2 Timothee 2:24 - Nouveau Testament en Gulay 2004

²⁴ Gar-gar, ɓer kule le Kuwe-ɓee à è njè ɓeekos lé; nè gar-gar à è njè kaw lom-lom ra dooge’t malang. Gar-gar à è njè ger gos ndó dooge nyan a, njè koré tà’n njak dè kem̂ majelé’t le njé ke rang a tɔ.

2 Timothee 2:24 ပူးပေါင်းရင်းမြစ်များ

Matthieu 12:19

A è njè kɔl nan se doo kade ndu’n ɓar beng-beng lé a, doo à oo ndu’n se ka-rebege lé a tɔ.

Jean 6:52

Juipge naji nan tà ngain dann de’t edi nè: – Ké n’ee nga n’asekum kade jèi danrayé kade j’usei titeke bain wa?

Nyanra Njekawkulege 15:2

Paul se Barnabas ndigi se de dè tà’t nè nga lé a, naje se de tà ngain a tɔ. Gir’n ke nè á, d’ɔr’n Paul se Barnabas a, se njétaakêm-Kristge ke nange ke rang kade awi kêm ɓee-bò ke Jérusalem ingei njékawkulege se ngatɔgege ɔji se de tà dè tà’t nè nga.

Nyanra Njekawkulege 23:9

Dé kɔl nan heyei. Njékɔrgir gute-ndu ke nange ke ei dann Pharisienge ɔsi nang in-in naji tà nè nga utei mbeng-mbeng edi nè: – Doo nè nga, jè j’an majelé karé ke è ra lé. Bainléa è ndil éké è doo ke danrán karé á ede’n tà, jè ger lé.

Nyanra Njekawkulege 7:26

Barè lookar’n, Moise an ngakonnge ke ei Israelge kuwe joo mbak ndai à rɔi nan. E aw gɔr de ede nè: «Sei sei ngakon nange, ké bain á sei kuwe i ndai i rai nan majelé titeke bè wa?»

2 Nje Ke Corinthe 10:1

Man Paul kuwe, m’ndeje sei se go ndu noje a, se go kêm-maje le Krist a tɔ. Man nga, dooge ke nange tami se’m edi nè: loo ke m’nda tàkum si’t ɓaa, m’ee doo ke sɔl lom-lom; nè loo ke m’goto dann si’t ɓaa, m’ee njè tà tur.

2 Nje Ke Corinthe 10:4

Nyankatege ke jè ra’n rɔ nga ei le danra lé. Nè ei nyankatege ke gangi ke in-in ra Nube’t. Jè j’ɔrè ndogo bɔrge nang bɔrɔr-bɔrɔr se nyankatege nè nga.

2 Nje Ke Corinthe 6:4

Nè se loo malang jè tɔje ra jé j’ade dooge an-in jè ke ngann njékulege le Nube. Gir’n ke nè á j’oré’n tà jé nják-nják dè nyantosowurge se dè nyan ke nal jè a, se dè nyan ke ra jè ɓel a tɔ.

Nje Ke Galatie 5:22

Kann nyan le Ndil á tò nè: Tár nan, ranel, kem̂lom, kem̂kile, kem̂-maje, kem̂-kunde,

Nje Ke Ephese 4:2

Ulei dè si adi nan a, awi lom-lom dann nan’t a, ilei kem̂ si pon dè nan’t a, oréi tà si njak dè nan’t se go tár ke Krist tár jèi.

Nje Ke Philippes 2:14

I rai nyan malang anje murin tà a, anje naje se ra si dè’t a tɔ.

Nje Ke Philippes 2:3

I rai nyan karé bè géa se go jang éké tede riɓar ke raikarè nga lé. Nè an-in njé ke rang ke dooge ke bòi dumi sei se go kule dè kade nan le si.

Nje Ke Colosses 3:13

Ilei kem̂ si pon dè nan’t. Ke nè á doo karé dann si sei’t aw se tà ke asekum kade in’n se made’n se tà géa, adi kem̂ si tin mbit dè nan’t. Adi kem̂ si tin mbit dè nan’t titeke Kuwe-ɓee ade kem̂’n tin’n mbit dè si’t nga tɔ.

1 Nje Ke Thessalonique 2:7

Kerɔte kuwe, j’asekum kunde nyankoto ke wɔi dè si’t le kul’n ra jé tede k’ee ke njékawkulege le Krist bè lé. Nè ndɔ ke jè ndi lom dann si’t asenan se kon ngannge ke tɔse kum’n dè ngannenge’t maje oto’n de bè.

1 Timothee 6:11

Nè i doo le Nube nga, ute rai mbeng kɔke dè nyange’t nè. I tel ɔr nja nyanra ke se dè naje’n a, ɔr nja kile koje dè Nube’t a, ɔr nja kundekem̂ a, ɔr nja tár nan a, ɔr nja koré tà njak a, ɔr nja kaw lom-lom a tɔ têr-têr.

Tite 1:1

Man Paul ɓer le Nube se njèkawkule le Jésu-Krist. Man nga Krist ule’m le kade njé ke Nube tɔr de unde de se ninn de undei kem̂ de dènn’t. Kule ke Krist ule’m nga, è tede kade njè ke Nube tɔr de geri ngarankum tà ke uwe made nan se kile koje dè Nube’t a tɔ.

Tite 1:7

Njèkan dè njékebe nange le Nube nga, gar-gar à è doo ke tà karé géa uwe dè’n lé tede è njèkan dè nyange le Nube. Gar-gar, doo ke njèkan dè njékebe nange le Nube à è doo ke njè kede yer éké njè ra wong lé, à è njè ra ɓer le yibe éké njè ɓeekos lé éké à è njè ra ɓer le nyankinge ke se dè naje’n lé lé.

Tite 1:9

Njèkan dè njé kebe nange le Nube nga, gar-gar à è doo ke njè nda njáng dè ngarankum tà ke uwe made nan se nyan-ndó ke maje ke ndɔ ke dé ndó’n. Titeke bè á è à kasekum kin’n se njé kɔse tà tànn’t mbeng-ge dè tà’t a tɔ.

Tite 3:2

Olé kem̂ de le kade ei njé taje nduge lé a, njé ɓeekosge lé a tɔ. Nè maje kade ei njé tam tà se ndu noje a, ei njé kaw lom-lom ra dooge’t malang a tɔ.

Jacques 1:1

Man Jacques, ɓer kule le Nube se Kuwe-ɓee Jésu-Krist, m’ndang magtub nè m’ade girkàge le Israel ke dɔg-gidé-joo ke yali nan karé-karé m’ra’n de lapya.

Jacques 3:17

Nè kumkunju ke in danrán nga à ade doo unju nyang-nyang a, à ade doo à ee’n njèkem̂lom a, njè kaw lom-lom a tɔ. Kumkunju ke in danrán nga à ade doo à è njè kile koje a, kem̂kanm à taa ra’n pel-pel a, à è njè ra nyan ke maje a, à è njè kum tà go doo karé’t lé a, à è njèkede gos lé a tɔ.

Jacques 4:2

Sei ndingei nyan nè ingei lé. Loo ke sei ndingei nyan á ingei lé ɓaa, i teli i rai kem̂kein a, i rai jang se nan a tɔ. Nè né è bè géa sei asi kingei nyan ke i ndigei nga lé. Sei i kɔli nan a, i tin-in nan a tɔ. Sei kɔi nyan nè ingei lé tede i kɔi Nube se go rebe’n lé.

1 Pierre 3:8

I ndigi tà go nan’t malang a, unni kum si dè nan’t lé a, i ndigi nan tite ngakon nange bè a, i rai kem̂kanm se nan a, ulei dè si adi nan a tɔ.

Jude 1:3

Kotárge le’m, m’in kalang m’ndang magtub nè m’ade sei ɔje dè kaje le jéi ke j’orèi nan dè’t nga. Gar-gar è tà le’m le ndang magtub kade sei kule’n dingem kem̂ si’t tede kade i rai rɔ dè kundekem̂’t. Kundekem̂ nga Nube ade njétaakem̂-Kristge nja karé bere ke ngang’n.