2 Pierre 3:2 - Nouveau Testament en Gulay 2004

² M’ndige le kade kem̂ si olé dè tàge ke njéribe-dè-tàge ke tà Nube’t ke tooi se ninn de tami kété nga. M’ndige le kade kem̂ si olé dè ndukunn’t ke ndɔ ke njékawkulege le Kuwe-ɓee njèkaje jéi ndó sei kété ɓá nga a tɔ.

2 Pierre 3:2 ပူးပေါင်းရင်းမြစ်များ

Tà ke Maje ke Luc ndang 1:70

E tam tà nè nga kété mari se go rebe ke ra njéribe-dè-tàge’t le’n ke tooi se ninn’n ede nè:

Tà ke Maje ke Luc ndang 24:27

Go’t gugu, Jésu ɔr gir nyange malang ke dé ndang d’ɔje’n dè’n kêm Magtub’t le Nube. E unn gir dè magtubge’t le Moise sár tee’n dè le njéribe-dè-tàge ke tà Nube’t.

Tà ke Maje ke Luc ndang 24:44

Go’t gugu, è ede de ede nè: – An-in! è á è tà le’m ke ndɔ ke m’ede sei kété ke m’nain’n se si ɓai nga: nyange malang ke Moise se njéribe-dè-tàge ke tà Nube’t ndangi ɔji dè’m se tàge malang ke tò kêm Magtub pa’t nga, gar-gar à awi loon’t deĵ kuwe.

Nyanra Njekawkulege 10:43

E è kuwe á njéribe-dè-tàge ke tà Nube’t malang tami tà ɔji dè’n edi nè: «Nanan ke unde kêm’n dè Jésu’t ɓaa à inge kêm tin mbit dè kaiyage’t le’n takul ri Krist.»

Nyanra Njekawkulege 28:23

Paul se Juipge ɔji ndɔ tede tel kinge’n nan. Loo ke ndɔ nè ase deĵ ɓaa, Juipge reei ngain dum ke kété ingei nin kêm kei ndinn’t kuwe. Paul ɔrgir tà se ndɔgé sár loo sɔlé a, ile mber Konɓee le Nube nga ndàt ade de a tɔ. E uwe ra’n mong le kade kum de gang dè Jésu’t se go tà ke kêm magtub gute-ndu’t le Moise sár tee’n dè magtubge’t le njéribe-dè tàge ke tà Nube’t.

Nyanra Njekawkulege 3:18

Nè nyankêmkon ke ayé ra Krist ke Nube ule’n nga, Nube kuwe ade njéribe-dè-tàge le’n tami tà’n kété mari. Tà nè nga aw loon’t deĵ ɗarinè.

Nyanra Njekawkulege 3:21

Jésu-Krist nè nga, gar-gar à ra ɓee danrán sár kade kurloo gɔl nyange malang loon’t gugu ase’n deĵ. Kurloo gɔl nyange loon’t gugu nga, Nube ade njéribe-dè-tàge le’n ke tooi se ninn de edi sei tà’n kété mari ɓá.

Nje Ke Galatie 6:2

I taai nyankoto ke wɔi dè nan’t. Titeke bè á a i rai gute-ndu le Krist nga tɔli mbas.

Nje Ke Ephese 2:20

Sei nga, dé rɔte sei dè gir kei’t le njékawkulege se njéribe-dè-tàge ke tà Nube’t a tɔ. Jésu-Krist á è kuberi her ke mong dè kum kei’t.

Nje Ke Ephese 3:5

Nyan ke tò loo ɓɔyɔn’t nè nga, Nube ribe dè ade dooge ke kété mari gerii lé. Nè ɗarinè, è ribe dè se go Ndil’n ade njékawkulege se njéribe-dè-tàge ke tànn’t ke tooi se ninn de gai se go Ndil.

1 Timothee 6:14

an dè ndukunnge nè nga sêw-sêw ade nyan karé géa gang kɔté éké ade tà karé bè géa uwe dè de lé a tɔ. I ra titeke bè sár kade Kuwe-ɓee le jéi Jésu-Krist unde’n loo tee’n pan.

2 Pierre 2:21

Kade dé ger rebe ke danné sêw nga lé è soo’t dum kade dé ger ndukunn ke tò se ninn’n le Nube ke ndɔ ke dé ndó de nga d’inye d’ɔse wan dé tel.

2 Pierre 3:15

An-in! kem̂kile le Kuwe-ɓee Nube nga á è gir kaje le si. E ke nè á è tà ke ndɔ ke ngokon jéi Paul ke è kotár le jéi ndang’n magtub ede’n sei tà nè ɓá. E ede sei tà nè se kumkunju ke Nube ade’n.

2 Pierre 3:16

Kem̂kile le Nube nga, Paul tam tà’n kem̂ kem̂ magtubge’t le’n malang ke è ndang loo ger gir tur ngain. Dooge ke nyanger le de ase lé a, ke nja de uwe nang ba lé a tɔ nga, ei turi tàge nè ilei gel titeke ei rai se gute Magtubge le Nube ke rang tɔ. Dooge nè nga rai titeke bè tuji ra de ei kuwe.

1 Jean 4:6

Nè jèi ɓaa, jèi le Nube. Doo ke ger Nube ɓaa à ur mbi’n le koo’n tà le jéi. Doo ke ger Nube lé ɓaa à ur mbi’n koo’n tà le jéi lé. E ke nè á j’à ger’n ngarankum Ndil ke in ra Nube’t se ndil ke in ra njè kem̂ majelé’t ke njè kade dooge ndemi rebe ke maje’t nga.

Jude 1:17

Nè sei kotárge le’m ɓaa, adi kem̂ si olé dè tàge ke ndɔ ke njékawkulege le Jésu-Krist Kuwe-ɓee le jéi ede sei kété ɓá nga.

Lookilera’n 19:10

M’oso nang nja doo ke danrán’t nè nga rap, m’ule dè’m m’ade’n. Nè è tel ede’m nè: «Ebe’t ra titeke bè, tede man nga m’ee made-ɓer kule lei a, le ngakoinge ke njékɔrgo tàge le Jésu a tɔ. Gar-gar, i ɗɔi Nube.» Ngarankum tà ke Jésu ɔrgo nga, è tà ke ndɔ ke Ndil ule tà njéribe-dè-tàge ke tà Nube’t ade tami.