2 Timothee 1:14 - Nouveau Testament en Gulay 2004

¹⁴ Nyan ke maje ke d’um jii’t nga, an dè sêw-sêw se go tɔgmong le Ndil-Kem̂nda ke ndi kem̂ jéi’t.

2 Timothee 1:14 ပူးပေါင်းရင်းမြစ်များ

Tà ke Maje ke Luc ndang 16:11

Nar ke get lé ke tò ji si’t nga, loo ke sei tɔsi kum si dè’t lé ɓaa, ké nan à ade sei ngarankum nyan le kade i ngonmi wa?

Jean 14:17

Njè ra se si ke rang nga è Ndil ke get ke dooge ke dè nang nè asikum kuweii ke ra de’t lé. D’ase kuwe’n ke ra de’t lé tede d’an’n lé a, dé ger’n lé a tɔ. Nè sei ɓaa, i gerii tede è ra ɓee se si a, ndi kêm si’t a tɔ.

Nje Ke Rome 3:2

Nonkar le doo ke è Juip è ngain ɔje dè nyange bule. E Juipge á Nube ule se tàge le’n ade de kété ke desêin.

Nje Ke Rome 8:11

Nube ade Jésu unde loo tee dann njé ke koo’t. Ke nè á Ndil Nube ndi kêm si’t ɓaa, Nube ke ndɔ ke ade Jésu unde loo tee dann njé ke koo’t nga à ade danra si ke njè kwei à tel ndi kumgajer. E Nube ke njè kade Jésu unde loo tee dann njé ke koo’t nga á à ade a i teli ndii kumgajer tɔ, takul Ndil’n ke ndi kêm si’t nga.

Nje Ke Rome 8:13

Ke nè á sei rai nyange ke kêm danra ndige ɓaa, sei a i tooi kasinan se dooge ke weii tàkum Nube’t. Nè ke nè á Ndil ra se si ade ebi ra si rai nyange le danra ɓaa, sei a i ndii kumgajer kerɔte kuwe.

Nje Ke Rome 8:9

Nè sei ɓaa, i njiyei se go tàgir le danra lé. Sei njiyei se tɔgmong le Ndil-Kêmnda tede Ndil Nube ndi kêm si’t. Ke nè á doo aw se Ndil ke Krist ade jèi nga lé ɓaa, doo nè nga è le Krist lé.

1 Nje Ke Corinthe 3:16

Kerɔte kuwe, sei sei gile kei ke tò se ninn’n le Nube a, Ndil Nube ndi kêm si’t a tɔ. Ké sei geri titeke bè lé wa?

1 Nje Ke Corinthe 6:19

Nube ade sei Ndil-Kêmnda ade ndi kêm si’t ɗarinè. Danra si è gile kei ndi ke tò se ninn’n le Ndil-Kêmnda. Ké sei geri titeke bè lé wa? Bè ɓaa, sei sei kuwe ra si lé,

1 Nje Ke Corinthe 9:17

Ke nè á ndɔ ke è man kuwe m’in se kêmndige le’m m’ra kule nè nga ɓaa, m’ayé kinge nar kuge dè ji’m. Nè ke nè á m’ile mber Tà ke Maje nga se go kêmndige le’m lé ɓaa, è nyan ke d’unde dèm’t kade m’ra á m’ra karè.

2 Nje Ke Corinthe 5:16

Unn gir ɗarinè nga, jè ger doo se go danra lé ta. Ke nè á kété jè ger Krist se go danra ɓaa, ɗarinè jè ger’n se go danra titeke bè lé ta.

Nje Ke Galatie 2:7

Nè dé nè nga d’an titeke Nube um kule kile mber Tà ke Maje le dooge ke ei Juipge lé nga jim’t titeke um’n le Juipge ji Pierre’t bè tɔ.

Nje Ke Ephese 2:22

Takul kum nan’t bɔk se Kuwe-ɓee á dé rɔte’n sei bere mbak tà nan’t le kade i teli sei kei ndi Nube se go Ndil’n.

Nje Ke Ephese 5:18

Adi yibe ule mbe dè si’t lé. Tede yibe aw se doo ke loo nyanra ke pás-pàs’t kade tuju. Nè adi Ndil tá taa kem̂ si pel-pel.

Nje Ke Colosses 4:11

Jésu ke dé ɓar’n Justus nga géa ra sei lapya tɔ. Dé ke mute nè nga kuwe se kar de á dé Juipge ke njétaakem̂-Krist ke dé ra se’m kule ke ɔje dè konɓee le Nube. E dé nè á dé njé sɔl kem̂’mge.

1 Nje Ke Thessalonique 5:19

Ɔgi Ndil-Kem̂nda loo ra kule le’n lé.

1 Timothee 1:11

Nyan-ndó ke maje nga uwe made nan se Tà ke Maje le Nube ke njè ndubra se njè gir ranel a tɔ. Oiyo, Nube ke njè tɔgmong um kule mber Tà ke Maje nè nga jim’t kuwe.

1 Timothee 6:20

Hai! Timothée, an go nyan ke Nube um jii’t nga sêw-sêw. Tà najege ke raikarè ke uwe made nan se kundekem̂ lé nga, ute de mbeng. Tà najege le njégos nyangerge ke lanm nga géa, ute de mbeng a tɔ.

2 Timothee 1:12

E tede è ke nè á m’ndii’n dann kem̂konge’t nè nga. Nè m’ade ra’m sɔl’m lé; m’nda kem̂’m káng tede m’ger Jésu ke m’unde kem̂’m dènn’t nga mbak; m’ger kem̂’t mbak tite è asekum le ngonm nyan ke um jim’t nga sár ndɔ ke ngeinn’t.

2 Timothee 2:2

Nyange ke ndɔ ke i ndó ram’t tàkum njékɔrgo tàge’t bule nga, inye tà’n ji dingemge’t ke ei ke maje kojege ke asi ndói dooge ke rang.

1 Pierre 1:22

Koje ke sei ilei dè ngarankum tà’t nga á i telii sei dooge ke unji nyang-nyang le tár’n njétaakem̂-Kristge se kem̂nda káng. I tári nan ngain dè ɓengre si’t.