2 Timothee 2:3 - Nouveau Testament en Gulay 2004

³ Oré se’m nan dè nyankem̂konge’t asenan se njèrɔ ke maje le Jésu-Krist bè.

2 Timothee 2:3 ပူးပေါင်းရင်းမြစ်များ

Nyanra Njekawkulege 23:31

Njérɔge ɔri Paul dann ndɔɔ awi se’n sár Antipatris se go ndukunn le njèkan dè njérɔge ke aru dɔg nga.

1 Nje Ke Corinthe 13:7

Doo ke tár nan tò kêmn’t à ile kêm’n dè nyange’t malang a, à unde kêm’n dè nyange’t malang a, à orè tà’n njak dè nyange’t malang a tɔ.

1 Nje Ke Corinthe 9:7

Ké njèrɔ ke ra á uge dè ji’n se nar le’n ke kinge’n è kuwe wa? Ké nan man kage nduu nal kuse kann’n wa? Ké nan á ul dange ɓaa, nal kan-in mba de wa?

2 Nje Ke Corinthe 1:6

Ke nè á jè ndi dann nyantosowurge’t ɓaa, è tede kade ingei kêmsɔl lom se kaje a tɔ. Ke nè á d’ade j’inge kêmsɔl ɓaa, è tede kade ingei sɔlkêm ke asekum ra se si kade oréi tà si njak dè nyankêmkonge ke rai sei titeke kété ra’n jè nga tɔ.

1 Timothee 1:18

Ngonn’m Timothée, m’unn ndu’m m’adi se go tàge ke tà Nube’t ke dé tam d’ɔje’n dèi kété mari nga. Maje kade tàge nè nga adi nin tɔgi kade i ra’n rɔ maje

2 Timothee 1:1

Man Paul njèkawkule le Jésu-Krist se go kem̂ndige le Nube. Man nga Nube um kule kile mber tà ke ɔje dè ndikumgajer ke è unn’n ndu’n kété mari nga. Ndikumgajer nè j’ingei takul kum ke j’umi nan’t bɔk se Jésu-Krist.

2 Timothee 1:8

Ade rai sɔli dè kɔrgo tà le Kuwe-ɓee le jéi nga lé. Ade rai sɔli dè’m man’t ke m’tò dangai’t tede tà le’n nga lé a tɔ. Ule rai se’m nan’t bàj dann nyankem̂kon ke m’ndi tutu tede Tà ke Maje. Dann nyankem̂kon’t nè nga, um kem̂i dè tɔgmong’t le Nube.

2 Timothee 2:10

Gir’n ke nè á m’oré’n tà’m njak dè nyange malang ke tee dèm’t tede le njé ke Nube tɔr de. M’ra titeke bè tede kade dé géa d’inge’n kaje le Jésu-Krist a, se ndubra ke se non a tɔ.

2 Timothee 2:9

E tede Tà ke Maje nè nga m’inge’n nyankem̂konge sár ade dé tɔɔ’m se sul tite njè ra majelé bè. Nè né è bè géa, tà le Nube ɓaa dé tɔ’n lé.

2 Timothee 3:11

M’oré tà’m njak dann nyantosowurge se nyankem̂konge ke ndɔ ke teei dèm’t kem̂ ɓee-bò ke Antioche ɓeekon ke Pisidie, se Iconium se Lystre a tɔ. Ké nyantosowurge ke rage á ndɔ ke kété rai man lé wa? Nè ndɔ ke Kuwe-ɓee ɔr’m dann nyantosowurge’t nè nga malang.

2 Timothee 4:5

Nè né è bè géa, i ɓaa, unde kumkunju dè rai’t ɔje dè nyange malang. Oré tài njak dè nyankem̂konge’t, i ra kule ra njèkile mber Tà ke Maje. I ra kule lei ɔr son’n njêt a tɔ.

Philemon 1:2

Magtub nè nga m’ndang m’ade kon nann jé Appia se ngokon jé Archippe ke njè made rɔ le jé a, se njékebe nange le Nube ke kebi nan kem̂ kei lei a tɔ.

Hebreuge 10:32

Adi kem̂ si olé dè nyan ke tee dè si’t kété loo ke ndɔ ke ingei lookar le Nube. Sei ingei lookar le Nube mbɔr lé ɓai ɓaa, sei unni gir ra rɔ ke bò a, ingei nyankem̂konge a tɔ.

Hebreuge 11:27

Moise unde kem̂’n dè Nube’t á ndɔ ke è inye’n ɓeekon ke Egypte nal ɓel wong ke ayé ra ngar dènn’t. E nda dè njann’t njáng titeke an Nube ke dookunde le’n ase kan’n se kum’n lé nga ɓá bè.

Hebreuge 6:15

Ndɔ ke Abraham ile kem̂’n pon ngine’n titeke bè ɓita Nube ade’n nyan ke ndɔ unn’n ndu’n le kade nga ɓai.

Jacques 1:12

Doo ke oré tà’n njak dè nyange ke nann’t ɓaa, ra’n à nel’n. Doo ke orè tà’n njak dè nyange ke nan-in nin ɓaa à inge jɔkɔ kunn banga le ndii’n kumgajer. Jɔkɔ kunn banga nga, ndɔ ke Nube unn’n ndu’n le kade njé ke tárii.