2 Timothee 2:15 - Nouveau Testament en Gulay 2004

¹⁵ Ute rai kalang le kade Nube an-in ke njèkule ke dé nan’n d’an’n ɓá ke ra rasɔl lé, nè kai dooge ngarankum tà se go rebe’n.

2 Timothee 2:15 ပူးပေါင်းရင်းမြစ်များ

Matthieu 13:52

Jésu ede de ede nè: – Gir’n ke nè á njèkɔrgir gute-ndu ke rara ke ndó nyange ke ɔje Konɓee ke danrán ɓaa tò asenan se kuwe-kei ke ɔr nyanbawge le’n ke kige se ke konn unde nata.

Marc 4:33

Jésu unn gostàge ke titeke bè ngain ile’n mber Tà ke Maje le Nube ade dooge malang ade ase dè tɔg de’t.

Tà ke Maje ke Luc ndang 12:42

Kuwe-ɓee tel deje Pierre ede nè: – Bè ɓaa, ké nan è ngonn njèndi ke gang tchat ke maje kule wa? E è ke kuwe’n à ɔr’n kunde’n ke njèkan dè ngann njéndi madennge’t, kade nobo de nyankuse ke ɔje dè de-dè de se kàde’n a, se ndɔ karé-karé malang a tɔ.

Nyanra Njekawkulege 2:22

– Sei dooge ke Israel, i neli mbi si maje ooi tà ke m’a m’ede sei: Jésu ke Nazareth nga sei geri nin ɓá. E doo ke ndɔ ke Nube kuwe ule ji’n njung dènn’t ɔr’n unde’n se ninn’n gai. Nube ade ra nyankɔbege se nyange ke dum kum a, se nyan-tɔjege dann si’t ade i geri ɓá a tɔ.

Nyanra Njekawkulege 20:27

Kerɔte kuwe, m’ɓɔyɔ se si dè nyan karé bè lé, nè nyan malang ke Nube ɔje nga m’ede sei m’ade ooi mbak.

Nje Ke Rome 14:18

Doo ke ra kule ade Krist titeke bè nga taa kum Nube a, dooge malang d’a taa kêm’n a tɔ.

Nje Ke Rome 16:10

Apellès è njètaakêm-Krist ke get, i rai nin lapya adi man. Njékêmkei le Aristobule géa, i rai de lapya adi man.

Nje Ke Rome 6:13

Inyei balkum ra sige adi ei nyan ra kule le nyan ra ke majelé nga lé. Nè tà le kade sei ke i tooi asinan se dooge ke undei loo teei dann njé ke koo’t teli ndii kumgajer bè. Inyei ra si sei kuwe bere mbak adi Nube ke nyan ra kule ke maje.

1 Nje Ke Corinthe 2:6

Nè né è bè géa, Krist kuwe è kumkunju ke j’ile mber’n j’ade njé ke tɔgi dè kundekêm’t le de. Kumkunju nè nga in ra dooge’t éké in ra njékonɓeege’t ke dè nang ɗarinè nè nga lé. Kumkunju ke in ra dooge’t éké ra njékonɓeege’t nga, ndɔ ke rang à undei nang ɓai.

2 Nje Ke Corinthe 10:18

Doo ke an ra’n è kuwe ke nyan nga, è ngarankum doo lé ɓai. Doo ke Kuwe-ɓee kuwe pite’n tá è ngarankum doo ɓai.

2 Nje Ke Corinthe 3:6

E kuwe tel jè ke ngann njékulege ke ɔje dè mann-ra ke kige nè nga. Mann-ra ke kige nga ndune ra’n ra gute-ndu ke dé ndang kêm magtub’t nga lé, nè ndune ra’n ra Ndil-Kêmnda’t. Gute-ndu ke dé ndang kêm magtub’t nga ade doo wei, nè Ndil-Kêmnda ade doo tel ndi kumgajer.

2 Nje Ke Corinthe 4:2

Jè mbate nyan rasɔlge ke ra se go ngein. Jè ra nyan karé le libe’n kum doo lé a, j’ur mann dann tà’t le Nube lé a tɔ. Nè jè tee se ngarankum tà j’ade tò nata ndái-ndái a, j’ɔrgir ra jé njai j’ade dooge malang geri se kêm de non Nube’t a tɔ.

2 Nje Ke Corinthe 5:9

Gir’n ke nè á, loo ke jè ndii dè nang nè ɓai éké loo ke j’à ndɔti ɓee dè nang nè nga, nyan karé ke è ranel le jéi è taa kum Kuwe-ɓee.

Nje Ke Galatie 1:10

Ɗarinè, ké m’aw ndoo taa kum dooge éké m’aw ndoo taa kum Nube wa? Ke nè á m’sang le taa kum dooge karè ɓaa, bainléa ɓila man m’ee le Krist lé ta.

Nje Ke Ephese 1:13

Takul Krist á sei géa ooi ngarankum tà, ke è Tà ke Maje ke aje sei. Takul kundekem̂ ke sei undei kem̂ si dè Krist’t á Nube unde’n nyankorji le’n ke è Ndil-Kem̂nda ra si’t, titeke ndɔ ke è unn’n ndu’n kété mari ade sei nga.

1 Nje Ke Thessalonique 2:4

Nè Nube ter jè njúng ɓita um kule kile mber Tà ke Maje le’n nga ji jé’t ɓai. Jè j’ile mber Tà ke Maje tede taa’n kum dooge lé, nè le taa’n kum Nube ke njè ter ɓengre jé.

1 Nje Ke Thessalonique 5:14

Ngakon jége, jè ndeje sei le kade in-in se njé ke ndii à rai nyange ke pás-pàs. Ulei dingem kem̂ njé kem̂ tête mannge. I geti njé tɔg gotoge a, ilei kem̂ si pon dè dooge’t malang a tɔ.

1 Timothee 4:6

I tee se nyange nè i ndó njétaakem̂-Kristge ɓaa a i ngonn njèndi ke maje le Jésu-Krist kuwe. Titeke bè á d’a d’an-in ke doo ul ra’n se tàge ke ɔje dè kundekem̂ dè Nube’t. Taɓai d’a d’an-in ke doo ke unn go nyan-ndó ke maje nga nè nga têr-têr.

Hebreuge 4:11

Ade jè pabrai loo par-par tede kile nja jéi loo taa kebe’t nè nga. Maje kade doo karé tel è njè dum nan tite kosdooge ke Israel ɔse’n loo taa kebe ke get nè nga pat nal lé.

Jacques 1:12

Doo ke oré tà’n njak dè nyange ke nann’t ɓaa, ra’n à nel’n. Doo ke orè tà’n njak dè nyange ke nan-in nin ɓaa à inge jɔkɔ kunn banga le ndii’n kumgajer. Jɔkɔ kunn banga nga, ndɔ ke Nube unn’n ndu’n le kade njé ke tárii.

Jacques 1:18

E ɔje se go kem̂ndige le’n le kade jèi ndikumgajer takul Tà ke Maje le’n ke è ngarankum tà. Gir’n ke nè á jéi le’n kuwe deri dann nyankundege le’n malang.

2 Pierre 1:10

Gir’n ke nè á ngakonmge, utei ra si kalang ke kété le nda njáng dè ɓar ke Nube ɓar sei’t a, dè kɔr ke è ɔr sei unde sei se ninn si nga a tɔ. Ke nè á i rai nyange nè nga malang ɓaa, nyan karé géa à tuge sei kile sei ndan lé.

2 Pierre 1:15

Nè né è bè géa, m’a m’ute ra’m kalang le kolé kem̂ si se ndɔ karé-karé dè nyange’t nè nga tede kade né m’wei géa, kem̂ si weii’n nal dè nyange’t nè nga ndan lé.

2 Pierre 3:14

Gir’n ke nè á, kotárge le’m, uwei ra si mong, i ndii i nginei ndɔ le Nube. I rai titeke bè le kade Nube ree inge sei se ra si ke unju nyang-nyang, nal kade tà karé uwe dè si nonn’t. Ke nè á ra si unju nyang-nyang a, tà karé géa uwe dè si nonn’t lé a tɔ ɓaa, a i ndii se’n se kem̂lom kuwe.