2 Timothee 3:16 - Nouveau Testament en Gulay 2004

¹⁶ Magtub malang ke tò se ninn’n nga, è tà ke in tà Nube’t. Maje tede le ndó’n dooge nyan, le kin’n se de dè tà’t, le ndáng’n de, le kile’n de danné a, le tɔje’n de nyanra ke se dè naje’n a tɔ.

2 Timothee 3:16 ပူးပေါင်းရင်းမြစ်များ

Matthieu 13:52

Jésu ede de ede nè: – Gir’n ke nè á njèkɔrgir gute-ndu ke rara ke ndó nyange ke ɔje Konɓee ke danrán ɓaa tò asenan se kuwe-kei ke ɔr nyanbawge le’n ke kige se ke konn unde nata.

Matthieu 21:42

Jésu tel ede de ede nè: – Tà ke dé ndang kêm magtub ge ke tò se ninn’n d’ede nè: «Kuberi her ke njékunde keige mbati nin nga, tel è kuberi her ke njè mong dè kum kei. E ke nè á è kule ra Kuwe-ɓee. Jè j’an ke nyan ke dum kum jé.» Tà nè nga ké sei tutei ndɔ karé bè ndan lé ɓai wa?

Matthieu 22:43

Jésu tel deje de ede nè: – A ɓaa ké bain Ndil-Kêmnda ɔse David ade ɓar’n Kuwe-ɓee le’n wa? Tede David nga ndɔ ke Ndil-Kêmnda ule tà tànn’t ade tam ndàt ede nè:

Matthieu 26:54

Tà ke dé ndang kêm magtub ke tò se ninn’n d’ede nè: «Gar-gar nyan nè nga à tee titeke bè» nga, ké à aw loon’t deĵ titeke bain wa?

Matthieu 26:56

Nè nyan nè nga, è titeke bè le kade tà ke njéribe-dè-tàge ke tà Nube’t tami nga aw’n loon’t deĵ. Njékuwe gir-Jésuge malang inyei nin ɔti an-in nan karé-karé.

Marc 12:24

Jésu ede de ndàt ede nè: – Sei geri Magtub le Nube lé a, tɔgmong le’n lé a tɔ. Gir’n ke nè á in-in ilei tà kɔke salang. Ké è bè lé wa?

Marc 12:36

E David nga géa, Ndil-Kêmnda ɔse’n balang-balang ade tam ede nè: «Nube ede Kuwe-ɓee le’m ede nè: I ndi dè jikonm’t sár le kade m’ade njébange lei teli nyan-sure-nja kum lei.»

Jean 10:35

Njé ke tà le Nube oso mbi de’t nga, loo ke nange Magtub mann-ra ke mari ɓar de kum gute tà Nube. Tà ke tò kêm Magtub ke tò se ninn’n nga, doo asekum kɔr kile kɔke tuju’n lé.

Jean 3:20

Nanan ke nyan rannge majelé se ndɔge malang ɓaa, è ɔr lookar nè nga njêt mbate ree tutu, nè bainléa lookar à kuje gir nyan rannge ke nata.

Nyanra Njekawkulege 1:16

– Ngakonmge se kon nannemge, tà ke Ndil-Kêmnda tam kété kêm Magtub ke tò se ninn’n nga, aw loon’t deĵ. Ndil-Kêmnda ule tà tà David’t ade tam ɔje’n dè Judas kété. Judas nè ɔse wan tel è njèkɔr non njé kuwe Jésuge.

Nyanra Njekawkulege 18:25

E doo ke dé ndó’n rebe le Kuwe-ɓee d’ade ger maje. E doo ke tàgir le’n ndi kum. Apollos ile mber a, ndó dooge nyan ke ɔje dè Jésu se ngang’n bêrêr-bêrêr. Nè mber kile le Jean ke njèkule dooge manné njonm kuwe karé á ger.

Nyanra Njekawkulege 20:20

Sei geri mbak, man m’ɓɔyɔ se si dè nyan karé bè ke maje tede le si nga lé. M’ebe ra’m kɔrgir tà éké ndó sei nyan nata tàkum dooge’t ndái-ndái éké kêm keige’t nga lé a tɔ.

Nyanra Njekawkulege 20:27

Kerɔte kuwe, m’ɓɔyɔ se si dè nyan karé bè lé, nè nyan malang ke Nube ɔje nga m’ede sei m’ade ooi mbak.

Nyanra Njekawkulege 28:25

Dé naje nan tà ngain ade ndu de um nan’t lé. Loo ke d’ade gang nan ɓaa, Paul ede de tà karé bere ede nè: – Tà ke ndɔ ke Ndil-Kêmnda ade Esaie, njèribe-dè-tà ke tà Nube’t ede kà sige nga aw loon’t deĵ.

Nje Ke Rome 15:4

Nyange malang ke dé ndang tà’n kêm magtub’t kété mari nga, dé ndang de le ndó’n jèi nyan. Magtub ke tò se ninn’n ndó jèi korè tà njak se sɔlkêm ke j’ingei tà’n kêm Magtub’t le Nube tede kade j’undei kêm jéi tchên ke dènn’t.

Nje Ke Rome 2:20

I an rai ke njèndó nyan dooge ke ei njé nyangerge lé. I an rai ke njèndó nyan ngannge ke ndêin bè tede inge nyanger ke get se ngarankum tà ra gute-ndu’t.

Nje Ke Rome 3:2

Nonkar le doo ke è Juip è ngain ɔje dè nyange bule. E Juipge á Nube ule se tàge le’n ade de kété ke desêin.

Nje Ke Rome 4:23

Dé ndang kêm Magtub’t d’ede nè: «Nube ɔr tà dè Abraham’t.» Dé ndang tà nè nga d’ɔje’n dè Abraham á se kar’n lé,

1 Nje Ke Corinthe 12:7

Nanan géa dann jéi’t Nube ade’n nyan-noje ke ɔje dè’n le tɔje’n tɔgmong le Ndil-Kêmnda ke nata tede kade njétaakêm-Kristge malang ubei maje’n.

Nje Ke Galatie 3:8

Magtub ke tò se ninn’n ɔje loo’n kété ede nè: Nube ayé kɔr tà dè dooge ke ei Juipge lé takul kundekem̂ le de. Magtub ke tò se ninn’n nga ede Abraham Tà ke Maje nè nga kété ede nè: «Dooge malang ke ei Juipge lé nga, Nube à tɔr ndu’n dè de’t takuli i.»

2 Timothee 2:25

Gar-gar, ɓer kule le Kuwe-ɓee à è njèndó nyan njé naje se’n tàge se ndu noje tede bainléa Nube à ade d’ade tur hal de le ger’n ngarankum tà.

2 Timothee 4:2

Né loo maje éké majelé géa, uwe rai mong ile mber Tà ke Maje. In se de dè majelé’t i ndáng de, ule dingem kem̂ de’t, i ndó de nyan se kem̂kile ke deri.

Hebreuge 11:1

Kundekem̂ nga, è nyan ke doo unde kem̂’n dè’t tchên. Kundekem̂ nga, è nyan ke doo an se kum’n lé ɓai nè è um kem̂’n dè’t bɔk-bɔk titeke è inge nyan nè nga ɓá bè.

Hebreuge 3:7

Gir’n ke nè á Ndil-Kem̂nda tam’n ede nè: «Ke nè á ɓila ooi ndu Nube ɓaa,

Hebreuge 4:12

Tà le Nube è tà ke tò kumgajer ke ra kule ngain dum kuye kaskar ke ate ngang joo. E aw sár tee ngarankem̂ doo’t se tàgir le’n, se dè kur rage se wubu ke kem̂ kinge ra’t a tɔ. Tà le Nube ndi ter tàgir le doo ke dè ɓengrenn’t se nyan ke doo ɔje kem̂n’t le ra ɓai a tɔ.