2 Timothee 2:19 - Nouveau Testament en Gulay 2004

¹⁹ Nè né è bè géa, gir nyange ke Nube kuwe unde nga ngiring nang ngiring-ngiring. Gir nyange ke Nube unde nga, è kuwe ndang tàge nè dè’t se ji’n ede nè: «Kuwe-ɓee ger njé ke ei le’n mbak. Nanan ke ede nè n’ee le Kuwe-ɓee ɓaa, gar-gar à ute ra’n mbeng kɔke dè nyanra ke se dè naje’n lé.»

2 Timothee 2:19 ပူးပေါင်းရင်းမြစ်များ

Matthieu 24:24

Njé tête tà kunde tà Krist’t se njé tête tà kunde tà Nube’t à undei loo teei. A rai nyankɔbege se nyanpindege ke tooi ɓel tede le kade bainléa súii njé ke Nube tɔr de kuwe géa tɔ.

Matthieu 28:19

Awi, i teli dooge malang ke ei Juipge lé ke njékuwe-girmge. Ulei de manné njonm se ri Bɔ’m a, se ri Ngonn a, se ri Ndil-Kêmnda a tɔ.

Matthieu 7:23

Kêm ndɔn’t nè nga, m’a kede de ndàt kede nè: «Ma m’ger sei ndan lé. Ɔti tam’t ke rang, sei njékaltàge se ndɔ si-ndɔ si.»

Matthieu 7:25

Ndi ede ndài-ndài a, mann ule gangang-gangang gir kei’t nè a, nel bò ule mbin-mbin ɔje dè kei nè nga a tɔ. Nè kei nè nga oso lé tede d’unde gir’n dè kuberi herge’t.

Marc 12:16

Dé ree se nar kule ke ndɔ karé nga d’ade Jésu an. E deje de ede nè: – E ndil dè doo se ri doo ke dé ndang tu sile’t nè nga, ké ɔje dè nan wa? Dé tel d’ile’n dè’t d’ede nè: – E ndil dè César a, è ri César a tɔ á dé ndang tutu.

Marc 13:22

Tede njé ra ra de ke Krist se njé ra ra de ke njéribe-dè-tàge ke tà Nube’t à ɔsi nang kin-in. Ei à rai nyankɔbege le kade bainléa libi kum njékêmndage ke Nube tɔr de.

Tà ke Maje ke Luc ndang 13:27

Kuwe-kei nè nga à tel kile sei dè’t kede nè: «Man m’ger sei lé, ɔti tàm’t kɔke sei malang ke njé ra nyan pás-pàsge.»

Tà ke Maje ke Luc ndang 6:48

Doo karé ke njèkunde kei ke nder bolè ade heb ɗak ɓaa, è um kuberi herge tutu ɓita unde gir kei le’n dè’t dɔ mbeng ɓai. Loo ke ndi ede ndài-ndài ade mann’n ule loo gangang-gangang gir kei’t nè nga. Nè kei nè nga yei lé, tede njèkunde’n unde maje.

Jean 10:14

Man m’ee njèkul batege ke get. Man m’ger batege le’m a, batege le’m géa geri man a tɔ.

Jean 13:18

Tà ke m’tam nè nga m’ɔje’n dè si malang lé. Njé ke man kuwe m’tɔr de nga m’ger de mbak. Nè nyan nè nga tee titeke bè tede kade tà ke Magtub ke tò se ninn’n tam ede nè: «E ke use se’m mapa nan’t nga kuwe à tel kɔr nja’n kube’m» nga, aw loon’t deĵ.

Jean 3:33

Doo ke taa kɔrgo tà le’n ɓaa, ndige se’n titeke Nube tam ngarankum tà kuwe.

Nyanra Njekawkulege 11:26

Loo ke Barnabas inge’n ɓá ɓaa, è ree se’n Antioche. Ase ɓal karé deri, Barnabas se Saul rai kule nan’t se njékebe nange le Nube ke Antioche ɓeekon ke Syrie. Ei ndói doobulege nyan ase tà’t. Antioche nga è loo ke kété desêin dooge ɓari njékuwe-gir Kristge «njétaakêm-Kristge» tutu.

Nyanra Njekawkulege 15:17

Unn gir’n kêm ndɔn’t nè ɓaa, kalè dooge à sangi Kuwe-ɓee, oiyo, titeke bè á dooge malang ke ei Juipge lé ke unni ri’m nga à teli kosdooge le’m.

Nyanra Njekawkulege 9:14

Maw njékuje nyan-mesege unni ndu de adii le kade tuwe dooge malang ke ɓari rii le tɔ de. E ke nè á è gir ree le’n.

Nje Ke Rome 11:2

Dooge ke Nube tɔr de kété mari ke desêin nga à mbate de ndan lé. Tà ke Magtub ke tò se ninn’n tam ɔje’n dè Elie nga, sei i geri mbak. Eli, njèribe-dè-tà ke tà Nube’t nga, ndɔ ke ile tà dè kosdooge ke Israel, non’n ra’n non Nube’t ede nè:

Nje Ke Rome 12:9

Maje kade tár nan le si è ngarankum tár nan. Ɔri nyan ke majelé njêt. Nè i ligri dè nyanra ke maje’t lagr-lagr.

Nje Ke Rome 15:20

Nè ɓeege ke d’ile mber Tà ke Maje le Krist kêmé d’ade dooge lé ɓai á m’ndige kile mber tutu kade è riɓar le’m. M’ra titeke bè tede m’ndige kunde gir kei le’m dè le doo ke rang’t lé.

Nje Ke Rome 15:9

Krist ra titeke bè le kade njé ke ei Juipge lé ilei riɓar dè Nube’t tede kêmkanm ke è ra se de. Dé ndang kêm Magtub’t le Nube d’ede nè: «Gir’n ke nè á m’a m’ɗɔii dann dooge ke ei Juipge lé a, m’a kɔse pa kile’n riɓar dè ri’t a tɔ.»

Nje Ke Rome 8:28

Jè ger mbak titeke njé ke tári Nube nga, nyan malang ke ra de ɗarinè à tel maje dè de’t ndɔ ke rang ɓai. E Nube á ɓar de se go nyan ke è kuwe ɔje kété mari.

Nje Ke Rome 9:11

Kété ke d’oje ndungege nè lé ɓai nga, Nube ede Rébecca ede nè: «Ngonn ke ngatɔg à ra ɓer le njè ke ndêin. Nube ɔje nyan nè nga kété ɓita kade ngannge nè rai maje éké rai majelé ɓai.

1 Nje Ke Corinthe 1:2

jè ndang magtub nè j’ade njékebe nange le Nube ke ndii kêm ɓee-bò ke Corinthe. Jè ndang magtub nè nga j’ade sei ke i tooi se ninn si takul kum ke umi nan’t bɔk se Jésu-Krist. Sei nga Nube ɓar sei kade sei dooge le’n ke i tooi se ninn si. Magtub nè nga, jè ndang j’ade dooge malang se kêm ɓee-ɓee ke ɓari ri Kuwe-ɓee le jéi Jésu-Krist. Jésu-Krist nga è Kuwe-ɓee le de a, le jéi jèi a tɔ.

1 Nje Ke Corinthe 8:3

Nè ke nè á doo karé tár Nube ɓaa, doo nè nga è kotár le Nube.

2 Nje Ke Corinthe 7:1

Ngakonmge, Nube kuwe unn ndu’n ade jèi titeke bè. Bè ɓaa, ade j’utei ra jéi mbeng dè nyange malang ke mine le danra a, le tàgir a tɔ. Adi jè tooi se ninn jéi tede jèi dooge ke jè ɓeli Nube.

Nje Ke Galatie 4:9

Nè ɗarinè sei geri Nube ɓá tede tár ke è tár sei nga. A ɓaa, ké bain á sei ɔsi wan i teli dè nyan-ndóge ke asi rai se si lé nga taɓai wa? Ké bain á sei ndigi teli rai ɓer le nyan-ndóge nè nga gugu ɓai wa?

Nje Ke Ephese 2:20

Sei nga, dé rɔte sei dè gir kei’t le njékawkulege se njéribe-dè-tàge ke tà Nube’t a tɔ. Jésu-Krist á è kuberi her ke mong dè kum kei’t.

Nje Ke Ephese 3:15

ke girkà ke rara ke danrán éké ke dè nang nè malang ingei ri de ke gete rann’t.

Nje Ke Ephese 4:30

I rai kum Ndil-Kem̂nda ndoo lé. Nube ɔr sei unde sei se ninn’n ke kosdooge le’n takul Ndil-Kem̂nda. E nyankorji ke Nube uje ra si’t le tɔje’n sei titeke à ɔr sei dann kaiyage’t le si njing se non ndɔ ke rang.

1 Timothee 3:15

Ke nè á m’aw m’ingei kalang lé ɓai géa, magtub nè kuwe à tɔji rebe njiye dann njékem̂keige le Nube. Njékem̂keige le Nube ke njèndi kumgajer nga ei njékebe nange le’n; ei kage ngaw-dann kei ke gete ngarankum tà.

1 Timothee 6:19

I ndeje de titeke bè le kade dé kebe nyanbawge d’unde konn loo ke maje’t ke ngiring ngiring-ngiring tede kade ndɔ ke rang d’inge’n ndikumgajer ke get a tɔ.

Hebreuge 11:10

Abraham ndi ngine ɓee-bò ke d’unde gir’n d’ade ngiring ngiring-ngiring. Ɓee-bò nè nga, è Nube kuwe á è njè kɔje gir’n a, njè kunde’n a tɔ.

2 Pierre 3:14

Gir’n ke nè á, kotárge le’m, uwei ra si mong, i ndii i nginei ndɔ le Nube. I rai titeke bè le kade Nube ree inge sei se ra si ke unju nyang-nyang, nal kade tà karé uwe dè si nonn’t. Ke nè á ra si unju nyang-nyang a, tà karé géa uwe dè si nonn’t lé a tɔ ɓaa, a i ndii se’n se kem̂lom kuwe.

1 Jean 2:19

Njé kɔse tà se Krist nga in-in dann jéi’t nè kuwe, nè kété géa ei le jéige lé. Gir’n ke nè á undei loo teei dann jéi’t kɔke. Ke nè á né ndɔ ke ei le jéi ɓaa, né à nain-in se jéi. Nè kunde ke undei loo i teei dann jéi’t kɔke nga, ade jè geri njai titeke ei le jéige ndan lé.

Lookilera’n 17:8

Doo ke danrán nga tel ede’m ede nè: «Dan ke i an’n nga tò tutu kété mari, nè ɗarinè goto ta. A unde loo tee kem̂ be ke son’n goto le kaw ke loo tuju’t. Dooge ke ndii dè nang nè, ke dé ndang ri de kem̂ magtub ndikumgajer’t lé mari loo kunde gir nang’t nga, loo ke à an-in dan nè nga bè ɓaa, tà à ige de sêl. Tà à ige de sêl tede dan nè nga tò tutu kété mari, nè go’t gugu goto njêl. Dan nè nga, ndɔn’t à tel kunde loo tee ɓai.

Lookilera’n 2:13

Loo ke i ndi tutu nga, m’ger mbak, è kutu-ngar le njèkem̂yêr. Kem̂ ndɔn’t ke ndɔ ke dé tɔl’n Antipas, njèkɔrgo tà le’m ke maje kule dann si’t nga géa, ile ri’m nang lé a, i naje se rai dè kem̂i ke unde dèm’t nga lé a tɔ. Loo ke ndɔ ke dé tɔl Antipas tutu nga, njè kem̂ majelé urkei tutu bajaj.

Lookilera’n 21:14

Geng-bɔr le ɓee-bò nè nga, d’unde gir’n dè mbalge ke dɔg-gidé-joo. Dé ndang ri njékawkulege ke dɔg-gidé-joo le Ngonn bate dè mbalge’t nè nga karé-karé malang.

Lookilera’n 22:4

Ɓer kulege le Nube à an-in nin se kum de a, ri’n à tò nat-non de’t a tɔ.

Lookilera’n 3:8

M’ger pa njiyei mbak. An! m’teen tà rebe m’inye wei noin’t. Doo karé bè géa ase kutu tà rebe nè nga lé. Tɔgi è ndêin bè ade m’ger kuwe. Nè né è bè géa ile koje dè tà’t le’m, m i tam ede nè i ger’m lé lé.