2 Pierre 3:16 - Nouveau Testament en Gulay 2004

¹⁶ Kem̂kile le Nube nga, Paul tam tà’n kem̂ kem̂ magtubge’t le’n malang ke è ndang loo ger gir tur ngain. Dooge ke nyanger le de ase lé a, ke nja de uwe nang ba lé a tɔ nga, ei turi tàge nè ilei gel titeke ei rai se gute Magtubge le Nube ke rang tɔ. Dooge nè nga rai titeke bè tuji ra de ei kuwe.

2 Pierre 3:16 ပူးပေါင်းရင်းမြစ်များ

Matthieu 15:3

Nè Jésu deje de ede nè: – A sei, ké bain á ali tà tà ndukunn’t le Nube tede nyangirkà le si tá wa?

Matthieu 15:6

Titeke bè á sei adi nyangirkà le si tá pujur dè tà le Nube.

Matthieu 22:29

Jésu tel ile de dè’t ede nè: – Sei ndemi uri walé ɓá ta, tede sei geri magtubge ke tooi se ninn de nga lé a, tɔgmong le Nube géa sei geri lé a mbak.

Nje Ke Philippes 3:19

Dooge nè nga loo tɔl tà’n ɓaa, d’a tuju. Nyankuse ke kem̂ de’t á d’oré kum de dè’t asenan se Nube le de bè a, nyan rasɔl á d’an ke riɓar le de a tɔ. Nyange le nang nè á dé gir dè’t se ndɔge malang.

Hebreuge 5:11

J’aw se tàge ngain le kede sei dè eige ke nè ɓai. Nè loo kɔrgir nyange nè nga ɗêi-ɗêi tur se jé tede sei i teli i rai rakate dè koo girtà kɔr sonn’t.

Jacques 1:8

E doo ke njè kem̂ joo ke aw yo-yo, nè-nè dè rebege malang ke aw tutu.

1 Pierre 1:1

Man Pierre, njèkawkule le Jésu-Krist, m’ndang magtub nè m’ade njé ke Nube ɔr de unde de se ninn de ke ei njé nanmge ke sanrin nan awi ndii kem̂ ɓeekonge ke Pont, Galatie, Cappadoce, Asie a, se Bithynie a tɔ.

1 Pierre 2:8

Loo ke rang’t ɓai, Magtub le Nube ke tò se ninn’n tam ede nè: «Kuberi her nè nga tel è jig ke tuge de ade d’aw tebel-tebel. E her ke tuge de ade d’oso.» Dooge nè nga, kuberi her nè tuge de ile de tede kunn mbi dè tà’t le de. E ke nè á è nyan ke d’ɔje’n dè de.

2 Pierre 2:1

Njé tête tà kunde tà Nube’t nga, ndɔ ke kété undei loo teei dann kosdooge’t ɓá. Ɓila géa njéndó dooge nyan ke lanmge à undei loo teei pan dann si’t titeke bè tɔ. Dé nè nga, d’a d’unn nyan-ndóge ke gai pat kule dann si’t le tuju’n sei. D’ade mbate Ngar Jésu ke njèkuge dè de. Gir’n ke nè á d’a dé ɓar’n tuju kalang d’ile’n dè de’t.

2 Pierre 2:14

Kum de tò dè kaiya-dinyege’t kakak a, d’aw kum de ke kété-kété dè ra majelé’t a tɔ. Dooge ke nange ke nja de uwe nang ba lé nga, dé leŝe de leŝ-leŝ. Dé dooge ke njé nede nyange. Ndutɔr le Nube goto dè de’t.

2 Pierre 3:14

Gir’n ke nè á, kotárge le’m, uwei ra si mong, i ndii i nginei ndɔ le Nube. I rai titeke bè le kade Nube ree inge sei se ra si ke unju nyang-nyang, nal kade tà karé uwe dè si nonn’t. Ke nè á ra si unju nyang-nyang a, tà karé géa uwe dè si nonn’t lé a tɔ ɓaa, a i ndii se’n se kem̂lom kuwe.

2 Pierre 3:2

M’ndige le kade kem̂ si olé dè tàge ke njéribe-dè-tàge ke tà Nube’t ke tooi se ninn de tami kété nga. M’ndige le kade kem̂ si olé dè ndukunn’t ke ndɔ ke njékawkulege le Kuwe-ɓee njèkaje jéi ndó sei kété ɓá nga a tɔ.

Jude 1:4

Dooge ke nange uri dann si’t se go ngein. Tà ke ɔje dè kem̂noje le Nube le jéi nga, ei turi ilei gel tede le ra’n nyange ke pás-pàs. Dé dooge nè nga, dé mbate Jésu-Krist, Ngar le jéi se Kuwe-ɓee jéi ke karé bere luk-luk nga sár. Gangtà ke dé ndang tà’n kété mari d’ɔje’n dè de nga tò ngine de tchên.