2 Timothee 3:3 - Nouveau Testament en Gulay 2004

³ Kem̂ ndɔge ke ngeinn’t nga, dooge à ei njé wurkatege a, à ei njé ra nyange kum de ke kété-kété a, à ei njé tam tede made dege a, à ei njé ra nyange ke se go rebe’n lé a, à ei tite dan-tonge bè a, à ei njébange le dooge ke njé ra majege a tɔ.

2 Timothee 3:3 ပူးပေါင်းရင်းမြစ်များ

Matthieu 10:21

Ngakon nange à unni dè nan le kade dé tɔl è ke karé a, bɔ ngannge à unni dè ngann dege. Ngannge à kin-in se njékoje dege a, à adi d’ade tɔl de a tɔ.

Matthieu 4:1

Ndil ɔr non Jésu aw se’n kêm dile’t le kade njè sú dooge nan’n.

Tà ke Maje ke Luc ndang 10:16

Jésu tel ede njékuwe-girnge ede nè: – Nanan ke ur mbi’n oo’n tà le si ɓaa, è man kuwe á ur mbi’n oo’n tà le’m. Doo ke rara ke ute sei mbeng ɓaa, è man kuwe á ute’m mbeng. Ke nè á doo ute’m man mbeng ɓaa, è njèkule’m á ute’n mbeng m è man lé.

Tà ke Maje ke Luc ndang 16:14

Loo ke Jésu tam tàge nè nga titeke bè ɓaa, Pharisienge ke njé kunde nar dann kum de’t an-in tà le’n ke nyan lé.

Jean 6:70

Jésu tel deje de ede nè: – Sei ke dɔg-gidé-joo nè nga, ké è man kuwe á m’tɔr sei lé wa? Nè né è bè géa, è ke karé dann si’t tel è doo le sú ke njèkêmyêr.

Nje Ke Rome 1:29

Nyanrage ke se dè naje’n lé gai-gai se kêmyêr, se kêmkein, se kêm majelé rusu kêm de njin-njin. Ngur tɔl doo, se tɔl nan, se tà sú kum nan, se nyanra ke majelé rusu kêm de njin-njin.

Nje Ke Rome 1:31

Dé njé tàgirge ke non-non a, se njé kum tà minye’t joo a tɔ. Ndige nan se kan kum ndoo le nan goto ra de’t.

1 Nje Ke Corinthe 7:5

Ɔgi ra si nan lé. Ke nè á ɔgi ra si nan ɓaa, maje kade è se go ndu kase nan le si tede kade ɔji tà se Nube. Nè kɔge nan ra le si nga adi kur’n ngal ngain lé. Mbɔr ɓaa, i teli ingei nan nè bainléa Sú à nan’n sei tede ngur tò se nan ke ndikum ra si’t ɓai.

1 Nje Ke Corinthe 7:9

Nè ke nè á asi kɔgi ra si dè ngur tò se nan’t lé ɓaa, i taai nan. Taa nan è soo’t ngain dum kade ngur tò se nan ule por kêm si’t.

1 Nje Ke Thessalonique 4:8

Gir’n ke nè á doo ke ute tàge nè nga mbeng ɓaa, è dooge á ute de mbeng lé. Nè è Nube ke njè kade sei Ndil-Kem̂nda le’n kuwe á ute’n mbeng.

1 Timothee 3:11

Neen dege géa, gar-gar à ei dinyege ke ri de ɓar maje, à ei njé tam tede dooge lé, à ei njé kain yibe kade ule mbe dè de’t lé a tɔ. Gar-gar à ei ke maje-kojege ɔje dè nyange malang.

Tite 1:8

Nè gar-gar à è njè ra mba a, njè ndige nyan ke maje a, à ndi kum’n karè a, à è njè ra nyan se dè naje’n a, à è doo ke tò se ninn’n a, à è njè kunde kumkunju dè rann’t a tɔ.

Tite 2:3

Kon-dinyege géa, maje kade nyanra de uwe made nan se nyanra dinyege ke tooi se ninn de gai. Maje kade ei njé tam tede dooge lé a, njé kinye ra de nyein dann yibe’t lé a tɔ. Nè maje kade ei njé ndó made dege rebe nyan ke maje.

Jacques 2:6

Nè sei ɓaa, ilei rasɔl dè njèndoo’t. Ké nange á ei njékon sei njanm-njanmge a, njé kali sei kawi se si loo gangtà’t nga wa? Ké è dé bawge nè nga lé ɓai wa?

2 Pierre 2:14

Kum de tò dè kaiya-dinyege’t kakak a, d’aw kum de ke kété-kété dè ra majelé’t a tɔ. Dooge ke nange ke nja de uwe nang ba lé nga, dé leŝe de leŝ-leŝ. Dé dooge ke njé nede nyange. Ndutɔr le Nube goto dè de’t.

2 Pierre 2:19

Dé dooge nè nga, d’unn ndu de d’ade njé ke ɔri ra de dann njé ndemge’t ngɔr nè ɓai nga, d’ede de titeke n’a n’adi à ndii dè de pal. Nè dé kuwe géa, dé ɓerge le nyange ke à tuji de. Kerɔte kuwe, nanan géa è ɓer le nyan ke dum dè’n.

2 Pierre 3:3

Gar-gar, maje kade i geri nyange nè kété ɓita kade ndɔ’n ree ɓai. Njé sɔke looge à undei loo teei le ringei se tà sɔke loo titeke kem̂ de ɔje,

Jude 1:16

Dé dooge nè nga, dé njé ɓar tà nyon-nyon se ndɔge malang a, ra de ate de kárár a tɔ. Dé njiye se go ngur nyange ke kem̂ de dé’t kuwe a, tàge ke kum tam oji nan tà de’t pɔt-pɔt a tɔ. Dé njé tɔi dooge tede libe’n kum de taa’n nyan ji de’t ɔje dè maje le de dé kuwe karé.

Jude 1:18

Ndɔ ke edi sei kété edi nè: kem̂ ndɔge ke à reei, njé sɔke looge à undei loo teei le ringei se tà sɔke Nube. Dooge à rai nyange ke majelé titeke kem̂ de ɔje.

Lookilera’n 13:15

Dan ke unde loo tee dè nang nè nga ule kebe kem̂ nyan ke dé tɔl ke dé ndaje’n dan ke kété d’ade’n dò nga. Nyan ke dé tɔl dé ndaje’n dan nè nga unn gir tam tà. Dooge malang ke mbati kulei dè de nang nonn’t nga, è ade dé tɔl de kɔke.

Lookilera’n 13:17

Doo karé bè géa, ke nè á d’ɔse nyankorji éké ri dan éké kɔr nyan ke aw nan’t se ri dan nè nga rann’t lé ɓaa, è ase ndogo éké kige nyan ndan lé.

Lookilera’n 16:6

Ndɔ ke dooge umi mese njétaakem̂-Kristge se njéribe-dè-tàge lei nang. Ɗarinè, i ade de mese kade d’an-in tɔ ta. Mese ke ade de ade d’an-in nga, è kure nyanra de kuwe á unde’n nja de.»

Lookilera’n 17:6

Mese dooge le Nube ke tooi se ninn de se mese njé ke dé tɔl de tede kem̂ de ke undei dè Jésu’t ra dinye nè nga tite yibe bè. Loo ke m’an’n bè ɓaa, ndil’m tee an-in soin-soin.