2 Timothee 3:11 - Nouveau Testament en Gulay 2004

¹¹ M’oré tà’m njak dann nyantosowurge se nyankem̂konge ke ndɔ ke teei dèm’t kem̂ ɓee-bò ke Antioche ɓeekon ke Pisidie, se Iconium se Lystre a tɔ. Ké nyantosowurge ke rage á ndɔ ke kété rai man lé wa? Nè ndɔ ke Kuwe-ɓee ɔr’m dann nyantosowurge’t nè nga malang.

2 Timothee 3:11 ပူးပေါင်းရင်းမြစ်များ

Nyanra Njekawkulege 13:14

Paul se Barnabas in-in Perge awi teei kêm ɓee-bò ke Antioche, ɓeekon ke Pisidie. Ndɔ taa kebe ɓaa, ei awi kêm kei kebe nan’t ndii nang le koo tà.

Nyanra Njekawkulege 13:45

Njé ke reei le kooi tà bulei ngain. Loo ke Juipge an-in kosdoo-bulege nè nga bè ɓaa, jang unn gir ra de. Gir’n ke nè á, d’ute’n tàge le Paul mbeng-mbeng a, dé taje’n a tɔ.

Nyanra Njekawkulege 14:8

Dingem karé bè ndi kêm ɓee ke Lystre. Doo nè nga nja’n wei tonri ade ndi nang bɔp, m in dɔ njiye ndɔ karé bè lé. E mete ke in-in’n kêm konn’t.

Nyanra Njekawkulege 20:19

M’ra kule ɓer m’ade Kuwe-ɓee se ngonn koje ke deri se mann non kum’t dann nyange ke nan-in man, se go kɔr ke Juipge ɔri nan tà dèm’t a tɔ.

Nyanra Njekawkulege 23:10

Dé kɔl nan ke kété-kété d’ade oso mbo-bò. Njèkan dè njérɔge ke aru dɔg ɓel kêmn’t ede nè d’a kin gang Paul danné mbêt-mbêt. Gir’n ke nè á è unn’n ndu’n ade njérɔge le kade awi ɔri nin dann doobulege’t kɔke teli reei se’n loo ndi de’t.

Nyanra Njekawkulege 26:17

Man m’ɔri dann kos Juipge se dann njé ke ei Juipge lé. Ma m’tel kulei ra de’t gugu ɗarinè.

Nyanra Njekawkulege 26:22

Nè Nube è der-gir’m sár tee ɓila á m’nda m’a m’ile’n mber m’ade ngann dooge a, se dooge ke tɔgi a tɔ. Nyan ke ndɔ ke njéribe-dè-tàge ke tà Nube’t se Moise tami edi nè à ree gar-gar á m’tam tà’n m m’tam tà ke gai lé.

Nyanra Njekawkulege 9:16

Doo nè nga, man kuwe m’a m’tɔje’n nyankêmkonge malang ke à inge tede ri’m gar-gar.

Nje Ke Rome 15:31

I deji Nube le kade ɔr’m ji njétaakêm-Kristge lé ke ndii kêm ɓeekon ke Judée a, le kade nyan-noje ke m’a m’aw’n le ra’n se njétaakêm-Kristge ke ndii Jérusalem nga, taa kum de a tɔ.

2 Nje Ke Corinthe 1:5

Nyankêmkonge le Krist oji nan ra jé’t nyanmi-nyanmi. Krist ade sɔlkêm ke dum oje nan ra jé’t nyanmi-nyanmi titeke bè tɔ.

2 Nje Ke Corinthe 1:7

Kêm jé ke j’unde tchên ke dè si’t nga tò njáng. Jè ger mbak, nyankêmkonge ke sei ulei ra si tutu se jé nga, sei ɓei nan se jé dè sɔlkêm’t titeke bè tɔ.

2 Nje Ke Corinthe 12:10

Gir’n ke nè á m’ra’n ranel dè yai’t le’m, dè tajege ke dooge taji man éké dè nyange ke nal’m. Man m’ra ranel dè ra ke dé ra kum’m ndoo, dè ra ke dé ra’m d’ade kàde’m gete get-get tede tà le Krist. Tede loo ke m’an ra’m ke njè tɔg goto ɓaa, lotbè á tɔg’m in dè made’t ɓai.

2 Timothee 4:7

Man nga, m’ra rɔ maje a, m’ɔr son ngɔde le’m a, m’an dè kundekem̂ le’m sêw-sêw a tɔ.

2 Pierre 2:9

Kuwe-ɓee Nube ger loo kɔr njé ke ilei koje dènn’t dann nyan ke à nan de. Nè è ger loo kunde njé kem̂ majelége konn le ngine’n ndɔ gangtà. Ndɔ nè nga, kure nyanra de à ɔde kum de labi-labi.