2 Timothee 3:6 - Nouveau Testament en Gulay 2004

⁶ Njé ke nange dann de’t ei njé toso kem̂ keige le libe kum dinyege ke njé kem̂ mɔrége. Dinyege nè nga kaiya taa ra de pel-pel a, ngur nyange gai-gai ndɔri de a tɔ.

2 Timothee 3:6 ပူးပေါင်းရင်းမြစ်များ

Matthieu 11:28

Sei malang ke nyankoto ɗuge sei ngong-ngong ade ɔri yàl-yàl nga, i reei ram’t ɓaa man m’ade sei loo taa kebe.

Matthieu 23:13

Sei njékɔrgir gute-nduge se sei Pharisienge ke njékede gosge, a an-in ɓai! Tede sei ilei dooge kage ɔgi de loo kile nja de kêm Konɓee ke danrán’t. Njé ke ndigi kilei nja de tutu nga, sei ɔgi de rebe’n. Bè ɓaa, sei géa a ilei nja si tutu ndan lé tɔ. [

Matthieu 23:14

Sei njékɔrgir gute-nduge se sei Pharisienge ke njékede gosge nga, a an-in ɓai! Sei tosoi kêm kei le njékei-kingege, i kotoi nyange le de malang awi i tuji. Taɓai sei ndai ke loon’t nè ɔji tà se Nube adi kur si heb ɗak tede libe’n kum de. Gir’n ke né á tà ke d’a gang dè si’t ndɔ gangtà’t nga, a tur ngain dum le njé ke rang malang.]

Matthieu 4:24

Kɔbe nyan ke Jésu ra nga, oso se loo mbit-mbit kêm ɓeekon ke Syrie bere mbak. Dé ree se njératurge ke raturge gai-gai rai kum de ndoo ra Jésu’t. E ɔr ratur dè de’t malang: Njé ke ndilge ke majelé tooi kêm de’t se njé ke kɔnon tɔte de a, njé ke kêl ra de wei tonrin a tɔ.

Marc 4:19

Nè kêm de tò kekek ke dè nyange ke dè nang nè se ndɔ de-ndɔ de. Taɓai ngur nyankinge a, se ngur nyange ke rang gai-gai leŝi de awi ndii dè ɓengre de’t. Nyange nè nga malang in-in pujuri dè Tà ke Maje ke dé dubu dè ɓengre de’t nga ade dè’n ur kuju karè.

1 Nje Ke Corinthe 12:2

Sei geri mbak, kété ke i geri Nube lé ɓai nga, sei inyei ra si adi dé mbule sei d’aw se si non magege ke tà mundu.

1 Timothee 5:6

Nè njèkei-kinge ke ndi tede ranel le danra nga, né ndi kumgajer ɓai géa, è nain ke doo ke wei ɓá ta.

1 Timothee 6:9

An! dooge ke ndigi teli k’ei bawge nga osoi dann nyan sú’t se dann gum’t le ngur nyange ke raikarè ke majelé. Ngur nyange nè nga ile dooge tà yo’t a, dubu de dann tuju’t bɔndum a tɔ.

Tite 1:11

Dooge nè nga, gar-gar maje kade uwe tà de. Dé njé tête tà tchap-tchap ndó dooge ndonm’n de bere mbak nang ndalang-ndalang tede le kinge’n nyan ke nal naje’n.

Tite 3:3

Jè géa, kété jè njé kem̂ tɔ kuju tà lége, njé dum nange tà Nube’t a, njé ndemge a tɔ. Jè nga kété jè ɓerge le ngur nyange ke gai-gai a, jè njé ra majelége se njé kem̂keinge a, jè njé kɔr nan njêtge a tɔ.

2 Pierre 2:18

Njé tête tà kunde tà Nube’t nè nga leŝi dooge ke nange ilei de dann ngur nyange ke pás-pàs se tàge ke raikarè ke oji nan tà de’t pɔt-pɔt. Njé ke dé leŝe de d’ile de dann ngur nyange ke pás-pàs nè nga, ei dooge ke ɔri ra de dann njé ndemge’t ngɔr nè ɓai.

2 Pierre 3:17

Sei geri tà nè kété ɓá. Bè ɓaa, kotárge le’m, undei kumkunju dè ra si’t nè bainléa njékaltàge à ndonmi sei nang ndalang dè nda njáng’t le si se sútàge le de nga.

Jude 1:16

Dé dooge nè nga, dé njé ɓar tà nyon-nyon se ndɔge malang a, ra de ate de kárár a tɔ. Dé njiye se go ngur nyange ke kem̂ de dé’t kuwe a, tàge ke kum tam oji nan tà de’t pɔt-pɔt a tɔ. Dé njé tɔi dooge tede libe’n kum de taa’n nyan ji de’t ɔje dè maje le de dé kuwe karé.

Jude 1:18

Ndɔ ke edi sei kété edi nè: kem̂ ndɔge ke à reei, njé sɔke looge à undei loo teei le ringei se tà sɔke Nube. Dooge à rai nyange ke majelé titeke kem̂ de ɔje.

Jude 1:4

Dooge ke nange uri dann si’t se go ngein. Tà ke ɔje dè kem̂noje le Nube le jéi nga, ei turi ilei gel tede le ra’n nyange ke pás-pàs. Dé dooge nè nga, dé mbate Jésu-Krist, Ngar le jéi se Kuwe-ɓee jéi ke karé bere luk-luk nga sár. Gangtà ke dé ndang tà’n kété mari d’ɔje’n dè de nga tò ngine de tchên.