Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 Pierre 3:18 - Nouveau Testament en Gulay 2004

18 Awi kum si ke kété-kété dè noje’t a, se dè ger Jésu-Krist Kuwe-ɓee le jéi ke njèkaje jèi nga a tɔ. Maje kade riɓar è le’n ɗarinè sár se non. Maje kade è titeke bè kuwe.

အခန်းကိုကြည့်ပါ။ ကော်ပီ




2 Pierre 3:18
26 ပူးပေါင်းရင်းမြစ်များ  

I ndói de loo kile koje dè ndukunnge malang ke kété m’unn m’ade sei nga. An-in! man nga géa m’a m’ee der gir si se ndɔ karé-karé malang sár ndɔ ke ngeinn’t.


Maje kade inye loo ade nyan sú nan jè lé, nè ɔr jè dann nyan ke majelé’t kɔke.


Ndikumgajer se non nga, è le kade dé ger geli i Nube ke get karé bere a, le kade dé ger gel’m man Jésu-Krist ke i ule’m nga a tɔ.


Titeke bè á dooge malang à ilei koje dè Ngonnenn’t titeke ilei koje dè Bɔn’t nga tɔ. Doo ke rara ke ile koje dè Ngonn’t nga lé ɓaa, è ile koje dè Bɔ’n ke njèkulenn’t nga lé tɔ.


Oiyo, Kuwe-ɓee Nube kuwe á nyan malang in rann’t a, tò takul’n a, tò tede le’n a tɔ. Maje kade riɓar è le’n sár se non! Maje kade è titeke bè kuwe.


Kété mari, Nube tam ede nè : «Maje kade lookar ndogó dann tilkusge’t!» E Nube nè nga kuwe á ade lookar ndogó dè ɓengre jé’t tede kade jè ribe’n dè ger-gel ndubra le Nube tàkum Kuwe-ɓee Jésu-Krist’t.


Man m’ra titeke bè le kade Nube le Kuwe-ɓee le jéi Jésu-Krist, è Bɔ jéi ke ndubra è le’n ade sei kumkunju le Ndil. Titeke bè á kum si à gang’n dè Nube’t le kade i geri nin njai-njai.


Ké nè á jè tami ngarankum tà a, jè tári nan se kem̂nda káng a tɔ ɓaa, j’à rai tɔge ke kété-kété dè kum nan’t bɔk se Krist a, dè nyange malang a tɔ. Krist nga è doo dè njékebe nange le Nube.


Taɓai, man m’an nyange nè malang ke nyange ke tuji tede ger ke m’ger gel Jésu-Krist, Kuwe-ɓee le’m. Ger gel Jésu-Krist Kuwe-ɓee le’m nga è nyankinge ke dum dè nyange malang. E tede tà le’n á m’inye’n go nyange malang ke kété m’an de ke nyankinge’m man kuwe deri nga. M’an nyange malang tooi asinan se nyange ke doo saa um dè ɓirɓite’t tede kade m’inge’n Krist,


Titeke bè á pa njiye si à uwe’n made nan se le Kuwe-ɓee kade i rai nyan ke kem̂’n ndige. Sei a i rai nyange ke se ri de-ri de a, ger gel Nube le si à in dè made’t ke kété-kété a tɔ.


Ke nè á awi se kubu ke kige ɓaa, sei i teli doo ke kige. Doo nè tel ra’n kige se ndɔge malang a, tel tanan se njèkunde’n tcha-tcha a tɔ. Titeke bè á sei asikum geri gel Nube njai.


Ngakon jége, gar-gar jè ra Nube oiyo se ndɔge malang tede si. Ra ke jè ra’n oiyo bè nga, è loon’t kuwe tede kundekem̂ dè Nube’t le si se tár ke sei malang i tári nan nga in dè made’t ke kété-kété.


Kuwe-ɓee à ɔr’m dann nyan ke majelé’t malang, è à aje’m le kade m’aw sár kem̂ konɓee’t le’n ke danrán se ra’m ke mong maj-maj. Maje kade riɓar è le’n è kuwe sár se non. Maje kade è titeke bè kuwe.


Adi ngur tà le Nube ra sei pênn-pênn titeke ngur kil kum kate mba ra’n ngann kidege bè tɔ. Takul mba á sei a rai tɔge ke kété-kété dè kaje’t.


Titeke bè á Nube à ɔr’n tà rebe kaw kem̂ konɓee ke à tò sár se non le Jésu-Krist Kuwe-ɓee le jéi ke njèkaje jèi kinye wei bendeng kade jèi.


Sei geri Nube a, sei geri Kuwe-ɓee le jéi Jésu nga maje a tɔ. Maje kade adi kem̂noje se kem̂lom le si in-in dè made’t ke kété.


Kuwe-ɓee Jésu nga ade jèi nyange malang ke j’awi ndoo’n se go tɔgmong le’n le kade jè ndii kumgajer a, j’ilei koje dè Nube’t a tɔ. Kuwe-ɓee Jésu-Krist ade jè geri nin è ke njè ɓar jèi kade j’oréi nan se’n dè ndubra’t le’n a, dè tɔgmong’t le’n a tɔ.


Ke nè á awi se nyange nè nga adi tooi ra si’t ndàj-ndàj ɓaa, dabe ger gel Kuwe-ɓee le jéi Jésu-Krist à ra sei lé, nè à adi a i geri gel Kuwe-ɓee le tel taai nan se’n tcha-tcha.


Dooge ke kété ɔri ra de dann nyange ke mine ke dè nang nè takul ger ke geri Jésu-Krist Kuwe-ɓee njè kaje jèi njai nga. Dooge nè nga, ke nè á teli ulei ra de dann nyange ke mine’t adi on-in ɓee dè de’t ɓai ɓaa, ndɔn’t à majelé dè de’t ngain dum ke kété.


Nube le jéi karé bere ke Njèkaje jèi takul Kuwe-ɓee le jéi Jésu-Krist nga, maje kade ndubra se riɓar, se tɔgmong konɓee ei le’n sár se non. Maje kade è titeke bè kuwe.


Jésu-Krist tel jéi ke dooge ke kem̂ konɓee’t le Nube. E tel jèi ke njékuje nyan-mesege tede ra kule le Bɔ’n Nube. Maje kade riɓar se tɔgmong ei lennge sár-sár se non. Maje kade è titeke bè kuwe.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ