2 Pierre 3:17 - Nouveau Testament en Gulay 2004

¹⁷ Sei geri tà nè kété ɓá. Bè ɓaa, kotárge le’m, undei kumkunju dè ra si’t nè bainléa njékaltàge à ndonmi sei nang ndalang dè nda njáng’t le si se sútàge le de nga.

2 Pierre 3:17 ပူးပေါင်းရင်းမြစ်များ

Matthieu 16:11

Ma m’ede sei m’ede nè: Undei kumkunju dè ra si’t le kade sei njékede gosge tite Pharisienge se Saddusienge lé á m’tam bè m m’tam se si tede mapa ke sei ɔyi ji si’t lé nga lé. Ké bain á kum si gang dè tà’t nè nga lé sár wa?

Matthieu 16:6

Jésu ede de ede nè: – Kêm si dè ra si’t, undei kumkunju dè ra si’t le kade sei njékede gosge tite Pharisienge se Saddusienge bè lé.

Matthieu 7:15

Undei kumkunju dè ra si’t ɔje dè njé tête tà kunde tà Nube’t. Ei rai ra de tite batege bè reei ra si’t. Nè kêm de ke kei ɓaa, ei heng-ge ke njé tɔ ko dooge.

Jean 16:4

Nè man m’ede sei tà nyange nè nga kété tede kade loo ke kàde’n le de à tee ɓaa, kêm si olé’n dè tàge ke kété m’ede sei’t nga. Man m’ede sei tà nyange nè nga kété lé tede nain ke m’nain se si ɓai.

Nyanra Njekawkulege 2:42

Njétaakêm-Kristge malang uri mbi de tchên ooi tàge ke dé ndó de se ndɔ karé-karé. D’um nan’t bɔk tite ngakon nange se kon nannge bè. D’on mur nan’t a, d’ɔje tà se Nube nan’t a tɔ.

Nje Ke Rome 16:18

Dooge ke titeke bè nga, ei ɓer kulege le Kuwe-ɓee le jéi Krist ke get lé, nè ei njé ra kulege ke ɔje dè tà kêm de ei kuwe. Tàge ke nel ke tà de’t á dé libe’n kum njétaakêm-Kristge ke kundekêm le de ɓisir lé ɓai, d’ite’n dè de’t.

1 Nje Ke Corinthe 10:12

Gir’n ke nè á doo ke gir kêmn’t ede nè n’nda dɔ ɓaa, maje kade unde kumkunju dè rann’t nè bainléa à kin koso dann majelé’t.

1 Nje Ke Corinthe 15:58

Titeke bè á, ngakonmge ke m’tár sei ngain, i ndai dè nja si’t njáng m i lengi lé. Awi kum si ke kété-kété dè kule’t le Kuwe-ɓee. Sei geri mbak titeke kule le Kuwe-ɓee ke sei ulei ra si ndibe i rai adi Krist nga à tel k’ee nyan ke raikarè lé.

2 Nje Ke Corinthe 11:3

Titeke ndɔ ke li ra’n gos sú’n kum Eve nga, m’ɓel kade tàgir le si tel tur gide’n ade noje kêmnda ke Krist uwe se si.

Nje Ke Galatie 5:4

Ke nè á i sangi le kade tà ɔr dè si’t non Nube’t se go gute-ndu nga ɓaa, sei tin-in se Krist ɓá ta. Taɓai noje ke Nube uwe se si nga utei piring ilei kɔke a tɔ.

Nje Ke Ephese 4:14

Titeke bè á j’à teli tooi kasi nan se ngannge lé. Tede ngannge nga njé tà ke raikarège se njé libe kum dooge in-in ndói de nyange ke pás-pàs ade ndemi. Ngannge nga tooi asinan se bato ke nel ɔse’n aw se’n yo-yo, nè-nè bè.

Nje Ke Philippes 3:2

Undei kum si go bisege’t lé a, undei kum si go njékulege ke majelé lé a, undei kum si go njé sule sei kade ujei tà mɔte sige lé a tɔ.

Nje Ke Colosses 2:5

Kerɔte kuwe, danra’m ndi ebe se si, nè se tàgir le’m ɓaa m’ee se si nan’t. M’ra ranel tede nyange ke dann si’t aw maje se gonan-gonan a, tede ba ke sei bai nja si nang dè kundekem̂ dè Krist’t a tɔ.

Nje Ke Colosses 2:8

Undei kumkunju dè ra si’t le kade dé sú kum si se tà ndóge ke lanm a, se tà sú ke raikarè se go nyangirkà le dooge ke dè nang nè nga lé a tɔ. Nyan-ndóge nè nga in-in ra Krist’t lé, nè in-in ra dooge ke dè nang nè.

2 Timothee 4:15

I géa, an’n maje tede è ute tàge le jéi mbeng-mbeng kɔke.

Hebreuge 3:14

Ke nè á jè ndai njáng dè kundekem̂’t le jéi ke desêin sár ndɔ ke ngeinn’t ɓaa, j’à j’oréi nan se Krist dè nyanbawge’t le’n kerɔte kuwe.

1 Pierre 5:9

Ilei rɔ adi nin. I ndai dè kundekem̂’t le si njáng tede sei geri mbak titeke nyankem̂konge nè nga kété teei dè ngakon sige’t dè nang nè ɓá ta.

2 Pierre 2:7

Lot è doo ke njè ra nyan se dè naje’n. Wur’n ndir’n njàk-njàk tede nyanrage ke bann-bann le dooge. Nube ɔr Lot dann de’t aje’n.

2 Pierre 3:1

Kótarge le’m, magtub ke m’ndang nè nga, è njèkon’t joo. Kem̂ è ke kété’t se è ke ɗarinè, m’ndige le kolé kem̂ si kade tàgir le si aw maje dè nyange ke ndɔ ke m’ndó sei nga.

Lookilera’n 2:5

Ade kem̂i olé dè loo ke in tutu oso nga. I tel i tur hali, unn kule ke ndɔ ke i ra kété i ra. Ke nè á i tel i tur hali lé ɓaa, m’a m’awi non. Lampe lei ke ra se nar-ɔr nga, m’a m’aw le ndɔte’n kɔke.