2 Timothee 1:7 - Nouveau Testament en Gulay 2004

⁷ Ndil-Kem̂nda ke Nube ade jèi nga, è tede kade jèi njé ɓelge lé. Nè è Ndil ke ade jèi tɔgmong se tár nan a, se kumkunju a tɔ.

2 Timothee 1:7 ပူးပေါင်းရင်းမြစ်များ

Tà ke Maje ke Luc ndang 10:19

An-in! man m’ade sei tɔgmong le kade i tubei dè li jênênnge se kuju-nang-ge nang a, le kade i leri tɔgmong le njèban nang làr a tɔ. Nyan karé bè géa à ra sei majelé lé.

Tà ke Maje ke Luc ndang 15:17

Nè loo ke kum’n gang dè rann’t ɓá ɓaa, è tam kêmn’t ede nè: «Njérakulege le bɔ’m usei nyan ade ase de nák, nè man tá m’ndi m’wei yo ɓo.

Tà ke Maje ke Luc ndang 24:49

Nyan ke Bɔ’m unn’n ndu’n ade sei nga, an-in! man kuwe m’a m’ule’n kade sei. Nè sei ɓaa, i ndii kêm ɓee-bò’t nè kuwe sár kade ingei tɔgmong ke à in ra Nube’t ɓita.

Tà ke Maje ke Luc ndang 8:35

Dooge malang ke tà nè oso mbi de’t nga teei som-som le kawi kan-in nyan ke tee nè nga se kum de. Loo ke dé tee ra Jésu’t ɓaa, d’inge dingem ke ndilge ke majelé undei loo teei kêmn’t nga. Dè’n tel tò maje ade tule kubuge rann’t ndii’n nang ngêrêng nja Jésu’t. Ɓel unde dooge ndàt gang de.

Jean 14:27

M’inye kêmlom le’m m’ade sei. M’a m’ade sei kêmlom le’m titeke dooge ke dè nang nè d’ade’n nga lé. Adi kêm si tò kekek lé a, adi kêm si tête mann lé a tɔ.

Nyanra Njekawkulege 1:8

Nè sei a kingei tɔgmong le Ndil-Kêmnda ɓaa, sei a teli k’eei njékɔrgo tàge le’m kêm ɓee-bò ke Jérusalem a, se ɓeekon ke Judée bere mbak a, se ɓeekon ke Samarie a, sár kade ɔri son nang nè njêt a tɔ.

Nyanra Njekawkulege 10:38

Jésu ke Nazareth ke Nube ule’n nga, Nube ade’n tɔgmong le Ndil-Kêmnda. Jésu aw se loo-loo ra maje se dooge malang a, aje njé ke sú uwe de a tɔ, tede Nube è der gir’n.

Nyanra Njekawkulege 20:24

Ndikumgajer le’m dè nang nè nga, m’an ke nyan ke ngain le tɔse kum dè’t lé. Nè kɔr son ngɔde le’m se kule ke Kuwe-ɓee Jésu-Krist um jim’t á ke nyan ke uwe kêm’m. Kule ke Kuwe-ɓee um jim’t nga, è kule kile mber Tà ke Maje ke ɔje dè kêmnoje le Nube.

Nyanra Njekawkulege 21:13

Ke loon’t nè kuwe, Paul deje de ede nè: – Ké tede ri á i non-in adi ɓengre’m ayé gang’n dɔs wa? Man m’uwe dè nja ra’m le kade dé tɔɔ’m á go karé lé, nè m’uwe dè nja ra’m le kwei tede ri Kuwe-ɓee Jésu kêm ɓee-bò ke Jérusalem.

Nyanra Njekawkulege 26:11

Nja bule, m’aw se kêm kei kebe nange karé-karé malang, m’ra se de nyan ke tur. Taɓai m’unde tɔge dè de’t le kade d’inye go ri Jésu. Wong ra’m dè de’t ngain gée ade m’ɔr de kororoi sár m’tee se de heb se dè ɓee, dè ɓee.

Nyanra Njekawkulege 26:25

Paul ede nè: – Festus ke maje dum! Bile ra’m lé. Nè tà ke m’tam nga è ngarankum tà a, è tà ke se go rebe’n a tɔ.

Nyanra Njekawkulege 6:8

Etienne è doo ke ndutɔr se tɔgmong le Nube taa ra’n pel-pel. E ra nyange ke dum kum se nyankɔbege ke bò dann kosdooge’t.

Nyanra Njekawkulege 9:22

Nè Saul nda garang-garang se ndɔge malang de kundekêm’t le’n. E ede Juipge ke Damas ndàt titeke Jésu nga è Krist kerɔte kuwe.

Nje Ke Rome 5:5

kundekêm tchên nga á ile rasɔl dè jéi’t lé, tede Nube tár jéi ade Ndil-Kêmnda ree urkei kêm ɓengre jéi’t.

Nje Ke Rome 8:15

Ndil ke sei ingei nga à ra sei ɓer kade i teli osoi dann ɓel’t lé ta, nè à tel sei ke ngann Nube. Takul Ndil nè á jè ɓari Nube j’edi nè: «Abba!» tel se tà koje jé ɓaa è «Ɓɔ jé!»

1 Nje Ke Corinthe 2:4

Nyan-ndó le’m se mber kile le’m nga, ndunei ra de ra tà nel éké dè ger go ger gos tam tà le dooge karè lé. Nè mber ke ndɔ ke m’ile m’ade sei nga, è se go tɔgmong le Ndil-Kêmnda.

Nje Ke Galatie 5:22

Kann nyan le Ndil á tò nè: Tár nan, ranel, kem̂lom, kem̂kile, kem̂-maje, kem̂-kunde,

Nje Ke Colosses 1:8

Epaphras ree ede jè tà le tár ke Ndil-Kem̂nda ade i tári nan ade j’oo.

Hebreuge 2:15

Jésu ra titeke bè tede le taa’n dooge ke yo ra de ɓer ade ndebi nginn-nginn.

1 Pierre 1:22

Koje ke sei ilei dè ngarankum tà’t nga á i telii sei dooge ke unji nyang-nyang le tár’n njétaakem̂-Kristge se kem̂nda káng. I tári nan ngain dè ɓengre si’t.

1 Jean 4:18

Ɓel goto kem̂ tár nan’t, nè tár nan ke maje ɔr njêt nga rɔ ɓel unde’n nú. Ke nè á doo ɓel ɓaa, è tede kure nyanra’n ke à ɔde kum’n. Ke nè á doo ɓel ɓaa, tár nan ke maje ɔr njêt goto kem̂n’t ɓai.