2 Timothee 2:22 - Nouveau Testament en Gulay 2004

²² Ute rai mbeng kɔke dè ngur nyange ke ra basa madige ke rang. I tel ɔr dè nja nyanra ke se dè naje’n, se dè nja kundekem̂, se dè nja tár nan. Ɔr dè nja kem̂lom se njé ke ɓari ri Kuwe-ɓee se ngarankem̂ de ke unju nyang-nyang.

2 Timothee 2:22 ပူးပေါင်းရင်းမြစ်များ

Nyanra Njekawkulege 7:59

Loo ke d’ade tile Etienne se kuberi her le tɔl’n ɓaa, è non ɓar Kuwe-ɓee ede nè: – Kɔkrɔ karè, Kuwe-ɓee Jésu, i taa ndil’m ke rai’t.

Nyanra Njekawkulege 9:14

Maw njékuje nyan-mesege unni ndu de adii le kade tuwe dooge malang ke ɓari rii le tɔ de. E ke nè á è gir ree le’n.

Nje Ke Rome 14:17

Kerɔte kuwe, konɓee le Nube nga tò tede nyankuse éké nyankain lé. Konɓee le Nube nga tò ɔje dè nyanra ke se dè naje’n a, se kêmlom a, se ranel ke Ndil-Kêmnda ade jèi.

Nje Ke Rome 14:19

Titeke bè, adi jè sangi go nyange ke à reei se kêmlom dann jéi’t. Adi jè sangi go nyange ke à ade kundekêm le jéi à ra’n tɔge ke kété-kété a tɔ.

1 Nje Ke Corinthe 1:10

Ngakonmge, m’ndeje sei se ri Kuwe-ɓee le jéi Jésu-Krist le kade umi tà go nan’t karé. Adi kɔr kum nan goto dann si’t. Umi tà le si nan’t a, adi tàgir le si è karé a tɔ.

1 Nje Ke Corinthe 1:2

jè ndang magtub nè j’ade njékebe nange le Nube ke ndii kêm ɓee-bò ke Corinthe. Jè ndang magtub nè nga j’ade sei ke i tooi se ninn si takul kum ke umi nan’t bɔk se Jésu-Krist. Sei nga Nube ɓar sei kade sei dooge le’n ke i tooi se ninn si. Magtub nè nga, jè ndang j’ade dooge malang se kêm ɓee-ɓee ke ɓari ri Kuwe-ɓee le jéi Jésu-Krist. Jésu-Krist nga è Kuwe-ɓee le de a, le jéi jèi a tɔ.

1 Nje Ke Corinthe 10:14

Gir’n ke nè á, kotárge le’m, i gangi kɔte nyange ke dé polé’n magege’t nga lé.

1 Nje Ke Corinthe 14:1

Ɔri nja kunde nan dann kum nan’t têr-têr. Adi ngur nyan-noje ke ɔje dè Ndil-Kêmnda á ra sei pênn-pênn, nè adi ngur ribe dè tàge ke tà Nube’t á ra sei dum nyan-nojege le Ndil ke rang.

1 Nje Ke Corinthe 6:18

Utei ra si mbeng dè tò se nan ke kaiya’t. Majelé ke rang ke rara ke doo ra nga, è gide rann’t nata. Nè doo ke inye ra’n nyein dè tò se nan ke kaiya’t ɓaa, è kuwe ra majelé se danra’n.

1 Timothee 1:14

Oiyo, Kuwe-ɓee le jéi ra se’m kem̂-maje ke bò: è ade m’unde kem̂ dènn’t tede tár ke Jésu-Krist tár’m ade m’um se’n nan’t bɔk a tɔ.

1 Timothee 1:5

Gir ndukunn nè nga è le kɔse gir tár nan se kem̂nda káng ke in dè tàgir ke maje ke kem̂’t se dè kundekem̂ dè Nube’t ke get nal kede gos kade ra tɔge ke kété-kété.

1 Timothee 2:8

M’lanm lé; è Nube kuwe ɔr’m unde’m ke njèkile mber le’n. Man m’ndige le kade dingemge ɔyi ji de ke unju nyang-nyang ke danrán ɔji tà se Nube se loo malang se kem̂nda káng anje ra wong se naje tà.

1 Timothee 4:12

An tá nè kade doo karé bè géa nedi tede k’ee ke i basa. Nè i tel i nyan-ndaje kum le njétaakem̂-Kristge se tà tami, se pa njiyei, se tár lei, se kundekem̂ lei a, se ra kunju nyang-nyang lei a tɔ.

1 Timothee 6:11

Nè i doo le Nube nga, ute rai mbeng kɔke dè nyange’t nè. I tel ɔr nja nyanra ke se dè naje’n a, ɔr nja kile koje dè Nube’t a, ɔr nja kundekem̂ a, ɔr nja tár nan a, ɔr nja koré tà njak a, ɔr nja kaw lom-lom a tɔ têr-têr.

Hebreuge 12:14

Uwei ra si mong le ndii se kem̂lom se dooge malang. Awi kum si ke kété-kété le k’eei dooge ke tooi se ninn de gai. Ke nè á è bè lé ɓaa, doo karé bè géa à an Kuwe-ɓee se kum’n ndan lé.

1 Pierre 2:11

Kotárge le’m, sei tooi asinan se njé nanmge a, se mbage ke ndii dè nang nè. M’ndeje sei kade ɔgi ra si dè ngur nyange le danra ke ndi à rɔ se ngarankum ra si.

1 Pierre 3:11

Maje kade ute ra’n mbeng dè nyanrage ke majelé’t, tel ra nyan ke maje se ndɔ’n-ndɔ’n. Maje kade sang kem̂lom a, ɔr dè nja’n têr-têr a tɔ.

3 Jean 1:11

Kotár le’m, i ndaje nyanra ke majelé lé, nè i ndaje nyanra ke maje tá. Doo ke ra nyan ke maje nga è le Nube. Doo ke ra nyan ke majelé nga an Nube lé.