2 Timothee 3:5 - Nouveau Testament en Gulay 2004

⁵ Kem̂ ndɔge ke ngeinn’t nga, dooge à rai ra de ke njékile koje dè Nube’t, nè à ei njé naje se ra de dè tɔgmong’t le Nube. Dooge ke titeke bè nga, ute rai mbeng ra de’t kɔke.

2 Timothee 3:5 ပူးပေါင်းရင်းမြစ်များ

Matthieu 7:15

Undei kumkunju dè ra si’t ɔje dè njé tête tà kunde tà Nube’t. Ei rai ra de tite batege bè reei ra si’t. Nè kêm de ke kei ɓaa, ei heng-ge ke njé tɔ ko dooge.

Nje Ke Ephese 4:14

Titeke bè á j’à teli tooi kasi nan se ngannge lé. Tede ngannge nga njé tà ke raikarège se njé libe kum dooge in-in ndói de nyange ke pás-pàs ade ndemi. Ngannge nga tooi asinan se bato ke nel ɔse’n aw se’n yo-yo, nè-nè bè.

2 Nje Ke Thessalonique 3:14

Ke nè á doo karé ile koje dè tà’t le jé ke j’ede sei kem̂ magtub’t nè nga lé ɓaa, undei kum si goon’t tênn-tênn, utei ra si mbeng rann’t kɔke tede kade ra’n sɔl’n ade ndii’n gugum.

2 Nje Ke Thessalonique 3:6

Ngakon jége, j’unn ndu jé j’ade sei se ri Kuwe le jéi Jésu-Krist: Utei ra si mbeng ra njètaakem̂-Kristge ke rai dabe a, ke mbati kumi kem̂ de dè nyan-ndó ke ndɔ jè ndó de’t nga lé.

1 Timothee 4:7

Nè tàge ke raikarè se sútàge le kon dinyege ke uwei made nan se kundekem̂ lé nga, ute mbeng. Ule rai bàj dè kile koje dè Nube’t.

1 Timothee 4:8

Ndaje ngire ra è nyan ke maje kuwe, nè maje tede le nyange malang lé. Nè kile koje dè Nube’t ɓaa, maje tede nyange malang. Takul kile koje dè Nube’t nga, j’inge’n kunn-ndu ke ɔje dè ndikumgajer ɗarinè a, kem̂ ndɔge ke à reei ɓai a tɔ.

1 Timothee 5:8

Ke nè á doo karé tɔse kum’n dè njénojege’t le’n éké dè njékem̂-keige le’n kuwe mbain sêw-sêw lé ɓaa, è doo ke naje se ra’n dè kundekem̂’t le’n. E tel majelé ngain dum doo ke unde kem̂’n dè Nube’t lé ɓai.

1 Timothee 6:5

se naje tàge ke nal kunde ngang’n dann dooge ke tàgir le de ndum. Dooge ke tàgir le de majelé nga geri ngarankum tà lé ta. Dé nè nga dé gir titeke kundekem̂ dè Nube’t è rebe kinge nyan.

2 Timothee 2:16

Tà najege ke raikarè ke uwei made nan se kundekem̂ lé nga, ute de mbeng kɔke. Tede njé naje tàge ke raikarè nè nga utei Nube mbeng kum de ke kété-kété.

2 Timothee 2:23

Tà naje neng-neng ke raikarè nga, ute de mbeng kɔke. I ger mbak titeke tà najege nè nga à oji rɔ nan.

Tite 1:16

Dooge nè nga tami edi nè: N’geri Nube, nè nyanra de ɔrgir de titeke dé ger Nube ndan lé. Dooge nè nga ei dooge ke tooi yêr tàkum Nube’t. Dé njé dum nange, d’ase ra nyan ke maje karé bè géa lé.

Tite 3:10

Tà ndóge nè nga, doo ke tɔr dann ke nange um kɔke ade njétaakem̂-Kristge tin-in nan nga, ute’n mbeng dann njékebe nange’t le Nube. Nè kété ɓita kade ute’n mbeng ɓaa, maje kade in se’n ase nja karé éké joo pa ɓita.