2 Timothee 3:15 - Nouveau Testament en Gulay 2004

¹⁵ Magtubge ke tooi se ninn de nga, i ger de se ngonni ndêin bè mari. Magtubge nè asikum kadi nin kumkunju kade inge’n kaje takul kem̂i ke unde dè Jésu-Krist’t.

2 Timothee 3:15 ပူးပေါင်းရင်းမြစ်များ

Matthieu 22:29

Jésu tel ile de dè’t ede nè: – Sei ndemi uri walé ɓá ta, tede sei geri magtubge ke tooi se ninn de nga lé a, tɔgmong le Nube géa sei geri lé a mbak.

Tà ke Maje ke Luc ndang 1:15

Tede à è doo ke bò tàkum Kuwe-ɓee’t. E à kain yibe nduu ke ate éké yibe ke ate karé ke rang lé a tɔ. Loo ke è nain kêm konn’t ɓai kuwe Ndil-Kêmnda taa kêm’n pel-pel.

Tà ke Maje ke Luc ndang 2:40

Ngonn nè nga ra tɔg ke kété-kété a, tàgir le’n ɓeɓer a tɔ. Kumkunju rusu ɓengre’n njin-njin. Dooge d’an titeke Nube tár’n ngain a tɔ.

Tà ke Maje ke Luc ndang 24:27

Go’t gugu, Jésu ɔr gir nyange malang ke dé ndang d’ɔje’n dè’n kêm Magtub’t le Nube. E unn gir dè magtubge’t le Moise sár tee’n dè le njéribe-dè-tàge ke tà Nube’t.

Tà ke Maje ke Luc ndang 24:32

Dé tel dé deje nan d’ede nè: – Loo ke kété n’ɔje se jé tà a, n’ɔrgir tàge ke kêm Magtubge’t le Nube n’ade jè a tɔ nga, ké kêm jé agenan kɔt-kɔt lé wa?

Tà ke Maje ke Luc ndang 24:45

E ade kum de uje kade dé ger’n gir Magtub le Nube njai.

Jean 5:47

Nè ke nè á umi kêm si dè tàge ke è ndang kêm magtubge’t le’n nga lé ɓaa, ké a umi kêm si dè tàge’t le’m titeke bain wa?

Nyanra Njekawkulege 10:43

E è kuwe á njéribe-dè-tàge ke tà Nube’t malang tami tà ɔji dè’n edi nè: «Nanan ke unde kêm’n dè Jésu’t ɓaa à inge kêm tin mbit dè kaiyage’t le’n takul ri Krist.»

Nyanra Njekawkulege 13:29

Loo ke dé ra se Jésu nyange malang ke dé ndang kêm Magtubge’t d’ɔje’n dè’n ɓá ɓaa, d’ɔr ninn’n kade kage-ke-dese’t d’aw’n dé dubu be-ɓade’t.

Nyanra Njekawkulege 16:1

Paul ree tee kêm ɓee-bòge ke Derbe se Lystre. An! njètaakêm-Krist karè bè ri’n nè Timothée ndi kêm ɓee-bò ke Lystre. E ngonn le dinye karé ke è Juip ke njètaakêm-Krist. Nè Timothée nga, bɔ’n è Grec.

Nyanra Njekawkulege 17:2

Paul aw inge Juipge kêm kei kebe nan’t titeke è ra’n kété-kété. E ndi se de kei kebe nan’t bè-bè ase nja mute, è naje se de tà dè magtubge ke tooi se ninn de.

Nyanra Njekawkulege 26:24

Paul nda à ɔdenan tam tà dè rann’t. Festus ede’n se ndu’n ke bòi ede nè: – Paul, nyanger lei ke ngain ile bile dèi’t.

Nje Ke Rome 1:2

Tà ke Maje nè nga Nube unn’n ndu’n kété mari ade njéribe-dè-tàge ke tànn’t titeke dé ndang’n tà’n kêm Magtubge ke tooi se ninn de.

Nje Ke Rome 16:26

Nè ɗarinè, Tà ke Maje nè nga kile ra’n ke nata. Titeke bè á dooge malang ke ei Juipge lé asikum ger Tà ke Maje le Krist takul magtubge ke njéribe-dè-tàge ke tà Nube’t ndangi. Nube ke Njèndi se non unn ndukunn nè nga titeke bè le kade dooge malang undei kêm de dènn’t a, ilei koje dènn’t a tɔ.

Nje Ke Rome 2:27

I i Juip ke d’uje tà mɔti kuwe. I ndi se magtub gute-ndu ke dé ndang jii’t kuwe. Nè né è bè géa, ke nè á al tà tà gute-ndu’t ɓaa, doo ke d’uje tà mɔte’n lé ke an dè gute-ndu sêw-sêw nga à gangtà dèi’t gar-gar.

1 Nje Ke Corinthe 1:21

Loo ke Nube tɔje ra’n dè gos nyanger’t le’n tutu nga, dooge asi geri nin se go nyanger le de ke dè nang nè lé. Gir’n ke nè á Nube ɔje njáng le kaje dooge ke undei kêm de dè Tà ke Maje’t ke j’ile mber’n. Tà ke Maje ke j’ile mber’n nga, njégos nyangerge ke ndii à tuji ooi ke tà mbe.

Nje Ke Ephese 6:4

Sei bɔ ngannge, an-in kum ngann sige se tà kakak lé, nè wong à ra de. Otoi de i ndói de nyan a, i tɔji de nyan titeke Kuwe-ɓee ra’n se jéi bè tɔ.

1 Timothee 4:13

I tɔse kumi dè tute magtub ke tò se ninn’n kade njétaakem̂-Kristge a, i ndeje de a, i ndó de nyan a tɔ. I ra titeke bè sár kade m’ree m’ingei dè’t.

2 Timothee 1:1

Man Paul njèkawkule le Jésu-Krist se go kem̂ndige le Nube. Man nga Nube um kule kile mber tà ke ɔje dè ndikumgajer ke è unn’n ndu’n kété mari nga. Ndikumgajer nè j’ingei takul kum ke j’umi nan’t bɔk se Jésu-Krist.

2 Timothee 1:5

Kem̂’m olé dè ngarankum kundekem̂ dè Nube’t lei. Kundekem̂ nè nga urkei kem̂ kài Lois kété ɓita urkei kem̂ koin Eunice’t ɓai. M’ger mbak titeke kundekem̂ nè nga urkei kem̂i’t ɗarinè tɔ.

2 Pierre 3:16

Kem̂kile le Nube nga, Paul tam tà’n kem̂ kem̂ magtubge’t le’n malang ke è ndang loo ger gir tur ngain. Dooge ke nyanger le de ase lé a, ke nja de uwe nang ba lé a tɔ nga, ei turi tàge nè ilei gel titeke ei rai se gute Magtubge le Nube ke rang tɔ. Dooge nè nga rai titeke bè tuji ra de ei kuwe.

Lookilera’n 19:10

M’oso nang nja doo ke danrán’t nè nga rap, m’ule dè’m m’ade’n. Nè è tel ede’m nè: «Ebe’t ra titeke bè, tede man nga m’ee made-ɓer kule lei a, le ngakoinge ke njékɔrgo tàge le Jésu a tɔ. Gar-gar, i ɗɔi Nube.» Ngarankum tà ke Jésu ɔrgo nga, è tà ke ndɔ ke Ndil ule tà njéribe-dè-tàge ke tà Nube’t ade tami.