2 Timothee 2:2 - Nouveau Testament en Gulay 2004

² Nyange ke ndɔ ke i ndó ram’t tàkum njékɔrgo tàge’t bule nga, inye tà’n ji dingemge’t ke ei ke maje kojege ke asi ndói dooge ke rang.

2 Timothee 2:2 ပူးပေါင်းရင်းမြစ်များ

Matthieu 13:52

Jésu ede de ede nè: – Gir’n ke nè á njèkɔrgir gute-ndu ke rara ke ndó nyange ke ɔje Konɓee ke danrán ɓaa tò asenan se kuwe-kei ke ɔr nyanbawge le’n ke kige se ke konn unde nata.

Matthieu 24:25

Gir’n ke nè á man m’ede’n sei tà nyange nè nga kété kade ooi.

Tà ke Maje ke Luc ndang 12:42

Kuwe-ɓee tel deje Pierre ede nè: – Bè ɓaa, ké nan è ngonn njèndi ke gang tchat ke maje kule wa? E è ke kuwe’n à ɔr’n kunde’n ke njèkan dè ngann njéndi madennge’t, kade nobo de nyankuse ke ɔje dè de-dè de se kàde’n a, se ndɔ karé-karé malang a tɔ.

1 Nje Ke Corinthe 4:2

Nyan karé ke dé sang ra njèkan dè nyange’t nga, è le kade ra kule ke Nube um jinn’t nga se ngang’n lêr-lêr.

2 Nje Ke Corinthe 2:14

Nube ke njè kade j’unn banga se ndɔge malang takul kum ke j’um nan’t bɔk se Krist nga, m’ra’n oiyo ngain. Nube ade j’aw j’ile mber Tà ke Maje se loo malang j’ade dooge geri gel Krist. Gel’n ke dé ger nga tò asenan se wubu ke ɓusu’n ete maje taa loo pel-pel.

2 Nje Ke Corinthe 3:5

Jè se dè ra jé j’asekum ra nyan karé bè géa lé. Nè Nube á è njè tel jè ke dooge ke asi rai nyan kade’n.

Nje Ke Colosses 1:7

Epaphras ɓer kule le Jésu-Krist made jé ke jè tár’n ngain ndó sei Tà ke Maje nè nga kété ɓá. E ngonn njèkule le Krist ke get tede tà le si.

1 Timothee 1:12

Kuwe-ɓee le jéi Jésu-Krist ke ade’m tɔg’m nga, m’ra’n oiyo. M’ra’n oiyo tede è an’m ke doo ke ase kade um kem̂’n dèm’t á unde’m dè kule’t le’n.

1 Timothee 1:18

Ngonn’m Timothée, m’unn ndu’m m’adi se go tàge ke tà Nube’t ke dé tam d’ɔje’n dèi kété mari nga. Maje kade tàge nè nga adi nin tɔgi kade i ra’n rɔ maje

1 Timothee 4:14

Nyan-noje ke Ndil-Kem̂nda uwe’n sei noje nga i tɔse kumi dè’t maje. Nyan-noje nè nga ndɔ ke inge se go tà ke in tà Nube’t loo ke ndɔ ke ngatɔgege kebi nan ilei ji de dèi’t.

1 Timothee 4:6

I tee se nyange nè i ndó njétaakem̂-Kristge ɓaa a i ngonn njèndi ke maje le Jésu-Krist kuwe. Titeke bè á d’a d’an-in ke doo ul ra’n se tàge ke ɔje dè kundekem̂ dè Nube’t. Taɓai d’a d’an-in ke doo ke unn go nyan-ndó ke maje nga nè nga têr-têr.

1 Timothee 5:22

In kalang ile ji dè doo’t tede kum’n kule kɔr non njékebe nange le Nube jinn’t lé. Um nan’t se doo ke rang dè majelége’t le’n lé. I kuwe an go rai sêw-sêw.

1 Timothee 6:12

I ra rɔ maje dè kundekem̂’t lei, i keke jii dè ndikumgajer ke se non ke Nube ɓari tede nga kek-kek. Ndikumgajer ke se non nga, kété i ɔrgo tà’n maje ngain tàkum njékɔrgo tàge’t bule.

2 Timothee 3:10

Nè i ɓaa, i unn go nyan ndó le’m, pa njiye’m, nyan ke m’ɔje le ra, kundekem̂ le’m, kilekem̂ le’m, tár le’m, se korè tà njak le’m nga têr-têr.

2 Timothee 3:14

Timothée, i ɓaa, i liger lagr-lagr dè nyange ke ndɔ ke i ndó a, um kem̂i dè’t bɔk-bɔk. Dooge ke ndɔ ke ndói nin nyange nè nga, i ger de mbak.

Hebreuge 2:17

Gir’n ke nè á, gar-gar Jésu tel tanan se ngakonnge tcha-tcha dè nyange’t malang tede kade tel ee’n maw njèkuje nyan-mese le Nube a, taɓai è njè kem̂kanm ke dooge asi kundei kem̂ de dènn’t tede kase ke è ase kɔr se-kaiyage le kosdooge malang kade taai kum Nube kerɔte.