2 Timothee 2:8 - Nouveau Testament en Gulay 2004

⁸ Ade kem̂i olé dè Jésu-Krist ngonnkà David. Jésu-Krist nga unde loo tee dann njé ke koo’t titeke Tà ke Maje ke m’ile mber’n tam’n ndàt.

2 Timothee 2:8 ပူးပေါင်းရင်းမြစ်များ

Matthieu 1:1

Magtub ke ɔje dè girkà le Jésu-Krist ngonnkà David, ngonnkà Abraham,

Tà ke Maje ke Luc ndang 24:46

Gir’n ke nè á è ede de ede nè: – An-in! dé ndang kêm magtub’t d’ede nè: Man Krist ke Nube ule’m nga, gar-gar d’a d’ade nyantosowur à ra’m kuwe. Nè d’a d’ade m’a m’unde loo tee dann njé ke koo’t ndɔ ke njèkon’t mute.

Nyanra Njekawkulege 13:23

Ndɔ ke Nube unn ndu’n le kade Israelge njèkaje de. E ɔr Jésu njèkaje de nga girkà’t le ngar David.

Nyanra Njekawkulege 2:24

Nè Nube ɔr Jésu ke Nazareth dann nyankêmkonge’t le yo ade unde loo tee dann njé ke koo’t. Titeke bè á yo asekum kuwe’n nang gan-gan se go tɔgmong le’n lé.

Nyanra Njekawkulege 2:30

Nè David nga kété è njèribe-dè-tà ke tà Nube’t. E ger titeke Nube mann ra’n ade’n kété ede nè: «M’a m’ɔr ngonnkài karé ke kêmi’t dann ngannkàige’t kade ndi kutu-ngar’t lei.»

Nje Ke Rome 16:25

Ade j’ilei riɓar dè Nube’t. E aw se tɔgmong le kule’n dingem kêm si’t se go Tà ke Maje le Jésu Krist ke m’ile mber’n nga. Tà ke Maje nè nga kété mari è nyan ke tò loo ɓɔyɔn’t.

Nje Ke Rome 2:16

Nyange malang à tooi nata ndái-ndái kêm ndɔ ke Nube à ade Jésu-Krist à gang’n tà dè nyange ke majelé ke dooge rai se go ngein. Tà ke Maje ke m’ile mber’n nga tam bè kuwe.

1 Nje Ke Corinthe 15:1

Ngakonmge, man m’olé kêm si dè Tà ke Maje ke ndɔ ke m’ile m’ber’n m’ade sei nga, sei taai se kêm si ɓá. Ɗarinè sei i bai nja si nang tutu maje.

1 Nje Ke Corinthe 15:4

Krist nga dé dubu’n. Ndɔ ke njèkon’t mute, Nube ade unde loo tee dann njé ke koo’t titeke ndɔ ke Magtubge ke tooi se ninn de tami kété nga.

2 Nje Ke Thessalonique 2:14

Nube ɓar sei ɔje dè è ke nè nga se go Tà ke Maje ke ndɔ ke j’ile mber’n j’ade sei. Sei oréi nan se Kuwe-ɓee le jéi Jésu-Krist dè ndubra’t le’n.

1 Timothee 1:11

Nyan-ndó ke maje nga uwe made nan se Tà ke Maje le Nube ke njè ndubra se njè gir ranel a tɔ. Oiyo, Nube ke njè tɔgmong um kule mber Tà ke Maje nè nga jim’t kuwe.

1 Timothee 2:7

E tede kɔrgo tà nè á Nube ɔr’m unde’m ke njèkile mber a, ke njèkawkule a tɔ. Man nga Nube ɔr’m unde’m ke njèndó nyan dooge ke ei Juipge lé kade undei kem̂ de dènn’t a, dè ngarankum tà’t a tɔ.

2 Timothee 1:8

Ade rai sɔli dè kɔrgo tà le Kuwe-ɓee le jéi nga lé. Ade rai sɔli dè’m man’t ke m’tò dangai’t tede tà le’n nga lé a tɔ. Ule rai se’m nan’t bàj dann nyankem̂kon ke m’ndi tutu tede Tà ke Maje. Dann nyankem̂kon’t nè nga, um kem̂i dè tɔgmong’t le Nube.

2 Timothee 2:7

I girtà dè tàge ke mute nè nga maje an. Kuwe-ɓee à adi gos ger nyan le kade i ger’n gir gute nyange malang ke nain.

Lookilera’n 5:5

Nè ngatɔge karé dann madennge’t ede’m ede nè: «I non lé ta. An! toboi ke girkoje’t le Juda, toboi ke in girkà’t le ngar David nga tête rɔ. E asekum tutu tà nyankorjige ke dé tinye’n tà magtub nè nga le teen kem̂ kan.»