2 Timothee 1:1 - Nouveau Testament en Gulay 2004

¹ Man Paul njèkawkule le Jésu-Krist se go kem̂ndige le Nube. Man nga Nube um kule kile mber tà ke ɔje dè ndikumgajer ke è unn’n ndu’n kété mari nga. Ndikumgajer nè j’ingei takul kum ke j’umi nan’t bɔk se Jésu-Krist.

2 Timothee 1:1 ပူးပေါင်းရင်းမြစ်များ

Jean 10:28

Man m’ade à ndii kumgajer se non m à weii ndan lé sár doo karé bè géa asekum kuwe de hont kɔr de jim’t lé a tɔ.

Jean 17:3

Ndikumgajer se non nga, è le kade dé ger geli i Nube ke get karé bere a, le kade dé ger gel’m man Jésu-Krist ke i ule’m nga a tɔ.

Jean 5:24

Kerɔte kuwe, man m’ede sei ndàt, nanan ke oo tà le’m, unde kêm’n dè è ke njèkulem’t nga ɓaa ndi kumgajer se non nga ɓá ta. Nube à gangtà dènn’t lé. E doo nè nga tee tà yo’t aw loo ndikumgajer se non ɓá ta.

Jean 6:40

Nyan ke kêm Bɔ’m ndige á tò nè: Nanan ke oré kum’n dè’m man Ngonnnen’t a, unde kêm’n dèm’t a tɔ ɓaa, è à ndi kumgajer se non. Taɓai man m’ade à unde loo tee dann njé ke koo’t ndɔ ke ngeinn’t a tɔ.

Jean 6:54

Nanan á ke use danra’m a, an-in mese’m a tɔ ɓaa, ndi kumgajer se non ɓá. Ndɔ ke ngeinn’t ɓaa, m’a m’ade à unde loo tee kɔke dann njé ke koo’t.

Nje Ke Rome 1:1

Man Paul, ɓer kule le Jésu-Krist, Nube ɓar’m unde’m ke njèkawkule. Nube unde’m se ninn’n le kade m’ee njèkile mber Tà ke Maje le’n.

Nje Ke Rome 5:21

Kété yo on ɓee dè dooge’t tede majelé ke taa loo ɔge. Ɗarinè kêmnoje le Nube ɔr tà dè dooge’t ade ingei ndikumgajer se non le Nube takul Jésu-Krist, Kuwe-ɓee le jéi nga.

Nje Ke Rome 6:23

Oiyo nyan kuge dè ji le kaiya è yo, nè nyan kuge noje le Nube ɓaa, è ndikumgajer sár se non takul kum ke j’umi nan’t bɔk se kuwe jéi Jésu-Krist.

1 Nje Ke Corinthe 1:1

Man Paul, Nube ɓar’m le kade m’ee njèkawkule le Jésu-Krist se go kêmndige le’n è Nube. Man jè se ngokon jéi Sosthène,

2 Nje Ke Corinthe 1:1

Man Paul, njèkawkule le Jésu-Krist se go kêmndige le Nube. Jè se ngokon si Timothée, jè ndang magtub nè j’ade njékebe nange le Nube ke ndii kêm ɓee-bò ke Corinthe. Magtub nè nga jè ndang j’ade njé ke tooi se ninn de malang ke ndii kêm ɓeekon ke Achaie bere mbak a tɔ.

2 Nje Ke Corinthe 1:20

Krist è «oiyo» ke ribe dè ndukunnge le Nube malang ke ɔje kêm’n le ra. E se takul’n á j’ede’n nè «Maje kade è titeke bè» tede kule’n ndubra dè Nube’t.

Nje Ke Galatie 3:26

Ɗarinè sei Juipge se njé ke ei Juipge lé ke undei kem̂ si dè Jésu-Krist’t nga, sei malang sei ngann le Nube.

Nje Ke Galatie 3:28

Doo ke è Juip éké è Juip lé goto ɗarinè ta. Ɓer éké doo ke ndi dè’n pal goto ta, dingem éké dinye goto ta; tede sei malang sei dooge ke karé takul kum ke umi nan’t bɔk se Jésu-Krist.

Nje Ke Ephese 3:6

Se go Tà ke Maje á dooge ke ei Juipge lé oréi nan se jéi jèi Juipge dè nyange ke Nube unde konn tede le kosdooge le’n. Jèi se de jèi balkum danra ke karé bere. Jèi se de j’oréi nan dè ndikumgajer ke Nube unn’n ndu’n ade dooge ke umi se’n nan’t bɔk takul Krist.

1 Timothee 6:19

I ndeje de titeke bè le kade dé kebe nyanbawge d’unde konn loo ke maje’t ke ngiring ngiring-ngiring tede kade ndɔ ke rang d’inge’n ndikumgajer ke get a tɔ.

2 Timothee 1:10

Noje nè nga, ɗarinè tò nata ndái-ndái ndɔ ke njèkaje jéi Jésu-Krist ree’n dè nang nè. Jésu-Krist tuju tɔgmong le yo kɔti-kɔti ade loo gang ɗeng dè ndikumgajer ke se non se go Tà ke Maje nè nga.

2 Timothee 1:13

Ngarankum tàge ke oo tàm’t se mbii ɓá nga, an de ke nyan-tɔje; i nda njáng dè kundekem̂’t se dè tár nan ke j’ingei takul kum ke j’umi nan’t bɔk se Jésu-Krist.

2 Timothee 1:9

E Nube kuwe aje jèi a, ɓar jèi le kade jèi dooge le’n ke tooi se ninn de a tɔ. Ɓar ke è ɓar jèi nga è se go kule ra jéige lé, nè è se go nyan le’n ke è kuwe ɔje kem̂n’t kété mari se go kem̂-maje le’n. E noje ke è uwe se jéi karè kété mari ɓita unde gir nyange takul kum ke j’umi nan’t bɔk se Jésu-Krist.

2 Timothee 2:1

Ngonn’m, i ɓaa, uwe rai mong dè kem̂noje ke in ra Jésu-Krist’t nga.

2 Timothee 2:10

Gir’n ke nè á m’oré’n tà’m njak dè nyange malang ke tee dèm’t tede le njé ke Nube tɔr de. M’ra titeke bè tede kade dé géa d’inge’n kaje le Jésu-Krist a, se ndubra ke se non a tɔ.

2 Timothee 2:3

Oré se’m nan dè nyankem̂konge’t asenan se njèrɔ ke maje le Jésu-Krist bè.

2 Timothee 3:15

Magtubge ke tooi se ninn de nga, i ger de se ngonni ndêin bè mari. Magtubge nè asikum kadi nin kumkunju kade inge’n kaje takul kem̂i ke unde dè Jésu-Krist’t.

Tite 1:2

Ger ngarankum tà ke uwe made nan se kile koje dè Nube’t nga à ade j’à j’undei kem̂ jéi tchên dè ndikumgajer se non. Nube è njè tam tà lanm lé. Ndu’n ke unn ɔje’n dè ndikumgajer se non kété mari ɓita unde nyange ɓai nga, à tur rang lé.

Tite 1:4

I ngonn’m Tite ke m’oji gir kundekem̂’t le jéi nga, maje kade kem̂noje se kem̂lom ke in ra Bɔ jéi Nube’t se ra Jésu-Krist ke njèkaje jèi nain sei.

Hebreuge 9:15

Gir’n ke nè á Krist ee’n njè nda dann dooge se Nube ɔje’n dè mann-ra ke kige nè nga. E wei uge dè dooge ke ali tà kété mari gir mann-ra ke desêin’t. Titeke bè á dooge ke Nube ɓar de à asi kingei nyan-majege ke tooi se non ke ndɔ ke è unn’n ndu’n le kade de nga.

1 Jean 2:25

Ndikumgajer sár se non nga, è nyan ke Krist unn’n ndu’n ade jèi kété ɓá.