2 Timothee 3:8 - Nouveau Testament en Gulay 2004

⁸ Dooge nè nga utei ngarankum tà mbeng titeke ndɔ ke Jannès se Jambrès utei Moise mbeng nga tɔ. Dé dooge ke tàgir le de majelé a, kundekem̂ le de géa unde ɓalè a tɔ.

2 Timothee 3:8 ပူးပေါင်းရင်းမြစ်များ

Nyanra Njekawkulege 15:24

Jè j’oo titeke njé ke nange in-in dann jé’t awi bunguli sei se tàge ade tàgirge le si aw yo-yo, nè-nè. Dé dooge nè nga, è jè á j’unn ndu jé j’ade de lé.

Nje Ke Rome 1:28

Ngarakum ger Nube nga, dé ndige kum kêm de dè’t lé. Gir’n ke nè á Nube inye’n de dann tàgir’t ke se go rebe’n lé ade dé ra’n nyange ke kum ra lé.

Nje Ke Rome 16:18

Dooge ke titeke bè nga, ei ɓer kulege le Kuwe-ɓee le jéi Krist ke get lé, nè ei njé ra kulege ke ɔje dè tà kêm de ei kuwe. Tàge ke nel ke tà de’t á dé libe’n kum njétaakêm-Kristge ke kundekêm le de ɓisir lé ɓai, d’ite’n dè de’t.

Nje Ke Ephese 4:14

Titeke bè á j’à teli tooi kasi nan se ngannge lé. Tede ngannge nga njé tà ke raikarège se njé libe kum dooge in-in ndói de nyange ke pás-pàs ade ndemi. Ngannge nga tooi asinan se bato ke nel ɔse’n aw se’n yo-yo, nè-nè bè.

1 Timothee 1:19

se kundekem̂ a, se tàgir ke maje ke kem̂i’t a tɔ. Njé ke nange ndɔ ke surei go tàgir ke maje ke kem̂ de’t inyei adi kundekem̂ le de nduii’n mann.

1 Timothee 4:2

Njé ke nange à ei njé tà lanmge se njékede gosge le súi made dege kade ndemi. Njé tà lanmge se njékede gosge nè nga tàgir le de ke kem̂ de’t wei mɔk-mɔk tite dò ke tɔl se nar nyan ke kule poro kade ker mbon bè.

1 Timothee 6:5

se naje tàge ke nal kunde ngang’n dann dooge ke tàgir le de ndum. Dooge ke tàgir le de majelé nga geri ngarankum tà lé ta. Dé nè nga dé gir titeke kundekem̂ dè Nube’t è rebe kinge nyan.

2 Timothee 4:15

I géa, an’n maje tede è ute tàge le jéi mbeng-mbeng kɔke.

Tite 1:10

Ɗarinè, njékaltàge se njé kɔje tàge ke raikarè se njé libe kum dooge bulei ngain dann Juipge ke njétaakem̂-Kristge kuwe mbain.

Tite 1:16

Dooge nè nga tami edi nè: N’geri Nube, nè nyanra de ɔrgir de titeke dé ger Nube ndan lé. Dooge nè nga ei dooge ke tooi yêr tàkum Nube’t. Dé njé dum nange, d’ase ra nyan ke maje karé bè géa lé.

2 Pierre 2:14

Kum de tò dè kaiya-dinyege’t kakak a, d’aw kum de ke kété-kété dè ra majelé’t a tɔ. Dooge ke nange ke nja de uwe nang ba lé nga, dé leŝe de leŝ-leŝ. Dé dooge ke njé nede nyange. Ndutɔr le Nube goto dè de’t.

1 Jean 2:18

Ngannemge, è dè kàde ke ngeinn’t ta. Sei ooi kété titeke Njè kɔse tà se Krist karé à unde loo tee. Nè ɗarinè nga njé kɔse tà se Kristge ngain ndii undei loo teei ta. Gir’n ke nè á jè geri titeke è kàde ke ngeinn’t nga kuwe ta.

1 Jean 4:1

Kotárge le’m, umi kem̂ si dè ndil tà’t le dooge ke tami edi nè n’awi se Ndil-Kem̂nda nga lé. Nè i nan-in dooge nè nga an-in ké awi se Ndil-Kem̂nda le Nube nga kerɔte kuwe wa? Tede njé tête tà kunde tà Nube’t undei loo teei ngain dè nang nè ɗarinè ta.

Lookilera’n 2:20

Nè i inye Jézabel, dinye ke ra ra’n ke njèribe-dè-tà ke tà Nube’t nga rai’t ɓai. Dinye nè nga ade ɓer kulege le’m ndemi rebe tede è ndó de tò se nan ke kaiya’t a, ade usei dan ke polé’n magege a tɔ. E ke nè á è nyan karé ke ade m’aw’n sei se tà.

Lookilera’n 2:6

I ɔr njé ke le Nicola njêt tede kule ra dege, titeke man géa m’ɔr’n de njêt bè tɔ. E ke nè á è nyan karé ke soo’t ndêin tedei.