2 Timothee 2:21 - Nouveau Testament en Gulay 2004

²¹ Ke nè á doo karé an go ra’n sêw-sêw ɔje dè nyange ke m’tam tà’n nè nga ɓaa, à tò kasenan se jó ra ngar kule ke tò se ninn’n gai ke rara ke kuwe’n uwe dè nja unde konn le ra’n kule ke maje.

2 Timothee 2:21 ပူးပေါင်းရင်းမြစ်များ

Nyanra Njekawkulege 9:15

Nè Kuwe-ɓee tel ede Ananias ede nè: – Aw, tede doo nè nga è nyan ra kule ke man m’ɔr’n le kade unn ri’m ase’n loo non dooge ke ei Juipge lé a, se non ngar-ɓeege a, se non kos ngann Israelge a tɔ.

1 Nje Ke Corinthe 5:7

Ɔri se-pululu ke mari ra si’t kɔke tede kade i teli sei nduju ke kige ke anje pululu. Sei sei nduju ke anje pululu nga ɓá ta. Kerɔte kuwe, sei sei nduju ke anje pululu tede Krist ke è ngonn bate ra nan Paque le jéi nga dé tɔl’n ɓá.

2 Nje Ke Corinthe 7:1

Ngakonmge, Nube kuwe unn ndu’n ade jèi titeke bè. Bè ɓaa, ade j’utei ra jéi mbeng dè nyange malang ke mine le danra a, le tàgir a tɔ. Adi jè tooi se ninn jéi tede jèi dooge ke jè ɓeli Nube.

2 Nje Ke Corinthe 9:8

Nube aw se tɔgmong le kade sei nyange malang kade taa ra si pel-pel se ndɔge-ndɔge. Titeke bè á sei a kunni tà nyange malang ke tò ra si’t ram-ram kuwei noje se njé ke rang.

Nje Ke Ephese 2:10

Jèi, jèi dookundege le Nube. E Nube kuwe unde jèi se go kum ke j’um nan’t bɔk se Jésu-Krist tede kade jè rai nyanrage ke maje. Nyanrage ke maje nga Nube uwe dè nja de kété kade jè rai se ndɔ jéi, ndɔ jéi.

1 Timothee 6:11

Nè i doo le Nube nga, ute rai mbeng kɔke dè nyange’t nè. I tel ɔr nja nyanra ke se dè naje’n a, ɔr nja kile koje dè Nube’t a, ɔr nja kundekem̂ a, ɔr nja tár nan a, ɔr nja koré tà njak a, ɔr nja kaw lom-lom a tɔ têr-têr.

2 Timothee 2:16

Tà najege ke raikarè ke uwei made nan se kundekem̂ lé nga, ute de mbeng kɔke. Tede njé naje tàge ke raikarè nè nga utei Nube mbeng kum de ke kété-kété.

2 Timothee 2:20

Kem̂ kei ke bòi nga, jó ke dé ra se nar-ɔr se nar-nda à tooi kem̂é se kar de lé. Nè jó kage se jó hanje géa tooi kem̂é tɔ. Jó nar-ɔr se jó nar-nda nga tooi tede ngar kule, jó kage se jó hanje tooi tede kule ke karè ke se ndɔ karé-karé.

2 Timothee 3:17

Titeke bè á doo le Nube à maje’n kɔr’n njêt, à uwe’n dè nja ra’n le ra’n nyange ke maje ke se ri de-ri de malang.

2 Timothee 4:11

Luc kuwe se kar’n luk-luk á nain se’m ɗarinè. Loo ke a i ree ɓaa, ade Marc ree sei nan’t tede è ra se’m ngain dè kule’t.

Tite 3:1

Olé kem̂ njétaakem̂-Kristge malang le kade ulei dè de adi njékɔr non dege se njékonɓeege nga gar-gar. Olé kem̂ de le kade d’ile koje dè de’t a, le kade rai nyan ke maje se ndɔ karé-karé malang.

Tite 3:14

Maje kade njétaakem̂-Kristge ke ɓéee le jéi jèi géa ndói ra kulege ke maje se ndɔ karé-karé. D’a ra titeke bè le kinge’n nyange ke le ra’n se njé ke nyan nal de. Loo ke ei ndii se dè de dɔ ɓai nga, ke nè á ei rai se njé ke nyan nal de ɓaa, kann de a tò.

Tite 3:8

Tà nè nga, è tà kerɔte. Man m’ndige kade oré kage dè tà’t nè nga tede kade njé ke undei kem̂ de dè Nube’t awi kum de ke kété-kété dè kule rage ke maje’t. Tà nè nga è Tà ke Maje ke à ra se dooge malang.

1 Pierre 1:22

Koje ke sei ilei dè ngarankum tà’t nga á i telii sei dooge ke unji nyang-nyang le tár’n njétaakem̂-Kristge se kem̂nda káng. I tári nan ngain dè ɓengre si’t.

1 Pierre 1:7

Nyantosowurge nè nga nan-in kundekem̂ le si ke gate’n dum nar-ɔr ɓai nga le kan, ké kundekem̂ le si nga è kundekem̂ ke get kuwe wa? Nar-ɔr è nyan ke à tuju a, à goto ɓai a tɔ. Nè nè bè géa, d’ule poro dé nan’n d’an. Kundekem̂ le si nga géa d’ade nan’n le kan tɔ. Ke nè á è kundekem̂ ke get ɓaa, d’a pite’n sei a, a ingei ndubra se riɓar a tɔ, ndɔ kunde loo tee pan’t le Jésu-Krist.

1 Jean 3:3

Nanan ke unde kem̂’n tchên dè Krist’t ɓaa, maje kade ade ra’n unju nyang-nyang titeke Krist géa ade ra’n unju’n nyang-nyang bè tɔ.