2 Timothee 2:25 - Nouveau Testament en Gulay 2004

²⁵ Gar-gar, ɓer kule le Kuwe-ɓee à è njèndó nyan njé naje se’n tàge se ndu noje tede bainléa Nube à ade d’ade tur hal de le ger’n ngarankum tà.

2 Timothee 2:25 ပူးပေါင်းရင်းမြစ်များ

Matthieu 11:29

Ulei dè si i taai jug le’m, ulei ra si bàj dann nyan-ndóge’t le’m tede man nga m’ee doo ke m’aw lom-lom anje ti ra’m. Titeke bè á nganrankum ra si à kinge’n loo taa kebe.

Matthieu 21:32

Kerɔte kuwe, Jean ree tɔje sei rebe ra nyan ke se dè naje’n kade i taai kum Nube. Nè sei umi kêm si dènn’t lé; nè njétaa tirge se kaiya-dinyege á umi kêm de dènn’t. Sei an-in nyange ke dé ra nè nga se kum si nè sei i turi hal si le kunde’n kêm si dènn’t lé.

Marc 1:15

– Ndɔ ke Nube ɔje nga ase deĵ ɗarinè ta, Konɓee le Nube nain ngɔr. I turi hal si, undei kêm si dè Tà ke Maje’t a tɔ.

Jean 5:34

Man ɓaa, m’aw ndoo kade doo tá ɔrgo tà le’m lé. Nè man m’ede sei tà nyan nè nga le kade d’aje’n sei.

Nyanra Njekawkulege 11:18

Loo ke Juipge ke njétaakêm-Kristge ooi tàge nè nga bè ɓaa, ebi’t kɔl se Pierre ta. Nè ei ulei ndubra dè Nube’t edi nè: – Nube ade dooge ke ei Juipge lé géa turi hal de le ndii kumgajer tɔ ta.

Nyanra Njekawkulege 2:38

Pierre ede de ede nè: – I turi hal si. Maje kade nanan géa dann si’t ade d’ule’n manné njonm se ri Jésu-Krist. Titeke bè á Nube a ade kêm’n à tin’n mbit dè kaiyage’t le si, le kade ade’n sei Ndil-Kêmnda.

Nyanra Njekawkulege 20:21

M’ile mber m’ade Juipge se njé ke ei Juipge lé le kade ɔsi wan teli ke ra Nube’t a, undei kêm de dè Kuwe-ɓee’t le jéi Jésu nga a tɔ.

Nyanra Njekawkulege 5:21

Loo ke njékawkulege ooi tà ke doo ke danrán ede de nè nga bè ɓaa, ei ɔti awi kêm kei le Nube se ndɔgé ɓat unni gir ndói dooge nyan. Nè maw njèkuje nyan-mese se njé ke ei se’n reei ɔsi nja njégangtàge le Juipge se ngatɔgege le kosdooge ke Israel malang. Go’t gugu ulei kule kei dangai’t adi dé ree se njékawkulege.

Nyanra Njekawkulege 5:31

E nga Nube unn’n unde’n dè jikonn’t ade è njè kunde gir kaje le dooge. Nube ra titeke bè le kade dooge ke kêm ɓeekon ke Israel turi hal de ingei kêm tin mbit dè kaiyage’t le de.

Nyanra Njekawkulege 8:22

I tur hali dè kêmyêr’t lei. I deje Kuwe-ɓee bainléa à ade kêm’n à tin mbit dè tàgir’t lei.

Nje Ke Galatie 6:1

Ngakonmge, ke nè á uwei doo karé dè ra nyan ke se go rebenn’t lé ɓaa, sei ke i njiyei se go Ndil-Kem̂nda ɓai nga, i gɔli nin ilei nin rebe ke danné se ndu noje. Sei géa, kem̂ si dè ra si’t nè bainléa a teli rai majelé se’n tɔ.

1 Timothee 2:4

ke ndige le kade dooge malang ingei kaje a, le kade kum de gang dè ngarankum tà’t maje a tɔ.

1 Timothee 6:11

Nè i doo le Nube nga, ute rai mbeng kɔke dè nyange’t nè. I tel ɔr nja nyanra ke se dè naje’n a, ɔr nja kile koje dè Nube’t a, ɔr nja kundekem̂ a, ɔr nja tár nan a, ɔr nja koré tà njak a, ɔr nja kaw lom-lom a tɔ têr-têr.

2 Timothee 3:7

Dé dinyege nè nga, dé ndó nyan se ndɔge malang nè d’asekum ger ngarankum tà nga lé.

Tite 1:1

Man Paul ɓer le Nube se njèkawkule le Jésu-Krist. Man nga Krist ule’m le kade njé ke Nube tɔr de unde de se ninn de undei kem̂ de dènn’t. Kule ke Krist ule’m nga, è tede kade njè ke Nube tɔr de geri ngarankum tà ke uwe made nan se kile koje dè Nube’t a tɔ.

Tite 3:2

Olé kem̂ de le kade ei njé taje nduge lé a, njé ɓeekosge lé a tɔ. Nè maje kade ei njé tam tà se ndu noje a, ei njé kaw lom-lom ra dooge’t malang a tɔ.

Jacques 1:17

Nyan kade noje ke maje se nyan kunde njage ke maji ɔri njêt nga in-in dɔ danrán ra Bɔ jéi Nube ke njè kunde kàde se kɔnyonge. Nube nga tur hal’n rang lé a, loo ke rann’t tel tuge ndul ndɔ karé bè lé a tɔ.

1 Pierre 3:15

Krist kuwe karé bere á è Kuwe-ɓee le si. Undei nin se ninn’n dè ɓengre si’t. Uwei dè nja ra si le kade nanan ke deje sei tà ɔje dè kundekem̂ tchên’t le si ɓaa, ɔri gir adi nin.

1 Jean 5:16

Loo ke doo an ngokon’n ndi ra kaiya karé ke aw se’n loo yo’t lé ɓai ɓaa, maje kade deje Nube le kade ade ngokon’n nè nga ndi kumgajer. Tà nè nga ɔje dè njé ke rai kaiya ke aw se de loo yo’t lé ɓai. Kaiya karé ke aw se doo loo yo’t tò tutu. Kaiya ke titeke bè nga, man m’ede sei kade ɔji tà se Nube tede lé.