2 Timothee 2:7 - Nouveau Testament en Gulay 2004

⁷ I girtà dè tàge ke mute nè nga maje an. Kuwe-ɓee à adi gos ger nyan le kade i ger’n gir gute nyange malang ke nain.

2 Timothee 2:7 ပူးပေါင်းရင်းမြစ်များ

Tà ke Maje ke Luc ndang 21:15

Tede tà kumkunju ke m’a m’ule tà si’t nga, doo karé bè géa dann njébange’t le si asekum naje sei tà’t éké kile sei dè tà’t ndan lé.

Tà ke Maje ke Luc ndang 24:45

E ade kum de uje kade dé ger’n gir Magtub le Nube njai.

Tà ke Maje ke Luc ndang 9:44

– Sei ɓaa, uri mbi si maje ooi tàge ke m’a m’ede sei ɗarinè. Man ke m’ee Ngonn doo nga, d’a d’ule’m ji dooge’t.

Jean 14:26

Ndil-Kêmnda ke njè ra se si ke Bɔ’m à ule’n se ri’m nga à ndó sei nyange malang a, à olé kêm si dè nyange malang ke m’ede sei ɓá nga a tɔ.

Jean 16:13

Loo ke Ndil ke get à ree ɓaa, è à ɔr non si dann ngarankum tà’t bere mbak. E à kin se dè ra’n kede sei tà lé. Nè à ede sei tà nyange ke à oo a, tà nyange ke ndii à reei ɓai a tɔ.

Nyanra Njekawkulege 7:10

Nube ɔr Joseph dann nyantosowurge’t le’n malang. Nube ade’n kumkunju ade taa’n kum Pharaon, ngar ke ɓeekon ke Egypte. Pharaon unn Joseph nè nga unde’n ade è njèkonɓee ke Egypte se loo ke kêm kei le’n malang

1 Nje Ke Corinthe 12:8

Ndil ade doo ke karé tɔgmong kade tam’n tà se kumkunju a, ade doo karé ke rang gos nyanger kade ndó’n madennge ngarankum tàge le Nube. E Ndil ke karé nè kuwe á nobo nyan-nojege nè nga titeke bè.

Nje Ke Philippes 4:8

Ngakonmge, gute nyange ke nain á tooi nè: Nyan ke è nyan ke get, éké riɓar éké nyan ke se dè naje’n éké nyan ke unju nyang-nyang éké nyan ke taa kum dooge ɗekm éké nyan ke maje dum éké nyan ke kum kinge pite tò tutu ɓaa, uwei kem̂ si mong dè’t.

Nje Ke Colosses 1:9

Gir’n ke nè á jè géa, unn gir kem̂ ndɔn’t ke tà’n oso’n mbi jé’t nga, ndɔ karé bè géa j’ebe ra jé kɔje tà se Nube tede le si lé. Jè deje’n le kade ade kum si gang dè nyan ke kem̂’n ndige’t a, taɓai jè deje’n le kade Ndil-Kem̂nda ade sei kumkunju se gos ter nyan ke deri taa ra si pel-pel.

1 Timothee 4:15

I tɔse kumi dè nyan nè malang i rise rai nang tà’t. Titeke bè á kaw kum ke kété-kété lei à too’n nata ndái-ndái tàkum dooge’t malang.

2 Timothee 2:6

Gar-gar njè ndɔr ule ra’n ndibe kété pa ɓita à inge ko ɓai.

2 Timothee 2:8

Ade kem̂i olé dè Jésu-Krist ngonnkà David. Jésu-Krist nga unde loo tee dann njé ke koo’t titeke Tà ke Maje ke m’ile mber’n tam’n ndàt.

Hebreuge 12:3

Jésu nga géa njékaiyage utei nin mbeng, nè oré tà’n njak. I giri dènn’t ɓaa uti kum si parr m adi kem̂ si tête mann lé.

Hebreuge 13:7

Adi kem̂ si olé dè njékɔr non sige ke ndɔ ke ilei mber tà le Nube adi sei nga. Adi kem̂ si olé dè ndi kumgajer le de dè nang nè a, se dè kwei’t le de a tɔ. An-in kundekem̂ le de ke nyan-tɔje le si tɔ.

Hebreuge 3:1

Gir’n ke nè á, ngakonmge, sei ke i tooi se ninn si ke Nube ɓar sei nga, i giri dè Jésu’t. Jésu nga Nube ule’n ade è maw njèkuje nyan-mese ɔje dè kundekem̂ ke jè ndi j’ile mber’n.

Hebreuge 7:4

An-in! Melkisédec nga è doo ke bò. Kà jéi Abraham ndɔ ke tɔr tà nyange ke maje-maje ke in’n loo rɔ’t karé-karé ade’n. Ke nè á nyan è dɔg ɓaa, è ɔr tà karé ade Melkisédec.

Jacques 1:5

Ke nè á doo karé dann si’t nal kumkunju ɓaa, maje kade kɔ Nube. Nube è njè kade dooge malang nyan se kem̂ karé anje ndáng de.

Jacques 3:15

Kerɔte kuwe, kumkunju nè nga è kumkunju ke in danrán lé. Kumkunju nè nga è kumkunju ke in ra doo ke dè nang nè a, in ra njè kem̂ majelé’t a tɔ.

Jacques 3:17

Nè kumkunju ke in danrán nga à ade doo unju nyang-nyang a, à ade doo à ee’n njèkem̂lom a, njè kaw lom-lom a tɔ. Kumkunju ke in danrán nga à ade doo à è njè kile koje a, kem̂kanm à taa ra’n pel-pel a, à è njè ra nyan ke maje a, à è njè kum tà go doo karé’t lé a, à è njèkede gos lé a tɔ.

1 Jean 5:20

Jè geri titeke Ngonn Nube ree dè nang nè ɓá. E kuwe ade jèi gos nyanger tede kade jè geri Nube ke get-get. J’umi nan’t bɔk se Nube ke get-get nga takul Ngonn’n Jésu-Krist. Jésu-Krist nga è ngarankum Nube a, è njèndi kumgajer sár se non a tɔ.