2 Pierre 3:4 - Nouveau Testament en Gulay 2004

⁴ à tami kedi nè: «Ndɔ ke Jésu unn ndu’n ede nè n’a n’tel ree. A ɓaa, ké tel ree le’n nga à è ndɔ ke ra’t wa? Tede bɔ jége weii ɓá, nè nyange malang tooi se loo tò de titeke mari desêin loo kunde gir nyange’t nga kuwe ɓai.»

2 Pierre 3:4 ပူးပေါင်းရင်းမြစ်များ

Matthieu 16:27

Ndɔ karé ke man ke m’ee Ngonn doo nga, m’a tel ree se dooge le’m ke danran dann ndubra’t le Bɔ’m ɓaa, kêm ndɔn’t nè nga m’a m’uge nanan géa se goo nyan ra’n ra’n.

Matthieu 16:28

Kerɔte kuwe, man m’ede sei ndàt, njé ke nange dann dooge ke ndii nè nga à an-in Konɓee le’m man Ngonn doo se kum de pa ɓita à weii ɓai.

Matthieu 24:28

Loo ke rara ke ninn tò tutu ɓaa, è loo’n nè á malge à kebi nan tutu.

Matthieu 24:48

Nè ke né á è ngonn njèndi ke majelé ɓaa, à tam kêmn’t k’ede nè: «Kuwe’m à tile mbɔr ɓai.»

Marc 10:6

Nè kété ke desêin loo kunde-gir nyange malang nga, Nube ra dingem se dinye.

Marc 13:19

Oiyo, nyantosowurge ke à teei kêm ndɔn’t nè nga, mari ke Nube unde’n nang sár tee ɓila nga, nyantosowurge nè teei lé ɓai. Gar-gar nyantosowurge nè nga à teei gugu rang ndan lé a tɔ.

Tà ke Maje ke Luc ndang 12:45

Ke nè á ngonn njèndi nè nga tam kêmn’t ede nè: «Kuwe’m à tel ree kalang lé ɓai.» Nè loo ke è unn gir kuse nyan se kain yibe ade al dè’n, è ur dè gute ngann njèndi madennge’t ke dingem se njé ke dinye tunde de, yal de karé-karé.

Nyanra Njekawkulege 7:60

E ɔse keje’n nang tam tà se ndu’n ke bòi ede nè: – Kuwe-ɓee, inye go ra majelé le de nè nga kɔke. Loo ke Etienne tam tà nè nga titeke bè ɓaa, tà’n tête nyonk.

1 Nje Ke Thessalonique 2:19

Loo ke ndɔn’t Kuwe-ɓee le jéi Jésu à tel ree ɓaa, nyan kundekem̂ tchên se nyan ranel le jé nga ké è sei lé ɓai wa? Dè jé à in tchakm nonn’t tede kem̂ ndɔn’t nè nga sei a i tooi kasinan se jɔkɔ kunn banga le jé bè.

2 Pierre 3:12

Sei ndii i nginei le kade ndɔ le Nube ree kalang. Ndɔ nè nga, por à ró danrán rák-rák kade goto. Nyange malang ke kem̂ danran’t nga, por à leen de larr-larr a tɔ.

Lookilera’n 3:14

Doo ke m’an’n nga tam ede nè: «I ndang magtub nè ade doo ke danrán ke njèkan dè njékebe nange le Nube ke kem̂ ɓee-bò ke Laodicée. Doo nè nga dé ɓar’n «Amen», maje kade è titeke bè kuwe. E ke njèkɔrgo tà ke get ke dooge undei kem̂ de dènn’t. E kuwe è ngire gir nyankundege le Nube malang. E tam ede nè: