2 Timothee 2:14 - Nouveau Testament en Gulay 2004

¹⁴ Olé kem̂ de dè nyange’t nè nga a, i ndeje de non Nube’t le kade d’inye go naje tà ke raikarè. Tede tà najege ke raikarè nè nga à tuju njé ke ooi tà’n se mbi de.

2 Timothee 2:14 ပူးပေါင်းရင်းမြစ်များ

Matthieu 16:26

Ke nè á doo karé inge nyan malang ke dè nang nè, nè ile ngarankum ra’n kɔke salang ɓaa, ké ri á è soon’t wa?

Nyanra Njekawkulege 13:10

– An! i ke tà sú se nyanra ke majelé taa rai pel-pel. I ngonn le sú, i njèban le nyanra ke se dè naje’n malang. Rebege le Kuwe-ɓee ke ndai jap nga ke i uwe de i ɗuge de ngong-ngong, ké ndɔ ke ra á i a ebe rai dè’t wa?

Nyanra Njekawkulege 15:24

Jè j’oo titeke njé ke nange in-in dann jé’t awi bunguli sei se tàge ade tàgirge le si aw yo-yo, nè-nè. Dé dooge nè nga, è jè á j’unn ndu jé j’ade de lé.

Nje Ke Rome 14:1

Doo ke tɔg kundekêm le’n goto nga, uwei nin ke ra si’t m i giri tà dènn’t yo ke nè lé.

Nje Ke Galatie 1:7

Ḿ-m̀, Tà ke Maje ke rang karé bè goto. Nè dooge ke nange dé bungul sei karè a, dé ndige tur Tà ke Maje le Krist nga kile gel a tɔ.

Nje Ke Ephese 4:17

Man m’ede sei ndàt se ri Kuwe-ɓee: Maje kade i teli i njiyei tite dooge ke geri Nube lé nga lé ta, tede ei nga njiyei se go tàgir le de ke raikarè.

1 Nje Ke Thessalonique 4:1

Ngakon jége, pa njiye ke le taa’n kum Nube nga sei i ndói ra jé’t ɓá. Kerɔte kuwe, sei rai titeke jè ndó’n sei nga ɓá. Nè né è bè géa, jè deje sei a, jè ndeje sei se ri Kuwe-ɓee Jésu a tɔ, le kade awi kum si ke kété-kété ɓai.

2 Nje Ke Thessalonique 3:6

Ngakon jége, j’unn ndu jé j’ade sei se ri Kuwe le jéi Jésu-Krist: Utei ra si mbeng ra njètaakem̂-Kristge ke rai dabe a, ke mbati kumi kem̂ de dè nyan-ndó ke ndɔ jè ndó de’t nga lé.

1 Timothee 1:4

M’adi i ndi kem̂ ɓee-bò ke Ephèse le kade in se doo ke nange dè liger dè sú tàge’t se dè kɔrgir kàge ke kété-kété anje kunde ngang’n. Kɔrgir kàge ke titeke bè nga oje tà najege m ade nyan ke Nube ɔje le kade doo inge se go kundekem̂ tee kɔde lé.

1 Timothee 1:6

Njé ke nange inyei go nyange nè nga ndemi osoi kɔke se go tà tamge ke raikarè.

1 Timothee 4:8

Ndaje ngire ra è nyan ke maje kuwe, nè maje tede le nyange malang lé. Nè kile koje dè Nube’t ɓaa, maje tede nyange malang. Takul kile koje dè Nube’t nga, j’inge’n kunn-ndu ke ɔje dè ndikumgajer ɗarinè a, kem̂ ndɔge ke à reei ɓai a tɔ.

1 Timothee 5:21

Man m’ndeji tàkum Nube’t a, tàkum Jésu-Krist a, se tàkum dooge ke danrán le Nube a tɔ: an dè nyange nè nga sêw-sêw anje ndête éké kɔr kum doo a tɔ.

1 Timothee 6:13

M’unn ndu’m m’adi non Nube’t ke è ngire ndikumgajer le nyange malang a, se non Jésu-Krist’t ke ndɔ ke ɔrgo tà maje ngain tàkum ngar Ponce Pilate’t:

2 Timothee 1:6

Gir’n ke nè á m’olé’n kem̂i le kade i tel ule por gir nyan-noje ke Nube adi loo ke ndɔ ke m’ile’n ji’m dèi’t nga.

2 Timothee 2:16

Tà najege ke raikarè ke uwei made nan se kundekem̂ lé nga, ute de mbeng kɔke. Tede njé naje tàge ke raikarè nè nga utei Nube mbeng kum de ke kété-kété.

2 Timothee 2:23

Tà naje neng-neng ke raikarè nga, ute de mbeng kɔke. I ger mbak titeke tà najege nè nga à oji rɔ nan.

2 Timothee 4:1

M’ndeji non Nube’t se non Jésu-Krist ke à tel ree le gangtà dè njé ke ndii kumgajer se njé ke weii. Kerɔte kuwe, Krist à unde loo tee pan le kon ɓee. Gir’n ke nè á m’ndeji se tà nè:

Tite 3:1

Olé kem̂ njétaakem̂-Kristge malang le kade ulei dè de adi njékɔr non dege se njékonɓeege nga gar-gar. Olé kem̂ de le kade d’ile koje dè de’t a, le kade rai nyan ke maje se ndɔ karé-karé malang.

Hebreuge 13:9

Inyei loo adi njéndó dooge nyan ke se ri de-ri de ke rang libi kum si lé. Nyan ke soo’t ɓaa, è noje ke Nube uwe se jéi á ule dingem kem̂ jéi’t m è ndukunnge ke ɔje dè nyankusege lé. Nè dooge ke ilei koje dè ndukunnge ke ɔje dè nyankuse nè nga, nyan karé ke è soo de’t tutu goto sár.

2 Pierre 1:13

M’an titeke è nyan ke kum ra kuwe. Loo ke m’ndi se ndi kumgajer dè nang nè ɓai nga, m’a m’olé kem̂ si dè nyange’t nè nga kuwe.