuwe.

Nje Ke Colosses 3:4

Krist è ndikumgajer le si. Loo ke è à unde loo tee pan ɓaa, sei géa a undei loo teei se’n nan’t a, a oréi nan se’m dè ndubra’t le’n a tɔ.

2 Nje Ke Thessalonique 2:8

Njèkem̂yêr ke njè kɔse tà mbeng à unde loo tee ɓaa, ke loon’t nè kuwe, kundu tà Kuwe-ɓee Jésu à unde’n tɔl’n soin. Kuwe-ɓee Jésu à gudu’n ngoin-ngoin ndɔ tel ree’t le’n se ra’n ke ndoin kein-kein dann ndubra’t.

1 Timothee 5:21

Man m’ndeji tàkum Nube’t a, tàkum Jésu-Krist a, se tàkum dooge ke danrán le Nube a tɔ: an dè nyange nè nga sêw-sêw anje ndête éké kɔr kum doo a tɔ.

2 Timothee 1:10

Noje nè nga, ɗarinè tò nata ndái-ndái ndɔ ke njèkaje jéi Jésu-Krist ree’n dè nang nè. Jésu-Krist tuju tɔgmong le yo kɔti-kɔti ade loo gang ɗeng dè ndikumgajer ke se non se go Tà ke Maje nè nga.

2 Timothee 2:14

Olé kem̂ de dè nyange’t nè nga a, i ndeje de non Nube’t le kade d’inye go naje tà ke raikarè. Tede tà najege ke raikarè nè nga à tuju njé ke ooi tà’n se mbi de.

2 Timothee 4:18

Kuwe-ɓee à ɔr’m dann nyan ke majelé’t malang, è à aje’m le kade m’aw sár kem̂ konɓee’t le’n ke danrán se ra’m ke mong maj-maj. Maje kade riɓar è le’n è kuwe sár se non. Maje kade è titeke bè kuwe.

2 Timothee 4:8

Unn gir’n ɗarinè, jɔkɔ kunn banga le nyanra ke se dè naje’n tò ngine’m. Kuwe-ɓee ke njègangtà se dè naje’n à ade’m kem̂ ndɔn’t nè nga. Kuwe-ɓee à ade’m man á se kar’m lé. Nè dooge malang ke undei kem̂ de tchên dè ndɔ tel kunde loo tee pan’t le’n nga, è à ade jɔkɔ kunn banga nè nga tɔ.

Tite 2:13

Gar-gar, j’à rai titeke bè le nginei ndɔ tel kunde loo tee pan le Kuwe jéi Jésu-Krist. Ndɔ nè nga, j’undei kem̂ jéi dè’t tchên. Ndɔ nè nga, ndubra le Nube le jéi ke bò, se ndubra le Njèkaje jèi Jésu-Krist à kile ra’n ke nata ndái-ndái.

1 Pierre 1:7

Nyantosowurge nè nga nan-in kundekem̂ le si ke gate’n dum nar-ɔr ɓai nga le kan, ké kundekem̂ le si nga è kundekem̂ ke get kuwe wa? Nar-ɔr è nyan ke à tuju a, à goto ɓai a tɔ. Nè nè bè géa, d’ule poro dé nan’n d’an. Kundekem̂ le si nga géa d’ade nan’n le kan tɔ. Ke nè á è kundekem̂ ke get ɓaa, d’a pite’n sei a, a ingei ndubra se riɓar a tɔ, ndɔ kunde loo tee pan’t le Jésu-Krist.

1 Pierre 4:5

Nè d’a d’ɔr gir nyanra de le kade Nube ke ndi dè njann’t tchên le gangtà dè njé ke ndii kumgajer se njé ke weii.

1 Pierre 5:4

Titeke bè á loo ke ndɔn’t maw njèkul bate kosge à tel kunde loo tee pan ɓaa, à ingei jɔkɔ kunn banga le riɓar ke à ndis ndan lé.

2 Pierre 1:11

Titeke bè á Nube à ɔr’n tà rebe kaw kem̂ konɓee ke à tò sár se non le Jésu-Krist Kuwe-ɓee le jéi ke njèkaje jèi kinye wei bendeng kade jèi.

2 Pierre 1:17

Jésu-Krist oo ndu Nube njè ndubra ke bò loo ke ndɔ ke inge’n inge’n riɓar se ndubra ra Bɔ’n Nube’t. Ndɔ ke Nube tam nè: «E nè nga è Ngonn kem̂’m ke m’tár’n ngain a, ra’m nel’m dènn’t ngain a tɔ.»

1 Jean 2:28

Oiyo, ngannemge, umi nan’t bɔk se Krist tede kade ndɔ ke à unde loo tee pan ɓaa, jè ndii heb tàkumn’t lé se kem̂nda káng anje rasɔl.

Lookilera’n 1:7

An-in! Jésu-Krist nga à ree dann kil’t le ndi; dooge karé-karé malang à an-in nin a, njé tɔse’n tɔlnge géa à an-in nin se kum de a tɔ. Kosdooge malang dè nang nè à non-in kundei kàde de dai-dai tede tà le’n. Oiyo, maje kade è titeke bè kuwe.