2 Pierre 3:7 - Nouveau Testament en Gulay 2004

⁷ Nè danran se nang ke ɗarinè nga, Nube unde de konn se go tà ke in tànn’t kuwe ɓai ngine’n ndɔ ke à gang’n tà dè njékaltàge le tuju’n de kɔke. Ndɔ’n nè nga, danran se nang nè géa por à ró de rák-rák a tɔ.

2 Pierre 3:7 ပူးပေါင်းရင်းမြစ်များ

Matthieu 10:15

Kerɔte kuwe, man m’ede sei ndàt, ndɔ gangtà’t nga nyan ke ndɔ ke tee dè njé ke ɓeekon ke Sodome se Gomorhhe nga géa è soo’t dum le dooge ke kêm ɓee-bò’t nè nga ɓai.

Matthieu 11:22

Gir’n ke nè á man m’ede sei ndàt, ndɔ ke Nube à gangtà dè dooge nga, tà ke d’a gang dè si’t à tur ngain dum le dooge ke kêm ɓee-bò ke Tyr se Sidon nè nga ɓai.

Matthieu 11:24

Gir’n ke nè á man m’ede sei ndàt, ndɔ gangtà’t nga tà ke Nube à gang dè si’t à tur ngain dum le njé ke ɓee-bò ke Sodome ɓai.

Matthieu 12:36

E á man m’ede sei ndàt, titeke tà malang ke dooge tami ke nonon karè nga, à ugei kure’n ndɔ gangtà’t.

Matthieu 24:35

Danran se nang nè à gotoi ɓai, nè tàge le’m à teli yai ndan lé sár kade nyange nè malang undei loo teei kété ɓita.

Matthieu 25:41

Ngar à kede njè ke ndai dè jigeln’t k’ede nè: «Sei njénonkilge, ɔti tam’t ke rang awi dann por ke à wei ndan lé ke d’uwe dè nja d’ɔje’n dè sú se ngann njékulege le’n.

Marc 6:11

Kêm ɓee-bò ke rara ke awi tutu nga, ke nè á dooge ke kêm ɓee’t nè uwei sei ke ra de’t lé a, ooi tà le si lé a tɔ ɓaa, loo ke a undei loo le teei nata kêm ɓee’t nè nga ɓaa, i gegi bubur ke nja si’t gák-gák umi dè de’t undei naje le si.

Jean 12:48

Nanan ke ute’m mbeng taa tàge le’m lé ɓaa, njègangtà dènn’t ndi tutu ɓá ta. Tà le’m ke m’tam nga kuwe à gangtà dènn’t ndɔ ke ngeinn’t.

Nje Ke Rome 2:5

Nè se go kêmnder lei a, se dum nan lei nga a tɔ nga, i uwe’n bò wong le Nube i ɓuku’n dèi’t i ngine’n ndɔ gangtà. Ndɔ nè nga, Nube à gangtà dè dooge’t se dè naje’n,

1 Nje Ke Corinthe 3:13

ndɔ tel ree le Kuwe-ɓee à kuje gir kule ra nanan géa ke nata ndái-ndái ɓai. Ndɔ tel ree le Kuwe-ɓee Jésu nga tò asenan se por ke à nan kule ra nanan géa le kan.

Nje Ke Philippes 1:28

Inyei loo adi njébange le si umi ɓel dè si’t ɔje dè nyan karé lé. Mbate Tà ke Maje le de nga tɔje jéi titeke dé dooge ke tuju. Nè sei ɓaa, nda njáng dè nja’t le si tɔje titeke sei ingei kaje ke in ra Nube’t nga ɓá ta.

2 Nje Ke Thessalonique 2:3

Adi doo karé libe kum si se nel tàge ke titeke bè nga lé. Gar-gar, kété ɓita kade ndɔ nè tee ɓai nga, dooge à in-in le rɔi se Nube a, doo njè kɔse tà mbeng ke è ngonn le njè tuju à kundei loo teei pa ɓita.

1 Timothee 6:9

An! dooge ke ndigi teli k’ei bawge nga osoi dann nyan sú’t se dann gum’t le ngur nyange ke raikarè ke majelé. Ngur nyange nè nga ile dooge tà yo’t a, dubu de dann tuju’t bɔndum a tɔ.

Hebreuge 12:29

Kerɔte kuwe, Nube le jéi nga è tite por ke ró nyan bè.

2 Pierre 2:9

Kuwe-ɓee Nube ger loo kɔr njé ke ilei koje dènn’t dann nyan ke à nan de. Nè è ger loo kunde njé kem̂ majelége konn le ngine’n ndɔ gangtà. Ndɔ nè nga, kure nyanra de à ɔde kum de labi-labi.

2 Pierre 3:10

Ndɔ tel ree le Kuwe-ɓee nga à è tite ndɔ ree le njèɓog bè. Kem̂ ndɔn’t nè nga, danran à ndubu tong-tong le kɔte goto njêl karè. Nyange malang ke danrán à leein larr-larr. Nang nè se nyange malang ke tooi tutu nga, por à ró de rák-rák a tɔ.

2 Pierre 3:12

Sei ndii i nginei le kade ndɔ le Nube ree kalang. Ndɔ nè nga, por à ró danrán rák-rák kade goto. Nyange malang ke kem̂ danran’t nga, por à leen de larr-larr a tɔ.

1 Jean 4:17

Ke nè á tár nan maje ɔr njêt ra jéi’t ɓaa, j’à ndai kem̂ jéi káng ndɔ ke Nube à gang’n tà dè jéi’t. J’à ndai kem̂ jéi káng tede ndikumgajer le jéi dè nang nè táa nan se le Jésu-Krist.

Jude 1:7

Adi kem̂ si olé dè dooge ke kem̂ ɓee-bòge ke Sodome se Gomorrhe se ɓee-bòge ke gan-in dè de nga. Dooge nè nga ndɔ ke rai nyange ke pás-pàs tite dooge ke danrán bè tɔ. Dingemge ke sangi dingem made dege tooi se de ke dinye’t. Nè Nube ade por ke à wei ndan lé in danrán ree ró de rák-rák ade kure nyanra majelé le de ɔde kum de. Nyan ke tee dè de’t nga, è nyan-tɔje tede le dooge malang.

Lookilera’n 17:11

Dan ke tò tutu kété mari á ɗarinè goto njêl nga, è kuwe è ngar-ɓee ke njèkon’t sɔ-sɔ. E géa è dann dange ke ji sejimute’t nè nga tɔ. E ɔte aw loo tuju’t nga.

Lookilera’n 17:8

Doo ke danrán nga tel ede’m ede nè: «Dan ke i an’n nga tò tutu kété mari, nè ɗarinè goto ta. A unde loo tee kem̂ be ke son’n goto le kaw ke loo tuju’t. Dooge ke ndii dè nang nè, ke dé ndang ri de kem̂ magtub ndikumgajer’t lé mari loo kunde gir nang’t nga, loo ke à an-in dan nè nga bè ɓaa, tà à ige de sêl. Tà à ige de sêl tede dan nè nga tò tutu kété mari, nè go’t gugu goto njêl. Dan nè nga, ndɔn’t à tel kunde loo tee ɓai.

Lookilera’n 20:11

Go’t gugu, m’an doo karé bè ndi dè kutu-ngar ke nda ke bòi’t. Nang se danran ɔti an-in nan tà kum’n ta.

Lookilera’n 21:1

Taɓai, m’an loo gerer ɓaa, m’an danran ke kige tede danran ke desêin se nang ke desêin gotoi njêl karè. Ba-bò kate géa goto njêl karè a tɔ.