2 Timothee 2:11 - Nouveau Testament en Gulay 2004

¹¹ Tà nè nga è tà kerɔte kuwe: «Ke nè á j’weii se Jésu-Krist nan’t ɓaa, j’à teli ndii kumgajer se’n nan’t tɔ.

2 Timothee 2:11 ပူးပေါင်းရင်းမြစ်များ

Jean 14:19

Mbɔr ɓaa dooge ke dè nang nè à teli kan-in man gugu ndan lé ta. Nè sei ɓaa, a an-in man tede m’ndi kumgajer, sei géa a i ndii kumgajer a tɔ.

Nje Ke Rome 6:5

Ke nè á j’umi se’n nan’t bɔk dè kwei’t le’n ɓaa, j’à j’undei loo teei titeke ndɔ ke unde’n loo tee’n dann njé koo’t nga bè tɔ.

Nje Ke Rome 6:8

Ke nè á j’weii se Krist nan’t ɓaa, j’undei kêm jéi titeke j’à ndii kumgajer se’n nan’t tɔ.

2 Nje Ke Corinthe 13:4

Kerɔte kuwe, Krist nga dé ɓer’n kàde kage-ke-dese’t tede tɔg goto le’n. Nè né è bè géa, è tel ndikumgajer takul tɔgmong le Nube. Jè géa, jè njéyaige tite’n tede kum ke j’um se’n nan’t bɔk. J’à tel ndikumgajer se Krist takul tɔgmong le Nube titeke sei kuwe an-in ɗarinè.

2 Nje Ke Corinthe 4:10

J’oto nyankêmkonge le Jésu dè jé’t se ndɔge malang tede kade d’an’n ndikumgajer le’n ke tò nata ndái-ndái ra jé’t tɔ.

1 Nje Ke Thessalonique 4:17

Jéi ke j’à ndii kumgajer dè nang nè sár ndɔ tel ree le Krist nga, d’ade koto jèi kalu-kalu se de nan’t kaw se jéi dann bum’t dɔ danrán nú le kade j’ɔji non Kuwe-ɓee. Titeke bè á j’à nain se Kuwe-ɓee njing.

1 Nje Ke Thessalonique 5:10

Jésu-Krist wei tede jéi, tede kade ke nè á jè ndii kumgajer éké j’weii géa j’umi se’n nan’t bɔk.

1 Timothee 1:15

Tà nè nga è tà kerɔte ke le kade nanan géa taa um kem̂’n dè’t bɔk-bɔk: Jésu-Krist ree dè nang nè le kaje njé ra majelége. Man nga kuwe m’ee ke desêin sàk-sàk le njé ra majelége.

1 Timothee 3:1

Tà nè nga è tà kerɔte kuwe: ke nè á doo karé sang le k’ee njèkan dè njékebe nange le Nube ɓaa, è aw ndoo ngar kule.

Tite 3:8

Tà nè nga, è tà kerɔte. Man m’ndige kade oré kage dè tà’t nè nga tede kade njé ke undei kem̂ de dè Nube’t awi kum de ke kété-kété dè kule rage ke maje’t. Tà nè nga è Tà ke Maje ke à ra se dooge malang.