2 Timothee 2:18 - Nouveau Testament en Gulay 2004

¹⁸ Dé nè nga d’ute ngarankum tà mbeng dé tam d’ede nè: «Kunde loo tee dann njé ke koo’t le jéi der ɓá ta.» Titeke bè á dé ndonm’n kundekem̂ dè Nube’t le njé ke nange nang ndalang-ndalang.

2 Timothee 2:18 ပူးပေါင်းရင်းမြစ်များ

Matthieu 15:13

Jésu ile de dè’t ede nè: – Kage ke rara ke Bɔ’m ke danrán man’n lé ɓaa, d’ade d’ɔr’n se ngire’n bere ɓarak kile’n kɔke.

Matthieu 22:29

Jésu tel ile de dè’t ede nè: – Sei ndemi uri walé ɓá ta, tede sei geri magtubge ke tooi se ninn de nga lé a, tɔgmong le Nube géa sei geri lé a mbak.

Tà ke Maje ke Luc ndang 8:13

Dooge ke nange taai Tà ke Maje nè nga se ranel. Nè tà nè nga ule ngire’n nang dè ɓengre de’t lé. D’um kêm de dè’t mbɔr nè loo ke nyan unde loo tee nan kundekêm le de ɓaa, ke loon’t nè kuwe dé sure go kundekêm le de d’inye.

Nyanra Njekawkulege 5:39

Nè ke nè á nyan ke ɔji le rai éké ke ndii à rai nè nga in ra Nube’t ɓaa, sei asikum tuju’n ndan lé. An-in! maje nè a kin-in kilei kate kum Nube’t. Njégangtàge malang taai tà le Gamaliel.

1 Nje Ke Corinthe 11:19

Tà tin nan ke tò dann si’t nga, è nyan ke maje tede kade jè geri ngarankum ngann le Nube ke ndai njáng dè Tà ke Maje’t nga.

1 Nje Ke Corinthe 15:12

J’ile mber j’ede nè: Krist unde loo tee dann njé ke koo’t ɓá. A ɓaa, ké bain á njé ke nange dann si’t tami edi nè: «Dooge à undei loo teei dann njé ke koo’t ndan lé» wa?

Nje Ke Colosses 3:1

Sei undei loo i teei se Krist dann njé ke koo’t ɓá. Bè ɓaa, i sangi nyange ke dɔ danran, loo ke Krist ndi tutu dè jikon Nube’t.

1 Timothee 1:19

se kundekem̂ a, se tàgir ke maje ke kem̂i’t a tɔ. Njé ke nange ndɔ ke surei go tàgir ke maje ke kem̂ de’t inyei adi kundekem̂ le de nduii’n mann.

1 Timothee 6:10

Mwei-yo-nar è ngire nyange ke majelé malang. Njé ke nange ke an-in ngɔde go nar’t nga ndemi osoi kɔke heb dè kundekem̂’t le de, uwei nyantosowurge gai-gai ɓuki dè de ei’t kuwe adi wur de ndir’n njàk-njàk.

1 Timothee 6:21

Njé ke nange ke ndigi le teli njé nyangerge ke lanm nè nga ɔsi kundekem̂ le de pat nali. Maje kade kem̂noje le Nube nain se si.

2 Timothee 2:14

Olé kem̂ de dè nyange’t nè nga a, i ndeje de non Nube’t le kade d’inye go naje tà ke raikarè. Tede tà najege ke raikarè nè nga à tuju njé ke ooi tà’n se mbi de.

Tite 1:11

Dooge nè nga, gar-gar maje kade uwe tà de. Dé njé tête tà tchap-tchap ndó dooge ndonm’n de bere mbak nang ndalang-ndalang tede le kinge’n nyan ke nal naje’n.

Hebreuge 3:10

Gir’n ke nè á wong ra’m dè de’t kem̂ ɓaln’t nè ade m’tam’n m’ede nè: Tàgir le de ke dè ɓengre de’t aw yo-yo, nè-nè se ndɔge malang ade geri rebe nyange le’m karé bè lé.

Jacques 5:19

Ngakonmge, ke nè á doo karé dann si’t ndem rebe ngarankum tà, doo karé ase tel ree se’n tu rebe ke maje’t.

1 Jean 2:19

Njé kɔse tà se Krist nga in-in dann jéi’t nè kuwe, nè kété géa ei le jéige lé. Gir’n ke nè á undei loo teei dann jéi’t kɔke. Ke nè á né ndɔ ke ei le jéi ɓaa, né à nain-in se jéi. Nè kunde ke undei loo i teei dann jéi’t kɔke nga, ade jè geri njai titeke ei le jéige ndan lé.