2 Timothee 3:10 - Nouveau Testament en Gulay 2004

¹⁰ Nè i ɓaa, i unn go nyan ndó le’m, pa njiye’m, nyan ke m’ɔje le ra, kundekem̂ le’m, kilekem̂ le’m, tár le’m, se korè tà njak le’m nga têr-têr.

2 Timothee 3:10 ပူးပေါင်းရင်းမြစ်များ

Tà ke Maje ke Luc ndang 1:3

M’nder gir nyange nè nga mari. Ɗarinè, man géa, m’an titeke maje kum ndang tà’n kunde non-in’t se gonan-gonan le kade i Théophile ke njè maje dum.

Nyanra Njekawkulege 11:23

Loo ke è aw inge de Antioche ɓaa, è an noje ke Nube uwe se dooge. E ra ranel a, ndeje de malang le kade dé labe ra de parr ra Kuwe-ɓee Jésu’t se kêmnda káng.

Nyanra Njekawkulege 2:42

Njétaakêm-Kristge malang uri mbi de tchên ooi tàge ke dé ndó de se ndɔ karé-karé. D’um nan’t bɔk tite ngakon nange se kon nannge bè. D’on mur nan’t a, d’ɔje tà se Nube nan’t a tɔ.

Nyanra Njekawkulege 20:18

Loo ke ei reei ingei nin ɓá ɓaa, è ede de ede nè: – Unn gir kêm ndɔ ke desêin ke m’ile’n nja’m kêm ɓeekon ke Asie nga, sei geri pa njiye’m ke m’njiye’n se si se loo malang.

Nyanra Njekawkulege 26:4

Nyan ra’m ke m’ra Jérusalem se basa’m dann girkoje’t le’m nga, Juipge malang geri.

Nje Ke Rome 16:17

Ngakonmge, dooge ke utei nyan-ndó ke sei ndói mbeng kɔke nga, m’ra ndoo ra si’t le kade an-in de maje. Utei ra si mbeng ra de’t kɔke tede dé nga dé njé tɔse dè dooge nan’t a, dé njé kade dooge tosoi dann kaiya’t a tɔ.

2 Nje Ke Corinthe 1:17

Kɔje ke m’ɔje ra titeke bè nga, ké m’ra anje gir tà dè’t wa? Eké nyange ke m’ɔje le ra de nga, è se go danra karè ade tà tam’m ndu kɔbe’m joo m’ede nè «oiyo» a, «ḿ-m̀» a tɔ wa?

Nje Ke Ephese 4:14

Titeke bè á j’à teli tooi kasi nan se ngannge lé. Tede ngannge nga njé tà ke raikarège se njé libe kum dooge in-in ndói de nyange ke pás-pàs ade ndemi. Ngannge nga tooi asinan se bato ke nel ɔse’n aw se’n yo-yo, nè-nè bè.

Nje Ke Philippes 2:20

Kerɔte kuwe, m’inge doo karé bè ke rang ke usu’n éké ke ade kem̂’n tò kekek dè nyange ke ɔje dè si tite’m man bè goto. Nè Timothée kuwe se kar’n bere.

Nje Ke Philippes 2:22

Sei geri mbak, Timothée nga è doo ke ndɔ ke dé nan’n dé ger hal’n ɓá. Titeke ngonn ra’n se bɔ’n bè nga, è ra se’m kule kile mber Tà ke Maje nga nan’t.

1 Nje Ke Thessalonique 1:5

Tà ke Maje ke ndɔ ke j’ile mber’n j’ade sei nga, è se tà ke tà jé’t karè lé, nè ndɔ ke jè ra nyankɔbege se tɔgmong ke Ndil-Kem̂nda ade jè. Jè nda kem̂ jé káng titeke Tà ke Maje nè nga è ngarankum tà. Sei geri nyan ke jè ra tede le si, loo ke ndɔ ke jè nain’n dann si’t ɓai.

1 Timothee 1:3

Loo ke ndɔ ke m’in le kaw kem̂ ɓeekon ke Macédoine nga, m’deji kade i nain kem̂ ɓee-bò ke Ephèse. M’inyei kem̂ ɓee-bò’t nè le kade in se njé ke nange ade ebi ra de dè ndó dooge tàge ke raikarè.

1 Timothee 4:6

I tee se nyange nè i ndó njétaakem̂-Kristge ɓaa a i ngonn njèndi ke maje le Jésu-Krist kuwe. Titeke bè á d’a d’an-in ke doo ul ra’n se tàge ke ɔje dè kundekem̂ dè Nube’t. Taɓai d’a d’an-in ke doo ke unn go nyan-ndó ke maje nga nè nga têr-têr.

1 Timothee 6:11

Nè i doo le Nube nga, ute rai mbeng kɔke dè nyange’t nè. I tel ɔr nja nyanra ke se dè naje’n a, ɔr nja kile koje dè Nube’t a, ɔr nja kundekem̂ a, ɔr nja tár nan a, ɔr nja koré tà njak a, ɔr nja kaw lom-lom a tɔ têr-têr.

2 Timothee 2:22

Ute rai mbeng kɔke dè ngur nyange ke ra basa madige ke rang. I tel ɔr dè nja nyanra ke se dè naje’n, se dè nja kundekem̂, se dè nja tár nan. Ɔr dè nja kem̂lom se njé ke ɓari ri Kuwe-ɓee se ngarankem̂ de ke unju nyang-nyang.

2 Timothee 4:2

Né loo maje éké majelé géa, uwe rai mong ile mber Tà ke Maje. In se de dè majelé’t i ndáng de, ule dingem kem̂ de’t, i ndó de nyan se kem̂kile ke deri.

2 Timothee 4:3

Timothée, oo maje, ndɔ ke dooge à taai ngarankum tà ke maje lé à ree non. Se go ngur nyange ke kem̂ de dé’t kuwe, d’ade kebe njéndó de nyange ke dè de’t-dè de’t le kade ndói de nyange ke mbi de ndon de sɔk-sɔk le koo.

2 Timothee 4:7

Man nga, m’ra rɔ maje a, m’ɔr son ngɔde le’m a, m’an dè kundekem̂ le’m sêw-sêw a tɔ.

Tite 2:7

I géa, maje kade i nyan-tɔje le de se go nyanraige ke maje. I ndó de nyan ke unju nyang-nyang le kade d’ile koje dè’t.

Hebreuge 13:9

Inyei loo adi njéndó dooge nyan ke se ri de-ri de ke rang libi kum si lé. Nyan ke soo’t ɓaa, è noje ke Nube uwe se jéi á ule dingem kem̂ jéi’t m è ndukunnge ke ɔje dè nyankusege lé. Nè dooge ke ilei koje dè ndukunnge ke ɔje dè nyankuse nè nga, nyan karé ke è soo de’t tutu goto sár.

2 Pierre 3:11

Titeke nyange malang à leein larr-larr le gotoi njêl karè nga, gar-gar ilei koje dè Nube’t a, adi pa njiye si se nyanra si tò se ninn’n gai a tɔ.