2 Timothee 1:4 - Nouveau Testament en Gulay 2004

⁴ Kem̂’m olé dè mann non ke ndɔ ke tee kumi’t. Gir’n ke nè á ngur tel kaw kan kumi kade dè ranel le’m ɔr’n njêt ra’m pênn-pênn.

2 Timothee 1:4 ပူးပေါင်းရင်းမြစ်များ

Jean 16:22

Sei géa, ɗarinè i ndii dann kumndoo’t titeke bè tɔ. Nè loo ke m’a m’tel ree le kan sei ɓaa, ɓengre si à ndi dann ranel’t. Ranel le si nga doo karé bè ke à uwe’n wont kɔr’n goto.

Jean 16:24

Sár ɗarinè sei deji nyan karé bè se ri’m lé ɓai. I deji nyan ɓaa a ingei, titeke bè á dè ranel le si à ɔr’n njêt.

Nyanra Njekawkulege 20:19

M’ra kule ɓer m’ade Kuwe-ɓee se ngonn koje ke deri se mann non kum’t dann nyange ke nan-in man, se go kɔr ke Juipge ɔri nan tà dèm’t a tɔ.

Nyanra Njekawkulege 20:31

Gir’n ke nè á m’ede’n sei kade i ndii kum adi kêm si olé titeke m’ndeje sei karé-karé malang kada a, ndɔɔ a, se mann non kum’t m m’ebe ra’m lé a tɔ.

Nje Ke Rome 1:11

Kerɔte kuwe, ngur kaw kan sei ra’m pênn-pênn tede kaw kaya tà nyan-noje le Ndil-Kêmnda kade sei kade i ndaii dè nja si’t njáng.

Nje Ke Philippes 1:8

Oiyo, Nube an a, ger a, titeke m’tár sei malang dè ɓengrem’t se kem̂nda káng titeke Jésu-Krist tár’n jéi bè tɔ.

Nje Ke Philippes 2:26

Ngur tel kaw kan sei malang ra’n pênn-pênn. Kem̂’n tò kekek tede ser ratur le’n ke ndɔ ke ooi.

1 Nje Ke Thessalonique 2:17

Ngakon jége, j’an-in kum nan lé kò’n tò mbɔr ndêin ta. Nè ngarankem̂ jéi ɓaa inye nan lé. Ngur tel kaw kan kum si ra jè pênn-pênn.

2 Timothee 4:21

Ute rai kalang i ree inge’m pa ɓita kade nan ɓar ree ɓai. Eubulus, Pudens, Linus, Claudia se njétaakem̂-Kristge malang rai nin lapya tɔ.

2 Timothee 4:9

Ute rai kalang i ree inge’m.

1 Jean 1:4

Jè ndang tà nyange nè nga j’ade sei tede kade dè ranel le jéi ɔr’n njêt.

Lookilera’n 21:4

Nube à tise mann non kum de’t ndát-ndát. Yo se kumndoo yo se kem̂kon à gotoi njing se non. Non se wuwi à ɓar gugu bè lé njing ta. Nyange ke mari gotoi njêl karè.»

Lookilera’n 7:17

Kerɔte kuwe, Ngonn bate ke nda dann kutu-ngar’t danné bɔp nga à è njèkul de a, à ɔr non de kaw se de tà ngur mann ndikumgajer’t. Nube à tise mann non kum de’t ndát-ndát a tɔ.»