2 Pierre 3:9 - Nouveau Testament en Gulay 2004

⁹ Kuwe-ɓee tile mbɔr dè ndukunn ke ɔje dè ndɔ tel ree le’n titeke njé ke nange giri nga lé. Nè è ile kem̂’n pon dè si’t tede è ndige le kade doo karé bè géa dann si’t tuju lé. E ndige le kade dooge malang ɔsi wan teli turi hal de.

2 Pierre 3:9 ပူးပေါင်းရင်းမြစ်များ

Nje Ke Rome 13:11

I rai titeke bè tede sei geri kêm ndɔ ke jè ndii tutu ɗarinè nga mbak. Kàde kade i ndeli dè ɓi’t ase ɓá. Kété ke ndɔ ke j’undei kêm jéi dè Krist’t nga, kaje è se jéi heb ɓai, nè ɗarinè kaje è se jéi ngɔr ta.

Nje Ke Rome 13:12

Nain ngɔr ɓaa, loo à ar kade kàde à tee. Bè ɓaa, ade j’inyei go kule rage ke majelé ke jè rai dann ndɔɔ ɓaa, jè tulei nyankatege le lookar ra jéi’t.

Nje Ke Rome 2:4

Ké bò kêm-maje se kêmkile se korè ke Nube orè tà’n njak ndi nginei nga, ké i an ke nyan lé wa? Bò kêm-maje le Nube ke ɔsi balang-balang le kade i tur hali nga, ké i ger lé wa?

Nje Ke Rome 9:22

Nube ndige tɔje wong le’n ke nata; è ndige le kade dooge geri tɔgmong le’n. Nè è ile kêm’n pon dè dooge ke wong ra’n dè de’t a, ke ndii tà tuju’t a tɔ.

1 Timothee 1:16

Nè Nube ra se’m kem̂kanm. Gir’n ke nè á Jésu-Krist tɔje’n kem̂kile le’n ke deri ke nata tede’m man ke njè ra majelé dum njé ra majelége malang. Krist ra se’m titeke bè le kade m’ee nyan-tɔje tede le njé ke ndɔn’t à undei kem̂ de dè Krist’t le kinge’n ndikumgajer se non.

1 Timothee 2:4

ke ndige le kade dooge malang ingei kaje a, le kade kum de gang dè ngarankum tà’t maje a tɔ.

Hebreuge 10:37

Magtub le Nube ke tò ninn’n tam ede nè: «E ke ndi à ree nga, mbɔr ɓaa, è à ree kuwe m à tile mbɔr lé.

1 Pierre 3:20

Ndilge ke tooi dangai’t nè nga, ei dooge ke njé dum nange ke kété mari kem̂ ndɔge’t le Noé. Nè ndɔ ke Nube ile kem̂’n sár ade Noé ra’n bato tɔl mbas. Bato nè nga dooge sɔsɔ bere á awi kem̂é aji yo ndɔ ke mann bêlm ndum’n gute dooge ndarak dè nang nè.

2 Pierre 1:4

Takul ndubra se tɔgmong nè á j’ingei nyan-majege ke bòi ke gate de è ngain ke ndɔ ke Nube unn’n ndu’n le kade jèi nga. E ade sei nyan-majege nè nga titeke bè tede kade ngur nyange ke majelé le nang nè tuju’n sei lé, nè le kade i teli seii girkoje le Nube.

2 Pierre 3:15

An-in! kem̂kile le Kuwe-ɓee Nube nga á è gir kaje le si. E ke nè á è tà ke ndɔ ke ngokon jéi Paul ke è kotár le jéi ndang’n magtub ede’n sei tà nè ɓá. E ede sei tà nè se kumkunju ke Nube ade’n.

Lookilera’n 2:21

M’inye kurloo m’ade’n kade tel tur hal’n. Nè è ndige tel tur hal’n ke ɔje dè tò se nan ke kaiya’t le’n nga lé.