2 Timothee 1:12 - Nouveau Testament en Gulay 2004

¹² E tede è ke nè á m’ndii’n dann kem̂konge’t nè nga. Nè m’ade ra’m sɔl’m lé; m’nda kem̂’m káng tede m’ger Jésu ke m’unde kem̂’m dènn’t nga mbak; m’ger kem̂’t mbak tite è asekum le ngonm nyan ke um jim’t nga sár ndɔ ke ngeinn’t.

2 Timothee 1:12 ပူးပေါင်းရင်းမြစ်များ

Matthieu 12:21

Dooge ke geri Nube lé à undei kêm de tchên ke dè rinn’t.» Tà nè nga aw loon’t deĵ.

Matthieu 24:36

Tà ke ɔje dè ndɔ’n éké kàde’n nga, doo karé bè géa ger lé. Dooge ke danrán éké man ke m’ee Ngonn doo nga géa jè ger lé a tɔ. Nè Bɔ’m kuwe se kar’n bere á ger.

Matthieu 7:22

Ndɔ gangtà’t ɓaa, dooge bule à deji man kedi nè: «Ngar, Ngar, ké ndɔ ke j’ile mber se rii lé wa? Ké ndɔ ke jè rɔ ndilge ke majelé kɔke se rii lé wa? Ké ndɔ ke j’unn rii jè ra’n nyankɔbege lé wa?»

Tà ke Maje ke Luc ndang 10:12

Kerɔte kuwe, man m’ede sei ndàt, titeke kêm ndɔn’t nè nga, tà ke d’a gang dè dooge ke kêm ɓee’t nè à tur ngain dum tà ke ndɔ ke Nube à gang dè dooge ke kêm ɓee-bò ke Sodome nga ɓai.

Tà ke Maje ke Luc ndang 23:46

Jésu ra nyan beng ede nè: – Bɔ’m, m’inye ndil’m kêm jii’t. Loo ke è tam tà nè nga bè ɓaa, tà’n tête nyonk.

Jean 17:15

M’deji tede kade i tɔr de kɔke dann dooge ke dè nang nè lé, nè le kade ai-in ngang de garar-garar ade Sú ke njèkêmyêr ɔde ra de lé.

Jean 6:44

Ke nè á Bɔ’m ke njèkule’m ndɔr doo ke ram’t lé ɓaa, doo karé géa ase kin se dè’n ree ram’t lé. Doo ke ree ram’t nga, m’a m’ade à unde loo tee dann njé ke koo’t ndɔ ke ngeinn’t.

Nyanra Njekawkulege 13:46

Paul se Barnabas ndai kêm de káng edi de ndàt edi nè: – E sei Juipge á né j’ayé kede sei tà le Nube nga desêin. Nè sei utei tà nè nga mbeng a, an-in ra si ke dooge ke asi ndii kumgajer se non lé. Gir’n ke nè á, ɗarinè j’a tel tur kum jé ke ra njé ke ei Juipge lé tá ta.

Nyanra Njekawkulege 13:50

Dinyege ke njé ɗɔi Nubege ke ei njényan-kingege ndii kêm ɓee-bò’t nè tɔ. Juipge sulei de se dooge ke kum de unju ke kêm ɓee-bò’t nè nga adi unni gir rai kum Paul se Barnabas ndoo. Dé rɔ Paul se Barnabas kêm ɓeekon’t le de kɔke.

Nyanra Njekawkulege 21:13

Ke loon’t nè kuwe, Paul deje de ede nè: – Ké tede ri á i non-in adi ɓengre’m ayé gang’n dɔs wa? Man m’uwe dè nja ra’m le kade dé tɔɔ’m á go karé lé, nè m’uwe dè nja ra’m le kwei tede ri Kuwe-ɓee Jésu kêm ɓee-bò ke Jérusalem.

Nyanra Njekawkulege 7:59

Loo ke d’ade tile Etienne se kuberi her le tɔl’n ɓaa, è non ɓar Kuwe-ɓee ede nè: – Kɔkrɔ karè, Kuwe-ɓee Jésu, i taa ndil’m ke rai’t.

Nyanra Njekawkulege 9:16

Doo nè nga, man kuwe m’a m’tɔje’n nyankêmkonge malang ke à inge tede ri’m gar-gar.

Nje Ke Rome 1:16

Ma m’ra rasɔl dè tà kile mber Tà ke Maje’t nga lé, tede è tɔgmong le Nube le kaje’n nanan ke um kêm’n dè’t, Juipge kuwe kété ɓita njé ke ei Juipge lé ɓai.

Nje Ke Rome 9:33

Titeke dé ndang’n kêm Magtub’t le Nube d’ede nè: «An-in! m’a m’unde kuberi her kêm ɓee-bò ke Sion kade tuge de ade d’aw tebel-tebel a, m’a m’unde kuberi mbal kade tuge de ade d’oso a tɔ. Nè doo unde kêm’n dè kuberi mbal’t nè ɓaa à ndi dann rasɔl’t lé.»

1 Nje Ke Corinthe 1:8

E Kuwe-ɓee le jéi Jésu-Krist nga kuwe á ade a i ndai njáng dè kunde-kêm’t le si sár ndɔ ke ngeinn’t. Titeke bè á tà karé bè géa à uwe dè si kêm ndɔn’t le Kuwe-ɓee le jéi Jésu-Krist nga lé.

1 Nje Ke Corinthe 3:13

ndɔ tel ree le Kuwe-ɓee à kuje gir kule ra nanan géa ke nata ndái-ndái ɓai. Ndɔ tel ree le Kuwe-ɓee Jésu nga tò asenan se por ke à nan kule ra nanan géa le kan.

Nje Ke Philippes 1:20

Se go nyan ke m’ndi m’ngine tchên a, ke m’unde kem̂’m dè’t tchên a tɔ nga, nyan karé ke à ile rasɔl dèm’t goto. Nè ɗarinè, m’nda kem̂’m káng se ndɔge malang titeke kété, kade né è kaje éké yo géa, danra’m à ile riɓar dè Krist’t.

Nje Ke Philippes 3:10

Man m’ndinge ra’m le ger gel Krist, le ger tɔgmong kunde loo tee dann njé ke koo’t le’n. M’ndinge ra’m le korè se’n nan dè kem̂kon’t le’n a, se le tel tanan se’n dè kwei’t le’n a tɔ.

Nje Ke Philippes 3:21

Ra jéi ke dang’t ra’n ade uwe ndoo mɔngong nga, Jésu-Krist à tel’n le kade tò tanan se le’n ke ndoin kein-kein. E aw se tɔgmong le dum’n dè nyange malang, ule’n de wɔr-wɔr.

Nje Ke Philippes 3:8

Taɓai, man m’an nyange nè malang ke nyange ke tuji tede ger ke m’ger gel Jésu-Krist, Kuwe-ɓee le’m. Ger gel Jésu-Krist Kuwe-ɓee le’m nga è nyankinge ke dum dè nyange malang. E tede tà le’n á m’inye’n go nyange malang ke kété m’an de ke nyankinge’m man kuwe deri nga. M’an nyange malang tooi asinan se nyange ke doo saa um dè ɓirɓite’t tede kade m’inge’n Krist,

1 Nje Ke Thessalonique 2:16

D’ɔge jè loo kile mber le kade dooge ke ei Juipge lé ingei kaje. Dé ra titeke bè d’ile’n kaiyage le de dè made’t se ndɔge malang. Nè loo tɔl tà’n ɓaa, wong le Nube oso dè de’t ɓai.

1 Nje Ke Thessalonique 5:4

Nè sei ngakon jége ɓaa, i ndii dann tilkus’t á ndɔ nè à ube’n sei nang tite njèɓog lé.

1 Timothee 6:20

Hai! Timothée, an go nyan ke Nube um jii’t nga sêw-sêw. Tà najege ke raikarè ke uwe made nan se kundekem̂ lé nga, ute de mbeng. Tà najege le njégos nyangerge ke lanm nga géa, ute de mbeng a tɔ.

2 Timothee 1:14

Nyan ke maje ke d’um jii’t nga, an dè sêw-sêw se go tɔgmong le Ndil-Kem̂nda ke ndi kem̂ jéi’t.

2 Timothee 1:16

Maje kade Kuwe-ɓee ra kem̂kanm se njé ke kem̂ kei le Onésiphore tede dɔ-dɔ è sɔl kem̂’m ade ra’n sɔl’n dè sul ke d’ile jim’t nè nga lé.

2 Timothee 1:18

Maje kade Kuwe-ɓee Nube ade inge kem̂kanm ra Kuwe-ɓee Jésu’t kem̂ ndɔ ke ngeinn’t. Kulege ngain ke è ra ade’m kem̂ ɓee-bò ke Ephèse nga, i ɓaa, i ger maje dum dooge ke rang.

2 Timothee 1:8

Ade rai sɔli dè kɔrgo tà le Kuwe-ɓee le jéi nga lé. Ade rai sɔli dè’m man’t ke m’tò dangai’t tede tà le’n nga lé a tɔ. Ule rai se’m nan’t bàj dann nyankem̂kon ke m’ndi tutu tede Tà ke Maje. Dann nyankem̂kon’t nè nga, um kem̂i dè tɔgmong’t le Nube.

2 Timothee 2:9

E tede Tà ke Maje nè nga m’inge’n nyankem̂konge sár ade dé tɔɔ’m se sul tite njè ra majelé bè. Nè né è bè géa, tà le Nube ɓaa dé tɔ’n lé.

2 Timothee 4:8

Unn gir’n ɗarinè, jɔkɔ kunn banga le nyanra ke se dè naje’n tò ngine’m. Kuwe-ɓee ke njègangtà se dè naje’n à ade’m kem̂ ndɔn’t nè nga. Kuwe-ɓee à ade’m man á se kar’m lé. Nè dooge malang ke undei kem̂ de tchên dè ndɔ tel kunde loo tee pan’t le’n nga, è à ade jɔkɔ kunn banga nè nga tɔ.

Tite 3:8

Tà nè nga, è tà kerɔte. Man m’ndige kade oré kage dè tà’t nè nga tede kade njé ke undei kem̂ de dè Nube’t awi kum de ke kété-kété dè kule rage ke maje’t. Tà nè nga è Tà ke Maje ke à ra se dooge malang.

Hebreuge 12:2

Jésu è njèkunde gir kundekem̂ le jéi a, è njè kade kundekem̂ le jéi maje ɔr njêt a tɔ. Ade j’oréi kum jéi dènn’t sêw-sêw se ndɔge malang. Jésu inye ra’n ade dé tɔl kade kage-ke-dese’t anje kan rasɔl’n ke nyan. Kerɔte kuwe, Jésu oré kum’n dè nyan ranel ke tò nonn’t kété ɓaa, ɗarinè è ndi dè jikon kutu-ngar’t le Nube ta.

Hebreuge 2:18

Ɗarinè, Jésu asekum ra se njé ke nyankem̂kon nan de; tede è kuwe géa, ndɔ ke orè tà’n njak dè nyange ke nan’n tɔ.

Hebreuge 7:25

Gir’n ke nè á njé ke reei ra Nube’t se takul Jésu ɓaa, è ase kaje de nja karé bere ke ngang’n. Jésu nga ndi kumgajer sár se non. E ɔje tà se Nube dɔ-dɔ tede le de.

1 Pierre 1:5

Sei nga tɔgmong le Nube an-in ngang si garar-garar takul kundekem̂ le si. E an-in ngang si titeke bè tede kaje ke è uwe dè nja tede le si nga, nain ngɔr ɓaa à kile ra’n ke nata ndɔ ke ngeinn’t.

1 Pierre 4:16

Nè ke nè á nyankem̂kon ra doo tede k’ee ke è njètaakem̂-Krist ɓaa, maje kade ade ra’n sɔl’n lé, nè maje kade ra Nube’t oiyo tede ri Krist ke è unn.

1 Pierre 4:19

Bè ɓaa, njé ke nyankem̂kon ra de tede kile ke ilei koje dè Nube’t nga, maje kade inyei ra de bere mbak ji Njèkunde de’t, rai nyange ke maje kum de kété. Nube ke njèkunde de nga inye go ndukunn le’n ndan lé.

Jude 1:24

Nube aw se tɔgmong le kan’n dè si kade osoi lé. Nube à ade a i ndai non ndubra’t le’n ke bò se ranel anje tà karé dè si’t.