2 Timothee 1:9 - Nouveau Testament en Gulay 2004

⁹ E Nube kuwe aje jèi a, ɓar jèi le kade jèi dooge le’n ke tooi se ninn de a tɔ. Ɓar ke è ɓar jèi nga è se go kule ra jéige lé, nè è se go nyan le’n ke è kuwe ɔje kem̂n’t kété mari se go kem̂-maje le’n. E noje ke è uwe se jéi karè kété mari ɓita unde gir nyange takul kum ke j’umi nan’t bɔk se Jésu-Krist.

2 Timothee 1:9 ပူးပေါင်းရင်းမြစ်များ

Matthieu 1:21

Ngonn ke dingem ke a oje’n nga, i a kile ri’n nè Jésu. E kuwe á à ɔr kosdooge le’n dann kaiyage’t le de kaje de.

Tà ke Maje ke Luc ndang 10:21

Kêm kàdenn’t nè nga, Ndil-Kêmnda ade ranel rusu kêm Jésu njin-njin ade tam ede nè: – Bɔ’m, i Kuwe-ɓee ke danrán se ke dè nang nè, m’tɔyi tede i ribe dè nyange nè nga ade dooge ke nyanger le de goto, nè njékumkunjuge se njényangerge ɓaa, i ɓɔyɔ se de dè kák. Oiyo Bɔ’m, m’tɔyi tede i kuwe ɔje nyan nè nga titeke bè se go kêmkanm lei.

Jean 17:24

Bɔ’m, njé ke um de jim’t nga, loo ke m’a m’ndi tutu ɓaa, m’ndige kade ndii se’m nan’t tutu tɔ. Titeke bè á d’a d’an’n ndubra ke i ule dèm’t nga se kum de. I tár’m kété mari ɓita unde nang nè ɓai.

Jean 17:9

Man m’ɔje sei tà tede njé ke ei leige ke ade’m se de. Man m’ɔje sei tà tede njé ke dè nang nè nga lé.

Jean 6:37

Njé ke Bɔ’m ade’m se de malang nga à reei ram’t. Doo ke ree ram’t nga, m’a m’ute’n mbeng kile’n nata ndan lé.

Nyanra Njekawkulege 15:18

Kuwe-ɓee ke njè ra nyange malang nè nga kuwe á tam bè. Nyan ke è ra ɗarinè nga, è nyan ke è ɔji rebe’n kété mari ke desêin.»

Nyanra Njekawkulege 2:47

Dé pite Nube a, dé taa kum dooge ɗekm a tɔ. Njé ke ingei kaje nga, Kuwe-ɓee ade kɔr de in dè made’t se ndɔge malang dann njékebe nange’t le Nube.

Nje Ke Rome 11:14

M’unn tà kule le’m titeke bè tá bainléa jang à ra’n ngakonmge ke ei Juipge kade maje’n njé ke nange dann de’t.

Nje Ke Rome 11:29

Dooge ke Nube ɓar de nga, è tel girtà ke rang dè de’t ndan lé a, nyan ke è ade de nga à tel taa ji de’t gugu ndan lé a tɔ.

Nje Ke Rome 16:25

Ade j’ilei riɓar dè Nube’t. E aw se tɔgmong le kule’n dingem kêm si’t se go Tà ke Maje le Jésu Krist ke m’ile mber’n nga. Tà ke Maje nè nga kété mari è nyan ke tò loo ɓɔyɔn’t.

Nje Ke Rome 3:20

Doo karé bè géa Nube à ɔr tà dènn’t tede ra ke è ra nyan ke gute-ndu ɔje nga lé. Gute-ndu tò tede tɔje doo kade ger titeke è njè ra majelé.

Nje Ke Rome 9:11

Kété ke d’oje ndungege nè lé ɓai nga, Nube ede Rébecca ede nè: «Ngonn ke ngatɔg à ra ɓer le njè ke ndêin. Nube ɔje nyan nè nga kété ɓita kade ngannge nè rai maje éké rai majelé ɓai.

Nje Ke Rome 9:24

Dooge ke Nube ra se de kêmkanm nga, è jèi ke è ɓar jèi. E dann jéi jèi Juipge kuwe se kar jéi á Nube ɓar jèi lé, nè è ɓar njé ke ei Juipge lé nga tɔ.

1 Nje Ke Corinthe 1:18

Kerɔte kuwe, kile mber tà ke ɔje dè kwei le Krist kàde kage-ke-dese’t nga, njé ke ndii à tuji ooi ke tà mbe karè. Nè jèi ke Nube ndi à aji jèi nga ɓaa, j’an-in ke tɔgmong le’n kuwe.

Nje Ke Ephese 1:11

Takul’n è á j’inge’n gaje nyan-ndube ke ɔje dè jé tede Nube tɔr jè kété mari se go nyan ke è ɔje. Nube ra nyan malang ade aw loon’t deĵ se go nyan ke è ɔje se go kem̂ndige le’n.

Nje Ke Ephese 1:9

Nube ade jè geri nyan-maje ke tò loo ɓɔyɔn’t káráng. E uwe dè nja nyan ke tò loo ɓɔyɔn’t nga kété mari se go kem̂ndige le’n è kuwe.

Nje Ke Ephese 2:5

Jèi nga, kété j’weii yo nyanrage ke se go rebe’n lé le jéi, nè è ade jè teli jè ndii kumgajer se Krist nan’t. Takul kem̂noje á sei ajii.

Nje Ke Ephese 3:11

Se go nyan ke kété mari sár ɗarinè. Nyan ke Nube ɔje kété mari ke desêin nga kile ra’n ke nata ɗarinè takul Kuwe jéi Jésu-Krist.

Nje Ke Philippes 3:14

M’an-in ngɔde m’ɔje’n dè nyankuge dè ji’m. Nube ɓar’m le kade m’inge nyankuge dè ji’m danrán takul kum ke m’um nan’t bɔk se Jésu-Krist.

1 Nje Ke Thessalonique 4:7

Nube ɓar jéi le kade jè ndii se ra jéi ke mine tanm-tanm lé, nè le kade jè ndii se ra jéi ke unju nyang-nyang.

1 Timothee 1:1

Man Paul njèkawkule le Jésu-Krist tede Nube njèkaje jéi se Jésu-Krist nyan kundekem̂ tchên dè’t le jéi unni ndu de adi man.

2 Timothee 1:1

Man Paul njèkawkule le Jésu-Krist se go kem̂ndige le Nube. Man nga Nube um kule kile mber tà ke ɔje dè ndikumgajer ke è unn’n ndu’n kété mari nga. Ndikumgajer nè j’ingei takul kum ke j’umi nan’t bɔk se Jésu-Krist.

Tite 1:2

Ger ngarankum tà ke uwe made nan se kile koje dè Nube’t nga à ade j’à j’undei kem̂ jéi tchên dè ndikumgajer se non. Nube è njè tam tà lanm lé. Ndu’n ke unn ɔje’n dè ndikumgajer se non kété mari ɓita unde nyange ɓai nga, à tur rang lé.

Hebreuge 3:1

Gir’n ke nè á, ngakonmge, sei ke i tooi se ninn si ke Nube ɓar sei nga, i giri dè Jésu’t. Jésu nga Nube ule’n ade è maw njèkuje nyan-mese ɔje dè kundekem̂ ke jè ndi j’ile mber’n.

1 Pierre 1:20

Krist nga Nube ɔr’n ke njè kuge dè dooge kété mari ke desêin ɓita unde nyange malang ke dè nang nè ɓai. Nè ɗarinè è kile ra’n ke nata kem̂ ndɔge ke ngeinn’t nè tede tà le si.

1 Pierre 2:9

Nè sei ɓaa, sei girkà ke d’ɔr sei ke njékuje nyan-mesege ke gir si è ngar. Sei sei girkoje dooge ke i tooi se ninn si gai. Sei kosdooge le Nube ke kinge’n kuwe deri. E ɓar sei ade undei dann tilkus’t i teei, i reei dann lookar’t tede kade ilei mber nyanrage ke maje dum nga.

Lookilera’n 13:8

Dooge malang ke ndii dè nang nè nga à ulei dè de nang non dan’t nè ɗɔyi nin. Njé ke ulei dè de nang non dan’t ɗɔyi nin nè nga, ei dooge ke mari loo kunde gir nang’t kuwe, dé ndang ri de kem̂ magtub ndikumgajer le Ngonn bate ke ndɔ ke dé tɔl’n nga lé.

Lookilera’n 17:8

Doo ke danrán nga tel ede’m ede nè: «Dan ke i an’n nga tò tutu kété mari, nè ɗarinè goto ta. A unde loo tee kem̂ be ke son’n goto le kaw ke loo tuju’t. Dooge ke ndii dè nang nè, ke dé ndang ri de kem̂ magtub ndikumgajer’t lé mari loo kunde gir nang’t nga, loo ke à an-in dan nè nga bè ɓaa, tà à ige de sêl. Tà à ige de sêl tede dan nè nga tò tutu kété mari, nè go’t gugu goto njêl. Dan nè nga, ndɔn’t à tel kunde loo tee ɓai.