2 Timothee 1:8 - Nouveau Testament en Gulay 2004

⁸ Ade rai sɔli dè kɔrgo tà le Kuwe-ɓee le jéi nga lé. Ade rai sɔli dè’m man’t ke m’tò dangai’t tede tà le’n nga lé a tɔ. Ule rai se’m nan’t bàj dann nyankem̂kon ke m’ndi tutu tede Tà ke Maje. Dann nyankem̂kon’t nè nga, um kem̂i dè tɔgmong’t le Nube.

2 Timothee 1:8 ပူးပေါင်းရင်းမြစ်များ

Marc 8:38

Man Ngonn doo nga m’a m’tel ree dann ndubra’t le Bɔ’m se njékêmndage ke danrán. Nanan ke ra’n sɔl’n dèm’t se dè tà’t le’m non njé ra majelége ke njé mbate Nubege ke ndii dè nang nè ɓaa, man Ngonn doo nga géa ra’m à sɔl’m dènn’t tɔ.

Tà ke Maje ke Luc ndang 9:26

Ke nè á doo karé ra rasɔl dèm’t se dè tàge’t le’m ɓaa, man ke m’ee Ngonn doo nga, ndɔ ke m’a m’tel ree dann ndubra’t le’m se le Bɔ’m se le njékêmndage ke danrán a tɔ ɓaa, ra’m à sɔl’m dènn’t tɔ.

Jean 15:27

Sei géa a k’ei njékɔrgo tàge le’m tede sei se’m nan’t kété mari loo kunn gir kule’t le’m.

Jean 19:35

Doo ke njèkɔrgo tà nè kede sei nga an nyange nè se kum’n. Tà ke è ɔrgo nga è ngarankum tà. Doo nè nga ger titeke è tam ngarankum tà le kade sei géa undei kêm si dè Jésu’t tɔ.

Nyanra Njekawkulege 5:41

Njékawkulege undei loo teei loo gangtà’t se ranel tede Nube an de ke dooge ke asikum kade d’ile rasɔl dè de’t tede ri Kuwe-ɓee Jésu.

Nje Ke Rome 1:16

Ma m’ra rasɔl dè tà kile mber Tà ke Maje’t nga lé, tede è tɔgmong le Nube le kaje’n nanan ke um kêm’n dè’t, Juipge kuwe kété ɓita njé ke ei Juipge lé ɓai.

Nje Ke Rome 16:25

Ade j’ilei riɓar dè Nube’t. E aw se tɔgmong le kule’n dingem kêm si’t se go Tà ke Maje le Jésu Krist ke m’ile mber’n nga. Tà ke Maje nè nga kété mari è nyan ke tò loo ɓɔyɔn’t.

Nje Ke Rome 8:36

Dé ndang tà nè kêm Magtub’t le Nube d’ede nè: «E tede k’ee ke jè leige á dé tɔl’n jè se ndɔge sár d’ade kàde ur’n nang bàj. D’an jè tite batege ke d’aw se de loo tɔl dange’t bè.»

Nje Ke Rome 9:33

Titeke dé ndang’n kêm Magtub’t le Nube d’ede nè: «An-in! m’a m’unde kuberi her kêm ɓee-bò ke Sion kade tuge de ade d’aw tebel-tebel a, m’a m’unde kuberi mbal kade tuge de ade d’oso a tɔ. Nè doo unde kêm’n dè kuberi mbal’t nè ɓaa à ndi dann rasɔl’t lé.»

1 Nje Ke Corinthe 1:6

Tà le Krist ke ndɔ ke j’ede sei nga tule ngire’n kêm si’t janm-janm.

2 Nje Ke Corinthe 6:7

Jè tɔje ra jé ke ngann njékulege le Nube se go ngarankum tà a, se tɔgmong le Nube a tɔ. Nyanra ke se dè naje’n á è nyan rɔ le jé ke jè taa’n dè jé.

Nje Ke Ephese 3:1

E tede è ke nè á man Paul m’ee’n dangai le Jésu-Krist tede le si sei ke sei Juipge lé nga.

Nje Ke Ephese 3:13

Gir’n ke nè á m’deje’n sei le kade adi kem̂ si tête mann ɔje dè nyantosowurge ke m’inge tede tà le si nga lé. Nyantosowurge nè nga ei riɓar le si.

Nje Ke Ephese 4:1

Man ke m’tò dangai’t tede tà le Kuwe-ɓee nga, m’ndeje sei kade adi pa njiye si uwe made nan se ɓar ke Nube ɓar sei nga.

Nje Ke Ephese 4:17

Man m’ede sei ndàt se ri Kuwe-ɓee: Maje kade i teli i njiyei tite dooge ke geri Nube lé nga lé ta, tede ei nga njiyei se go tàgir le de ke raikarè.

Nje Ke Philippes 1:7

Gir ke m’gir dè si’t malang bè nga, è loon’t kuwe. M’ndige sei dè ɓengrem’t. Kété ndɔ ke m’nain se si ɓai nga, m’an-in ngang Tà ke Maje gar-gar m’ade tò loo toon’t njáng. Ɗarinè ke m’tò dangai’t nè nga géa, sei malang oréi se’m nan dè noje ke Nube uwe sem’t nga.

Nje Ke Philippes 3:10

Man m’ndinge ra’m le ger gel Krist, le ger tɔgmong kunde loo tee dann njé ke koo’t le’n. M’ndinge ra’m le korè se’n nan dè kem̂kon’t le’n a, se le tel tanan se’n dè kwei’t le’n a tɔ.

Nje Ke Philippes 4:13

M’asekum ra nyange nè malang takul Krist tede è ade’m tɔge’m.

Nje Ke Colosses 1:11

Jè deje Nube kade ule dingem kem̂ si’t se go tɔgmong le ndubra le’n. Titeke bè á sei a koréi tà si njak a, a kilei kem̂ si pon dè nyange malang ke ra sei nga.

Nje Ke Colosses 1:24

Ɗarinè, m’ra ranel dè nyankem̂konge ke m’inge tede le si. Titeke bè á m’oré’n se Krist nan dè nyantosowurge ke ndɔ ke ra’n, se ndɔ’m-ndɔ’m tede le danra’n ke è njékebe nange le Nube nga.

1 Nje Ke Thessalonique 3:4

Loo ke ndɔ ke jè nain se si ɓai nga, j’ede sei kété titeke nyantosowurge à rai jéi. A ɓaa, ɗarinè nyange nè nga teei ade an-in se kum si ɓá.

1 Timothee 2:6

Jésu-Krist inye ra’n è kuwe ade yo uge’n dè dooge malang. E ke nè á è tà ke è ɔrgo kété kem̂ ndɔn’t le’n nga.

2 Timothee 1:10

Noje nè nga, ɗarinè tò nata ndái-ndái ndɔ ke njèkaje jéi Jésu-Krist ree’n dè nang nè. Jésu-Krist tuju tɔgmong le yo kɔti-kɔti ade loo gang ɗeng dè ndikumgajer ke se non se go Tà ke Maje nè nga.

2 Timothee 1:12

E tede è ke nè á m’ndii’n dann kem̂konge’t nè nga. Nè m’ade ra’m sɔl’m lé; m’nda kem̂’m káng tede m’ger Jésu ke m’unde kem̂’m dènn’t nga mbak; m’ger kem̂’t mbak tite è asekum le ngonm nyan ke um jim’t nga sár ndɔ ke ngeinn’t.

2 Timothee 1:16

Maje kade Kuwe-ɓee ra kem̂kanm se njé ke kem̂ kei le Onésiphore tede dɔ-dɔ è sɔl kem̂’m ade ra’n sɔl’n dè sul ke d’ile jim’t nè nga lé.

2 Timothee 2:3

Oré se’m nan dè nyankem̂konge’t asenan se njèrɔ ke maje le Jésu-Krist bè.

2 Timothee 2:8

Ade kem̂i olé dè Jésu-Krist ngonnkà David. Jésu-Krist nga unde loo tee dann njé ke koo’t titeke Tà ke Maje ke m’ile mber’n tam’n ndàt.

2 Timothee 2:9

E tede Tà ke Maje nè nga m’inge’n nyankem̂konge sár ade dé tɔɔ’m se sul tite njè ra majelé bè. Nè né è bè géa, tà le Nube ɓaa dé tɔ’n lé.

2 Timothee 4:17

Nè ndɔ ke Kuwe-ɓee è der-gir’m ade’m tɔg’m. Gir’n ke nè á, ndɔ ke m’ile’n mber Tà ke Maje m’tɔl’n mbas m’ade dooge malang ke ei Juipge lé ooi. E tede è ke nè á ndɔ ke Kuwe-ɓee ɔr’m tà toboi’t.

2 Timothee 4:5

Nè né è bè géa, i ɓaa, unde kumkunju dè rai’t ɔje dè nyange malang. Oré tài njak dè nyankem̂konge’t, i ra kule ra njèkile mber Tà ke Maje. I ra kule lei ɔr son’n njêt a tɔ.

1 Pierre 1:5

Sei nga tɔgmong le Nube an-in ngang si garar-garar takul kundekem̂ le si. E an-in ngang si titeke bè tede kaje ke è uwe dè nja tede le si nga, nain ngɔr ɓaa à kile ra’n ke nata ndɔ ke ngeinn’t.

1 Jean 4:14

Bɔ jéi Nube ule Ngonn’n le kade è njèkaje dooge dè nang nè. Ngonn’n ke ule’n nga, jè j’an’n se kum jé. Gir’n ke nè á j’ɔr’n go tà le’n j’ede’n sei.

Jude 1:24

Nube aw se tɔgmong le kan’n dè si kade osoi lé. Nube à ade a i ndai non ndubra’t le’n ke bò se ranel anje tà karé dè si’t.

Lookilera’n 1:2

Jean nga ɔrgo nyange malang ke è an se kum’n. E ɔrgo tà le Nube a, le Jésu-Krist a tɔ.

Lookilera’n 1:9

Man m’ee ngokon si Jean á m’ndang magtub nè. M’um se Jésu nan’t bɔk tite si sei tɔ. Man nga m’ee made ɓee le si ɔje dè konɓee le Nube. Nyantosowur ke ra sei á oréi tà si njak i ndii nginei ndɔ tel ree le Krist nga, man géa ra’m se si tɔ. Man Jean nga d’uwe’m d’aw se’m d’ile’m dè goré loo ke ri’n nè Patmos tede tà le Nube ke ndɔ ke m’ile mber’n a, tede tà le Jésu ke ndɔ ke m’ɔrgo a tɔ.

Lookilera’n 12:11

Ngakon jéige têti rɔ njè kile tà dè de’t nga takul mese Ngonn bate a, takul tà le Krist ke ɔri go edi dooge a tɔ. Ngakon jéige nè nga ndêti ra de adi yo lé.

Lookilera’n 19:10

M’oso nang nja doo ke danrán’t nè nga rap, m’ule dè’m m’ade’n. Nè è tel ede’m nè: «Ebe’t ra titeke bè, tede man nga m’ee made-ɓer kule lei a, le ngakoinge ke njékɔrgo tàge le Jésu a tɔ. Gar-gar, i ɗɔi Nube.» Ngarankum tà ke Jésu ɔrgo nga, è tà ke ndɔ ke Ndil ule tà njéribe-dè-tàge ke tà Nube’t ade tami.